السلام عليكم ورحمة الله وبركاته
ياجماعة الخير انا عندي تاهو 2005
الموتر نظيف بس يعيبه
ظعف بالكهرب
مثال :
احيانا اركب الموتر واشغل جميع الانوار الداخليه
واجي احرك المرتبه او اكبس بالنور او اظغط اي شي بالسياره له علاقه بالكهرب
مثلا نزلت القزاز بالوقت هذا تلاحظ انوار الداخليه تظعف الى ان اشيل يدي عن مقتاح رفع القزاز
ايضا النور الخارجي للسياره اذا مثلا كان شغال وجيت وظغط زر القزاز او زر تحريك المرتبه او المرايات تلاحظ الظعف
المهم سالت عنها وقالوا كل الجموس فيها
خصوصا اني ركبت جمس صالون شبه جديد مامشيى الا 10000 كيلو موديل 2004
لقيت نفس المشكله
وعلمت انها من شد البلد هي كذا
ولكنها مظايقتني كثيرا
لدرجة اني ابي اشبك اجهزتي على السياره من محول وكنود وماجلان وغيره ومتردد خايف من الظعف
لذلك هل احد يعرفلها حل او طريقه لحلها
مع المعلوميه اني رحت لابو نايف االكهربائي الي بمخرج 17 قالي عنديلك دينمو دوريات ودفعت حقه والى اليوم كل ماجيته صرفني
ايضا عندي استفسار
هل في مشكله لو ركبت بطاريه حجم كبير تصل الى 85 انبير ؟
لاني لاحظت ان الجموس الي عليها بطاريات اي سي ديلكو مقاس 75 انبير
تجي مشكلة الظعف عتدهم بسيطه جدا
وهل للبطاريه دخل بهذا الموضوع ؟
عشان كذا سالت ودي اركب بطاريه 80 او 85 انبير خصوصا اني بركب عليها اجهزه واجد
وشاكر ومقدر لكم
والله يجزاكم خير جميعا