لاصحاب الباترول ...!

[العضيله]

الله لا يهينكم يا اخوان انا عندي استفسارين وابي منكم الجواب الشافي
ما الفرق بين الباترول من موديل 90 الى 97 في الشكل الخارجي ؟
ماهي الحراره الطبيعيه للباترول وهل اذا تعدت الربع تكون غير طبيعيه ؟

ومشكوووورين.

[العضيله]

يالربع ردوا علينا الله لا يهينكم
تراني متحدي انا وواحد .

[شاقي القميري]

السلام عليكم أخي العضيله
أول شي وش متحدي عليه انت وخويك<<<<واحد ملقوف هههه
ثاني شي الباترول من م88 إلى 97 شكل واحد
ثالث شي الحراره الطبيعيه للباترول ماتتعدى الربع لوتنقز إلا إذا كان الموتر فيه مشكله وتقبل مروري ولقافتي اخوك شاقي القميري

[فهد العرجان]

نعم وانا اكد كلام اخوي شاقي القميري

[faris2006]

نعم وانا اكد كلام الاخ شاقي القميري

[العضيله]

أخواني شاقي ,هتلر , فارس الله لايهينكم والظاهر اني توهقت بالعشاء مير حياكم .

[شاقي القميري]

تو كل على الله بس عساه هريفي(أمزح مسوي ريجيم بس لعيونك نخربه هالمره)ههههههههههههه

[سوبر VTC]

ولم الحق بس

ما يمديك نبي نطب عليك

تراي جوعان و ما تعشيت

عموما حرارة الباترول بين الخطين الاولات
البلف يفتح على حرارة 75

[abo-lma]

السلام عليكم ورحمة الله


ياسوبر فتك

ممكن توضح ( البلف يفتح على حرارة 75 ) يعني ياليت تشرحها لو تكرمت

موفق خير

[سوبر VTC]

السلام عليكم ورحمة الله


ياسوبر فتك

ممكن توضح ( البلف يفتح على حرارة 75 ) يعني ياليت تشرحها لو تكرمت

موفق خير

و عليكم السلام و رحمة الله

رح لاي محل نيسان وشف البلف مكتوب عليه حرارة 75
يعني اذا وصلت حرارة الماء بسلندر المكينه 75
يفتح البلف و يدخل ماء الاديتر البارد
تحياتي

[العضيله]

بس انا عندي يتعدى الربع بشي بسيط في الظهر هل هناك مشكله .

تقبلوا تحياتي

[سوبر VTC]

بس انا عندي يتعدى الربع بشي بسيط في الظهر هل هناك مشكله .

تقبلوا تحياتي

ماذكرت كم موديله و هل الاديتر اصلي ام لا
الماء نظيف؟
عموما حنا بعز الحر و عادي تعدا الخطين بشعره
انا اقولك حرارة موترك طبيعيه
افضل حل اذا بغيت تفحص الحرارة
اذا كان الموتر واقف دس بنزين تقريبا الكمبريشن على 2 او 2 و نص
طبعا يكون موترك مروحة سير شد بلد
راح تلاحظ ان انبير الحرارة ينام شوي يرجع طبيعي
لان ريش المروحه كثيره تعطي نتيجه مباشره