لاصحاب الباثفندر

[السيف الماسي]

السلام عليكم ورحمة الله وبركاته :


اخواني فجاة طحت عليكم في هذا المنتدى وماكنت ادري عنه . لكن اني زعلان ... وراكم ما علمتوني عنه هذي فيه حق عرب ..


المهم اخواني وخصوصا اصحاب الباث انا عندي باث موديل 2005 ميلادي ( اكيد ماهو بهجري ) .


استفساري بخصوص الباث على الريموت وتقفيل الابواب هل استطيع ان اجعل عند تقفيل الابواب بالريموت يطلع صوت مثل فورد اخوي ...

مع العلم ان نسيبي عنده كابرس 2005 يقول انه عن طريق الكمبيوتر تغدر تتحكم وتغير في وضعية الريموت والابواب بالنسبة للكابرس .

هذا ولكم الشكر الجزيل .

[قمري قيال]

اخوي ماتبي شي فقط رح لمحلات الزينه واشتر المكرفون بالصوت اللي تبي او اذا كنت تبيه على صوت البوري ورح لكهربائي متخصص بالريموتات وخله يشبكه لك بالريموت ولا برمجه ولا يحزنون هذا اجتهاد مني ومجربه على كامري ويمكن الشيخ بندر له وضع خاص بس المتخصصين يفيدونك

[السيف الماسي]

شكرا اخوي قمري قيال وما ذكرته اريده آخر الحلول .

ولا زلت انتظر اهل الخبرة يفيدوني .

[ابوبندر2002]

ياخوي ركب مع الرموت انذار وعرفلك واحد شغله زين هذا إن كانك من اهل الرياض زول له محل زينه على طريق عبيده بن الجراح الي على مخرج 16 شغله مضبوط وعليه ضمان سنه

[السيف الماسي]

شكرا اخوي ابوبندر 2002 على تجاوبك معي وبالنسبة لي انا من اهل تبوك .


ولا زلت انتظر اجابة شافية .

[أبوغيث 2003]

انا مع كلام اخوي قمري قيال

[محمد البخات]

أخوي

إذا عندك الكتيب اللي جاي مع السيارة

تلقى فيه تعليمات برمجة القفل.

[أبو فهد11]

إذا تبي نصيحتي يالغالي

لا تلمس الموتر أبـــــد وخله على وكالة

والظاهر إن الإشارات تكــــفـــي لمعرفة الأبواب أنها مقفله

هـــــذا رأيي


تقــــبل مروري

[شهاب2020]

لا تلعب بالكهرباء يسبب التماس