شرايكم بالـ مورانو....؟؟ >اهدني رأيك <

[صقرالعرب2007]

السلام عليكم ورحمة الله وبركاته


اخواني ابي نصائحكم حول" نيسان مورانو " موديل 2006 من ناحية التحمل والصبر والخرابات الميكانيكية

لأني ناوي استخدمه على الأقل 5 سنوات لداخل المدينه والسفريات والمكاشيت الخفيفه... هل يتحمل ولا خرباآت...؟


ومشاكل القير هل موجوده بكل الموديلات ولا تفادتها الشركه من موديل معين...؟

الحراره هل ترتفع في السياره دائماً..؟ الدبلات..؟ العكوس والمقصات..؟ تحملها وخراباتها..؟؟


ولا السياره بشكل عام حقت مظاهر وبس مو حقت كرف..؟

قطع الغيار غالي..؟ و متوافر عند الوكيل بس ولا فيه موزعين غير الوكيل يوفرونه بسعر ممتاز...؟

أخيراً , هل يمكن مقارنتها بجيوب نيسان مثل الباثفندر من ناحية الخرابات الميكانيه...؟ ولا الباثفندر أفضل منها بكثييييييير...؟


أدري اني كثرت عليكم لكن الشكوى لله محتاج سياره في الفترة الحالية ومحتار جداَ والميزانيه بحدود الـ 60 ولا يناسبني الباث الموديل 2005 ونازل ومالقيت ألا المورانو

الله لا يهينكم إهدوني مشورتكم الطيبه حول استفساري لا حرمكم الله الأجر...

[البوعينين99]

عليكم السلام ورحمه الله وبركاته
واحد من الشباب اعرفه عنده هالموتر ويشتكي منه
ويقول قير المورانو مايجي تروس , يجي سير ( مافيه تبديلات ).

والله أعلم , وباقي الشباب يفيدونك.

[الشيمساوي]

وعليكم السلام ورحمة الله وبركاته

اخوي المورانو سعره غاليه عند الشراء
وعند البيع ينزل واجد

قطع الغيار غالي مره والموتر مايستاهل مو مثل الانفينتي

واحد من الجماعه خرب عليه القير وتوهق يقول بــ20 الف
لان قيره غريب وغير متوفر

و60 الف افضل البردوا 2003 6سلندر

ولاتنسى الاستخاره

[الستانس]

والله ما يجوز لي لو تعطيني ما تعطيني

ومن رايي لا تشتريه احسه تاكل مطب تخرب حساساته

ووش لك فيه
والله لو تخرب قطعه من قطعه ن تقشر بصل عاد الله من زين

الوكيل حقهما بزوه حقين الدداسن يبزونه بموتره


ونصيحتي دور غيره

[مكشاتي غير]

السلام عليكم

انا من فتره طويله ما كتبت في المنتدى

بس موضوعك خلاني اكتب

لانه عندي تجربه مع هالموتر الفاشل

وعندنا في الامارات هالموتر حق الحريم

يعني دلع ماينفع لمكاشيت

وفكر بغيره والله يرزق بالموتر الي يرضي طموحك

[مكشاتي غير]

هذا رابط لستفسار لنفس الموتر فيه ردي

http://www.mekshat.com/vb/showthread.php?t=119802

[سوبر VTC]

و عليكم السلام و رحمة الله

اخبر اللتيما الموديلات الجديده

قيره سير ربل بدون تروس

و لاعلم عن الجوده و مساله الخرابات و الصيانة

[خشيمان]

والله يا خوي انا جربت الموتر مع ولد عمي
قسم بالله اني متعجب كيف نيسان صنعوا موتر بهالفن
والله مركبه ولا مركب لكزس قمة الراحة والهداوة ولا يصرف بنزين

والقير صراحة افضل شيئ بالسيارة
ما تسمع حنة الموتر ابد
واول ما تدعس يحن ويطير
بالنسبة لولد العم معه الظاهر 2006 او 2007 ولا قد خرب عليه شيئ فقط زيت وفلتر
بس الحق يقال سواقته هاديه مره ولا يعرف البر والكرف

هذا ما عندي وان شاء الله الشباب يفيدونك

[ذيب عالية نجد]

عليكم السلام ورحمه الله وبركاته
واحد من الشباب اعرفه عنده هالموتر ويشتكي منه
ويقول قير المورانو مايجي تروس , يجي سير ( مافيه تبديلات ).

والله أعلم , وباقي الشباب يفيدونك.

ياولد هذا دباب هههههههههههههه

[ناصر الدهمشي]

انا صراحة ماجربت الموتر

والردود ناس تذم وناس تمدح

لكن بنظري شكلياً مايصلح
استخدام على قولتك خمس سنين وفيها مكاشيت احسه مايصلح

بسعره تقدر تشتري انواع كثيره من الجيوب من نيسان وتيوتا ومستبيشي وفورد وجمس

حاول تشتري الدارج بالسوق لاتطلع عرض ثم تبلش

مثلاً قيمتة 60 الف تجيب لك انواع كثيرة من الجيوب

تكد معك عشر سنين مو خمس سنين

وكانه عاجبك عاجبك اشتره ولايهمك أحد

[خشم العرمة]

انا صراحة ماجربت الموتر

والردود ناس تذم وناس تمدح

لكن بنظري شكلياً مايصلح
استخدام على قولتك خمس سنين وفيها مكاشيت احسه مايصلح

بسعره تقدر تشتري انواع كثيره من الجيوب من نيسان وتيوتا ومستبيشي وفورد وجمس

حاول تشتري الدارج بالسوق لاتطلع عرض ثم تبلش

مثلاً قيمتة 60 الف تجيب لك انواع كثيرة من الجيوب

تكد معك عشر سنين مو خمس سنين

وكانه عاجبك عاجبك اشتره ولايهمك أحد

يا اخي انت بطل
فعلا كانه عاجبك عاجبك لاتشاور طق من راسك واشترة وتحمل بكرة
بس لاتحط في خاطرك شي

[رياح الشرق1]

انا لو يقالي 10 الف ما شريته با الله شف شكله واحكم وانت تبي تاخذه 60 حراااااااام وشف الردود الي ردولك تثبت انها سياره فاشله لا بر ولا سفر

[صقرالعرب2007]

الله يعطيكم العافيه أخواني كل من أدلى برأيه أو صوت ولا حرمكم الله من الأجر...

شكلنا خلاص هونا عن المورانو بندور غيرهـ..

جزاكم الله عني كل خير