***استفسار عن حائل ***

[تمياط]

بسم الله الرحمن الرحيم
السلام عليكم ورحمة الله وبركاته

اخواني انا ودي اروح اتمشى في حائل ولا ادري هل حائل كويسه

المطلوب يااخوان ابيكم تعلمون عن حائل و الطلعات فيها والمنتزهات وعن حائل كلها

والسلام عليكمم ورحمة الله وبركاته

[اورنس الشمري]

حايل طول الله عمرك جوها معتدل وفيها منتزهات قومة وقعده واهلها رهيبين هبة ريح وفيهم مساعدة لمن يحتاج ..

فيه برامج كثيرة :

أولها :

1- منتزهات برية : وهي شعيب مشار , عقدة , كذلك كجولة عصرية تقدر تتمشى في شعبانها العصر لأنها باردة وحليلة ونظيفة .

2- منتزهات : فيه السمراء -- السلام -- الأمير سلطان -- الكورنيش البري ..


يعني لا بغيت برنامج عقب العصر وعقب ما تتقهوى خذا اهلك كانك متزوج ومشهم لمشار وتقهوو هناك وارقو الضلع وانبسطو ..

إلى قبل المغرب ..


بعد المغرب فيه أسواق حلوه وشعبيه تقدرون تتمشون فيها ..


بعد العشاء لا تعشيتوا وانبسطتو روحو لقرية مشار فيها ألعاب حلوه دبابات ومسطحات خضراء وفعاليات .


وان كانك عزوبي فصدقني ما تبحل بشين ..

ونصيحة أخوية : لا تنسى الكاميرا لأنك تبي تنجن من المناظر الحلوه , لأن حائل مالها مثيل من ناحية الطبيعة

مع احترامي لجميع المدن


وبالنيابة عن عزوتي شمر أقول يا هلا فيك بحايل ..

[تمياط]

مشكورين وماقصرتو

[الوطواط]

السلام عليكم ورحمة الله وبركاته ،،،،

اخوي عاصم تحياتي لك ولجيمع زوار حايل ،،،،، حايل من اجمل مناطق المملكه " بخصوص عشاق البر والكشتات والرحلات " انا زرتها مرتين وابي ازورها انشاء الله في الشتاء الجاي جوها روعه واماكنها جميله واهلها من احسن الناس بالكرم والخدمه وبشاشة الملقا وغيره من الصفات الحميده اما عن الاماكن فهيه كثيرة عنك مثلا :
جبه - طابا " فوهه بركانيه " الشنان قرية فيد القديمة- عقده - موقق - جبال سلمى وجبال اجا - توارن مساكن حاتم الطائي جميله جداً - والجبال التي حولها وغيرها

تحياتي لكم

[راعي الدويمع]

على فكره حائل كلها من قبيلة شمر والف نعم فيهم والسناعيس طيبين حيل يا عاصم الحربي

[راع الشعيب]

حياك الله ياعاصم في حايل والشباب ماقصروا واذا تبي اضافه حياك

وحايل مدينه سعوديه فيها عنزه وشمر وتميم وحرب والحاضره من اهل حايل وبني رشيد

وحياكم الله وهي ليست لقبيله معينه