وش رايكم باللي يفك عمود الدبل

[غربي هواوي]

السلام عليكم


قررت انا وكم واحد من الربع نسافر على سيارتي جيب لانكروزر 2002 اذا الله سهل


طبعا مشوارنا بعيد يعني خارج المملكة


الشيء اللي يدور في بالي هالايام اني افك عمود الدبل ولا رجعت بالسلامه ارجعه


وش رايكم ؟

[محمدالمحيسن]

وعليكم السلام

تروحون وتجون بالسلامه ان شاء الله

لكن ليش ماتركب فرارت ( تحضيره ) تشبك العمود 4*4 وتفصله 4*2 على كيفك

مجرد رأي

[غربي هواوي]

راي طيب بس هل تركب على 2002

[ابوسعودد]

الفرارات ميزتها انها تريح الدفرنس والدبل جميع اما فك العمود فانه راح يريح الدبل فقط
ومن وجهة نظري لاتفتح على نفسك باب مسكر خليه وماتدري يمكن توقف على جنب الطريق ثم تحتاجه وانا مره صارت لي وانا جاي من الدمام الى القصيم وكان معي الاهل وقفت ابي اصلي ثم مادريت الا الارض كنها رباظه اضطريت اني اخفف من هواء الكفرات مع الدبل طلعت السياره ( حط نفسك مكاني والعمود انت فاكه بيديك ) كان يجيك قهر ما راح احد يلومك عليه .
تحياتي لك وتروح وتجي بالسلامه والله الله بقراءة الاوراد الصباحيه والمسائيه ودعاء السفر

[جبرني وقتي]

توصل بلاسلامة

[الربذي]

لالالالالالالالالالالالالالالالالالالا اخي للاتفك الدبل ركب فرارات اوتحضيره يكون العمل على الفرارة ومريح العكس الامامي ومريح العمود واذا احتجته فره وخلاص وبالكثير تكلفك 500ريال واذا بغيت تبيعه فكها وبيعها لوحدها اذا اردت ذلك مثلا ...

اما تفك العمود صراحه فكرة خاطئه 100 بالميه لابد انك تحتاج الدبل وحتى وان فكيت العمود العكوس عند كل كفر تدور اما اذا ركبت الفرارات فتكون زي الصغيرة والا الدداسن تريح كل شي ...............

[قمة افرست]

انصحك لاتفك شي ولا تركب فرار
سافر ولايضره اي شي
طبعا الاخوان ذكروا الفرار وفوائده صحيح
لاكن رايي انك تترك كل شي زي ماهو دام العمود مافيه رجه
بتخسر على الفاضي بالفرارات
والشي الي ماني متاكد منه ان الفرار يفصل العامود
تاكد هل الفرار يفصل العامود ولا لا
ولاتنسى شكل الفرار باين مشوه منظر الجنط

[الربذي]

انصحك لاتفك شي ولا تركب فرار
تاكد هل الفرار يفصل العامود ولا لا

يعني انت ماتعرف يفصله ولا لا الاجابه نعم يفصله وشغلتي الفرارات من 10سنوات

لكن اذا الجيب 2008او 2009 مارايح يزود ولارايح تحس باي فرق يذكر اما اذا قديم تلاحظ الفرق وبقوة00

[اسدهم]

اخوي اذاصرت جازم ع فكتة فكة وريح نفسك بس خلة معك في الغمارة ماتدري وش قدامك من امور ادنياء نصيحة اخو واذا رجعت بسلامة انقز للغرابي وركبلك فرار من السليماني 450 مع التركيببرازيلي ولقلة ابغي شي قصير عشان اركب الغطي حق الجنط تلقاة صناعة برزيلي او استرالي بس خذة انا معي من عام 2003 مطلع موتري وكالة ومركبة ماخالف علي الحمدالله

[abo-lma]

فكة العمود غلط


موفق خير

[mo7taj]

نصيحة ....

ما دام سفر خلي السيارة كما هي افضل لك....

وربي يردك سالم غانم.....

[غربي هواوي]

الله يجزاكم الف خير
وما خاب من استشار
الشيء اللي وصلت له من خلال ردودكم اني ما راح افك العمود
وبالنسبة للفرارات فيها اخذ وعطا

شاكر ومقدر لكم جميعا

[مواسي الطعوس]

يعني انت ماتعرف يفصله ولا لا الاجابه نعم يفصله وشغلتي الفرارات من 10سنوات

لكن اذا الجيب 2008او 2009 مارايح يزود ولارايح تحس باي فرق يذكر اما اذا قديم تلاحظ الفرق وبقوة00

**********************

الفرارات بالتويوتا / تفصل : العامود والكارونه لكن الدبل يدور لانه تروس

الباترول / يفصل : العامود والكارونه والدبل لانه جنزير .

[shaheenshah]

يا زين الموتر شد بلد

[ابوسعد931]

والعكوس هل تستهلك اذا ركبت الفرارات تكفون عطونا العلم وعطونا نوع جيد للتايوتا