15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
السلام عليكم ورحمة الله وبركاته
يا الربع وانا رايح الشرقية قطع عندي الموتر ولاعاد يقبل بنزين وطفيته وخليته حول العشر
دقايق وشغلتة وضبط معي الين قبل الشرقيه بــ خمسين كيلو سواء نفس الحركه رحت
لمهندس في الشرقيه وفحصناه كمبيوتر قال البواجي واسلاك البواجي غيرناها ولا فيه
فايده حتى داخل الحواري صار يطفي السياره يوكن Xl مديل 2002 دبل
الرجاء الي مرت عليه الحاله هذى يفيدنا
وشكرا
مكشاتي ذهبي
الله العالم انها صفايه او طرمبه البنزين؟؟؟ انشالله الاخوان يفيدونك بالمناسبه عندى نفس موترك وكل شوى تولع لمبه الطبلون مره غير الزيت ومره الدبل وش ضنك المشكله؟
سسبحان الله والحمد لله ولا اله الا الله والله اكبرالله اكبر ىاتاي ؤيقلقق
مكشاتي متواصل
حياك الله السيارات هذى ما يعرف خرابها الى الكمبيوتر
ودها للتشييك وان شاء الله تلقى المشكله
و عليكم السلام و رحمة الله
الحمدلله على السلامه
شيك على فيش طرمبه البنزين احتمال انه محتر و متوسع
ينظف الفيش من الكربون و و يحط شحم و يضيق الفيش و يكبس بنفس الطرمبه
اهم شي اقرا موضوعي عن جميع اعطال الجمس بالصور تجده بتوقيعي
افحص الطرمبه اذا كان ضغط الطرمبه شوي ضعيف
غير فلتر البنزين ثم افحص الضغط اذ صار الضغط 40 و طالع
فالحمدلله
ان كانه اقل فالطرمبه تعبانه على وشك الخراب
اذا كان عزم الموتر ضعيف او كان قومته ضعيفه فهو احتمال ان الطرمبه ما تلحق بنزين للمكينه
و اذ كان الموتر يتفتف او مهب صافي افحص كمبيوتر قد يكون كويلات تهريب كهرب او حساس هوا
اخبر مره كنت مسافر انا و الاهل يوم جيت اشغل و يعي يشتغل
المهم ادخل يدي من عند السست و احرك الفيش و اشتغل الموتر
بعضهم يضرب التانكي من الاسفل و شتغل الموتر
احيانا يكون من اسلاك الطرمبه الداخليه الاصفر كهرب
الاسود ماص يكونن ما يوصلن بسبب ان بهن قطع داخلي
ادخل رابط جميع الاعطال للتضح الصورة
ايضا
ادخل معاناتي مع الجمس
و ماراح تخسر شي
لا تنسانا من دعائك اخي الكريم
موفق
المشاركة الأصلية كتبت بواسطة الحركساب
افتح السويتش و اضغط على دواسه البنزين الى النهاية 3 مرات خلال 5 ثواني
ثم شغل الموتر راح تاشر اللمبه ثم تطفي
اذا ماضبطت يكون الزيت عندك تعبان او حساس لزوجه الزيت خربان
اهم شي ارجع للكتالوج تحصل طريقة تصفير الحساس
لمبه الدبل
افتح السويتش و حط القير بالفاضي او بالتامين
افتح باب السواق و اضغط الدبل الخفيف راح تسمع اولا صوت ديمنو الدبل اللي تحت القير
ثم مباشرة راح تسمع صوت دينمو او حساس الكارونة اللي يشبك الكارونة و العكوس
اذا سمعت جميع الصوتين
فعندك المشكله فقط من حساس الدبل اسود صغير مدور قيمته ب350ريال
تلقاه راكب على دينمو الدبل اللي تحت القير
تحصل راكب عليه فيش 6 اسلاك
لكن هو به عيب مصنعي يعني احد الاشخاص غيره و بعد فتره خرب و غيره مره ثانية و هالحين الوضع تمام
يعني توفيق بعد الله
لو قدر الله طفت جميع لمبات الدبل افتح الغطاء حق الفيوزات يسار الطبلون غطاء صغير تجده يسار فيش الانوار تحصل فيوز الدبل اسمه (4WD)
افصله و اشبكه عدة مرات و راح تولع اللمبات باذن الله
طبعا يوجد خلف ازرار الدبل كمبيوتر خاص بالدبل له صوت طقه او تكتكه اذا شبكت الفيوز
موفق
مكشاتي نشيط
اقول علت موترك لله اعلم انها الطرنبه حقت البانزيم او الصفايه
مكشاتي متقدم
انا توقع طرمبه البنزين . لان الامريكي دايم تحتر الطرمبه واذا حترت ما تدفع بنزين بشكل جيد...
والله اعلم ... بالتوفيق
مكشاتي متواصل
الله يجزاكم خير جميع على التفاعل
مكشاتي ذهبي
جزاك الله الف خير اخوى سوبر vtc وكثرالله من امثالك وبيض الله وجهك والقائمين على المنتدى
وياك و كل مسلم
حق و واجب باللي نقدر
موفقين ان شاء الله
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
