عندي مشكله في تيربو الددسن 2006

[رحال300]

السلام عليكم ورحمه الله وبركاته
ياجماعه الخير انا عندي ددسن 2006 ديزل تيربو
لاكن صار فيه مشكله في التيربو وبدا يدخل زيت على الكنداسه
فهل احد يخبر لى تيربو في تشليح ماء او احد الورش التي تقوم بتصليح التيربو
مع العلم ان منطقتي القصيم
والى عنده معلومه لا يبخل علينا ولكم جزيل الشكر والتقدير

[النوء]

ايييييييييييه ذكرتني

كنت ماسك خط واحسب ان الموتر شب ضو من كثر الدخنه اللي طعلت منه

ووقفته ونزلت من الموتر على سررررررعه .. يالله السلامة

المهم سحبناه وقالوا تيربو وسعرناه من الوكالة وقالوا بــ 5500 ريال (تسنها توجع)

قلنا نبي نصلحه يمين يسار مالقينا أحد ووبعد البحث المتواصل عن حل أصابنا الاحباط

وشريناه جديد بعد الخصم 4700 ريال .

[رحال300]

لا حول ولا قوه الى بالله 4700 هاذي به قيمه مكينه بنزين بخاخ اصرف
اخي العزيز من اي منطقه انت؟ عشان اعرف اين بحثت عن ورشه
لائن فيه واحد قالي ان فيه محلات في الرياض يصلحون التيربو وحاب اتاكد بارك الله فيك

[النوء]

انا يارحال من الرياض

ولايهمك كلامي وانا اخوك اسأل واحرص في البحث يمكن تلقى طريقة في اصلاحه

انا التيربو اللي كان عندي تكسرت مراوحه وراحت في وسط الكنداسه عن طريق القزوز

وعلى فكره نسيت اقولك فيه مركز اسمه مركز الخريف متخصص في التيربو مريت عليه

وقال لي التيربو مايتصلح وقال بجيب لك التيربو جديد بحدود 4500 تقريباً او تنقص شوي

بس انه قال اصبر اسبوعين وفي حدودها بس انا ماصبرت أخذته من حبيبنا اللي يلعب علينا الحمراني

[غالي]

دقيقه لو تكرمت

كيف يدخل زيت للكنداسه؟؟؟؟؟؟؟؟

اذا قصدك تشوفه مع الشكامين يطلع زيت ولو دعست فيه تلقى وراء سيارتك نقط زيت

فهذا طبيعي في التيربو البانزين

وطبيعي ترا ينقص زيت السياره

عندي سيارتي تيربو بانزين كل اسبوعين تقريبا ازودها علبه او اقل زيت موبيل ون

ولي فوق 3 سنوات على هالحال

وكل الورش يقولون طبيعي التيربو يشرب زيت

حتى الوكاله

اذا كان نفس كلامي

اسأل اي ورشه بس ابيك تعرف هل الديزل مثل البنزين او لا بس

اذا قالوا طبيعي

ريح بالك والله يعينك بس على زياده الزيت كل اسبوعين تقريبا

على حسب دعستك على التيربو

والله اعلم

[رحال300]

اها انا نفس الكلام انكسرت المروحه
وانفقعت الصوف الداخليه ومشاكل ها التربو الله لا يعيده
وراح نصبر ونشوف وربك يعين انشالله
اخوي غالي الى معي ديزل تيربو وبعد مادخل الزيت الكنداسه صارت تقل سيارات الفليت حتى انا كان معي الاهل الله لا يوريك الموقف انواع الرعب تحس انه حريق هائل صاير بس ربك ستر
والله يعين

[مدرسة نيسان]

اخوي رحال خويي صارتله مثل المشكله والبنهايه اخذ جديد 0 من الدمام 4300 ريال
من محل يقاله العبدالكربم وماقول الا الله يعينك على الديزل ومشاكله

[رحال300]

امين يا رب
وانا بركبلها من الوكاله والشكوي لغير الله مذله
والمعارض سيدا مايلزم ابد نشري ديزل الله لا يبارك به
توفر 6 شهور وخراب واحد يكلفك بنزين لمده 4 سنوات
ما اقول الى ربك يعين

[عاشق اكستيرا]

هلا شف انا عاشق اللي عطيتن نصيحة اقتنعت بس ابي اسئلك اسئلة بس عجزت ارسل رسالة خاصة كلمن على ايميلي



faiesl@hotmail.com

[سوبر VTC]

حياك يابعدي
لو الوالد قريب كان خليته يفحص لك الموتر
تستاهل
والدي متخصص ميكانيكي متخصص بالديزل و البنزين
لكن
يوجد ورشة ابو خالد الكبير رجال فاهم جدا و خبره
متخصص بالديزل مكانه
مقابل حديقة البصر على نفس طريق الملك فهد
غرب الدائري الغربي حق بريده تقريبا ب2كيلو
عندك ورشة ابو فيصل العتيك بصناعيه الرواف
ورشة الغنيمان بالتشاليح
ورشة الاحمد بطريق الحمر

انا انصحك بابو خالد الكبير

الارقام تحصلهن على الخاص

موفق

[رحال300]

مشكور اخي سوبر على البادره الطيفه منك
وماقصرت يالذيب
وانا الحمدلله بعت السياره ونذرأ على ما اشتري ديزل ما حييت
لو يغدي التر البنزين ب100ريال
والمؤمن مايلدغ من جحر مرتين
يعني ابعد عن الشر وغنيله
وتحياتي لكل من ادلى بدلوه في هاذا الموضوع

[سوبر VTC]

جزاك الله خير
هههههههه ===> نذر علي
عموما الديزل مناسب لاهل المزارع و اصحاب المشاوير الكثيره
كالشركات مثلا
و كلامك مطابق لكلام احد الربع
اللي توفره منا تدفعه منا
الغريب يوجد اشخاص مغينهم الله
و يشري جيسكار ديزل
لا و بعد يسافر عليه هو و اهله
بخل الله يكفيك شره
موفق