,,,, (((( رابطة ملاّك البيكال وجميع بنادق الرش الروسيه )))) ,,,,

[عون الخوي]

السلام عليكم ورحمة الله وبركاته

أخواني ملاك البيكال .. أبي مشورتكم بارك الله فيكم ..

وش رايكم في رمي الضغط رقم 50/3 بتشوك 660 هل يأثر على البندق بشي او فيه اي نوع من المخاطره ؟

أفيدوني الله يكتب أجركم ..

[ابو صاالح]

ابو عوف ،، نصيحه ما فيه فرق بين ال 30 وال 28 بالرمي ،، ولكن المشكله عندك اذا تستخدم تشكات شد البلد ابحث عن التشوك المناسب وراح يزين رميك
--------------------------------
عون الخوي ،، نصيحه بشكل عام لا تتعدى ضغط 40 في كل الأحوال ،، وال 40 لا تستخدمه للضروره ،، لأن الضغوط الكبيره ما منها فايده فقط ندف ورجه زايده ،، كل أنواع الصيد لا يحتاج اكثر من ضغط 40 ،، وما عليك إلا التبديل بحجم الحلبي (الرصاص) من رقم 6 إلا 6تحت الصفر ،،، الخ
اما بالنسبه لسؤال ما انصحك ابد تستخدم ضغط 50 مع ال 660 ابدااااااا

[عقاب11]

بعد تركيب التشك 690 رمي ولا احلا راكد وزين
ابي من ملاك البيكال مساعدة في الحصول علي تلبيسة
ممتازة

[ابو صاالح]

عقاب 11 ،، حياك الله ،، للأسف ما فيه تلبيسه مريحه للبنادق اللي فيها الجسر الجديده // انصحك تلبس العقب والمقبض فقط وبالتوفيق

[Mekshaati@]

يعطيك الف عافية أخوي ابو صالح على المعلومات اللي تقدمها للأخوان
فعلا الرابطة بحاجة لخبراء مثلك
جزاك الله خير ياغالي .

[Mekshaati@]

( قروب رابطة ملاك البيكال )

الأخوة الراغبين في التواصل مع أعضاء الرابطة على الماسنجر

تسوي إضافة عندك على الماسنجر للعنوان هذا

group152472@groupsim.com

[عاشق نفل]

السلام عليكم ورحمة الله وبركاته

انا عندي بيكال روسيه فيبر وشريت له تشوك 690 قبل فتره قريبه
سويت تجربه على هدف بالارض وعلى هدف ( مرتفع على شجره )

اما الهدف اللي على الارض عز الله راح اوصال ( تبرد الكبد ) حتى من مسافات بعيده
بس الغريب الهدف المرتفع على شجره وبعد استفاذ اكثر من دسته كامله واكثر من واحد يرمي :
في حالة التصويب على الهدف مباشرة ( مره تصيب ومره لا )
في حالة التصويب تحت الهدف بشبر تقريبا ( برضو مره تصيب ومره لا )
المقصد انه اختلف الوزن بالرغم ان الهدف والفشق والمسافه لم تتغير
مع ان السلاح يزم شي بسيط

احد يفيدنا هل المشكل من الفشق ولا من السلاح ولا البلا يمكن بي

[ff-19]

690

كم ملم يابو صالح

[غربي هواوي]

السلام عليكم ورحمة الله وبركاته

انا عندي بيكال روسيه فيبر وشريت له تشوك 690 قبل فتره قريبه
سويت تجربه على هدف بالارض وعلى هدف ( مرتفع على شجره )

اما الهدف اللي على الارض عز الله راح اوصال ( تبرد الكبد ) حتى من مسافات بعيده
بس الغريب الهدف المرتفع على شجره وبعد استفاذ اكثر من دسته كامله واكثر من واحد يرمي :
في حالة التصويب على الهدف مباشرة ( مره تصيب ومره لا )
في حالة التصويب تحت الهدف بشبر تقريبا ( برضو مره تصيب ومره لا )
المقصد انه اختلف الوزن بالرغم ان الهدف والفشق والمسافه لم تتغير
مع ان السلاح يزم شي بسيط

احد يفيدنا هل المشكل من الفشق ولا من السلاح ولا البلا يمكن بي

اخوي والله كنت ناوي استفسر عن هالشيء

انا ركبت وصلة 690 اليوم اللي بالارض يا سلام ولا احلى
لكن على قولك اللي فوق بالشيران يا رجال فشلتني وغيرت الفشق ثلاث انواع ولاني داري وش السبب

[عجاج السناف]

سلام يارجال
سجلني معكم من زمن والله ما دريت بكم كان مسجل اول ما بديتو بالموضوع
اهني صاحب الموضوع على الطرح الممتاز جزاه الله خير
وتبقا وجهت نضر وقناعات عند البعض
لا يفسد بالود قضيه
انا من عشاق البجيك ام شجره الاوله
وبعد ما اكل وشرب عليه الزمن وعجزت احيلة للتقاعد تقاعد اجباري طبعن
لا بد من بديل وفي هذا الوقت كان توه جاييه السوبر
وجربته اكثر من مره لم تناسب معي
وهذا ما يقلل من قيمته لا بالعكس هي بندق مشهود له بالقوه والمتانه
وخيرت بالبندق الروسيه
لا اعلم ماركته فقط اعرف واحد معه زييه
وصيدتبه اكثر مره ما تختلف عن البلجيك ان لم تكن ازين بالطيار
انا لي ساعه بهذي الخيمه جالس افتش واشوف
وكبرت بعيني البيكال الروسية
بعد ما شفت المقطع

هاه احد عنده كلام بعد هذا المقطع
تدري حتى حقين السوبر يبي يتحسفون بكومت الفلوس الي دفعوه للسوبر
15 الف ريال
هذا ضرب من الخيال
والبيكال الروسية
3500 ريال انا شاريه يمكن الحين زادت قيمته
مجدوعه ورا المر تبه انساه بعض المرت
وبكل سفره اشيله ما اتحسف به
لي صديق ما يشيل السوبر بالسفرات الى فيها استاجر شقق
يقول اخاف تسرق وهو صادق ولا ينلام
فقط من خلال خبرتي البسيطه
1- لا تحمل البندق فوق طاقته
2- جميع الضغوط لا تتناسب مع الروسيه ذات الخشاب الخشب ...ينشعر خشابه من عند العقب
3- لا تتعبث في اي موازين للغاز ابد ابد مهام كنت متمكن
اذا كنت من هوات الرمي الكثير والضغوط العاليه السوبر تقوم بالمهمه ارم لين يدوخ راسك
4- تنظيف البندق مهم بعد كل مهمه شاقه خاصه اذا تعرضت للغبار والرمل والرمي الكثير
ارجو قبول تحياتي الخاصه ولي معكم مداخلات ان شاءالله

[ابومشعاب]

علم يمكن يخفى على البعض ...

إن مكينة .. البيكال .. مشابهه بل مستوحاه ..
من مكينة الرشاش الروسي ..نص ضراب ..
..
وأنا أقول انه الافضل .. في السوق البعيد ..
لآن المكينه مكينة رشاش ..
ويطلع طيبها في السوق البعيد ..
وزودها قوة التحمل ..في جميع احوالها ..
بس عيبها المضاويق ..والتحمل حق الغاز ..
لكن إيجابياتها تمحي سلبياتها ..


وباقي الشوازن ..ماعليها قصور مثل الاصول العريقه .. وانتم اعرف ..

[الاكستريما 2]

شباب كيف ارمي بها طيار والا واقع المسمار احطه فوق الا فيها والا تحتها الشوك 690

[ابو صاالح]

شباب كيف ارمي بها طيار والا واقع المسمار احطه فوق الا فيها والا تحتها الشوك 690

---------
حياك الله ،، تراك لو رميت على جدار او لوح ما احتجت تسأل احد ،، عموما حط العيار تحت الصيده على طول ،، وكأن الطير واقع على العيار

[قناص ضريه]

السلام عليكم عندي بيكال فيبر ثلاثين لاكن فيها مشكله مادري وش حلها اذا عبيتها خمس طلقات ترمي وتحذف الرصاص حذف ولكن اذا عبيتها طلقه وانا مارميت وابغا اطلعها ماتطلع الا انقزها بسكروب مادري وش اسويبها ارجو من اصحاب الخبره المساعده والمشكله جديده مارميت بها الا خمس دستات وشكرا

[قطوعه]

السلام عليكم ورحمة الله وبركاته:
انا عندي البيكال بوية الماصورة غير لامعه ...
- هل أستطيع أن أغيرها إلى لامعه .
والسلام عليكم ....