مقارنه الاف جي والـفــورتــنــر و ربع نيسان

[عاشق G M C]

ايهما افضل بوجت نضرك هل هو الاف جي او الفورتنر او ربع نيسان


بوجهت نضرك

[موادع 1]

احتياجك هو اللي يحدد الافضل
مثلا انت تبيه للبر فقط او للمدينة والبر او للعائلة
وانا ارشح ربع النيسان وبدون اي تعصب فقط لانه موتر ياباني ويستاااااااااااااهل

[بدون مقدمات]

اول شي ياطويل العمر حبي اصحح لك بعض الاخطاء
( ايهما) > للمقارنها بين شيئين وليس 3
بوجت>> بوجهة
نضرك>> نظرك

الصراحة تعتمد المقارنة وين اكثر مشاويرك بالديرة ولا البر
اذا كانت عزابي ولا معك احد بيركب معك دايم
على العموم
1-انحش عن الفورتشنر الاربعة سلندر
2- اذا كانت طلعاتك واجد ربع السفاري خيار مناسب
3- الاف جي جيد جدا وعزمه قوي مره (انا سايقه)
بس نصيحة اخو لا تشري سيارة الا وانت سايقها
( انا ما ارتحت للاف جي )
احس مرتبته نازله
وقزازته اللي قدام واقفه توش اذا اسرعت
واستخر والله يكتب لك اللي فيه الخير ياغالي

[عاشق G M C]

مشكورين على الردود ومشكرو على تصحيح لاكن مهب لازم التدقيق وانا عزابي واحتاج
السياره للبر والمدينه

[ابو نوره 2006]

الاف جي ................

[عاشق G M C]

امشكور على ارد اخ ابو نوره لكن يا ليت لو يكتب الوحد ليش يفضل هاذي السياره

[الستانس]

فورشنر 6 سلندر
ولا باترول وبقوه وياليته 4 بيبان

[ابويارا1001]

انا اقول الاف جي

بما انك عزابي تبي لك موتر خفيف ونشيط وقير اوتماتيك وشكل ملموم

وفيه مثبت سرعة ودف لوك ويكفي 4 اشخاص وشنطته واسعه

والركاب يقدرون يركبون وينزلون وانت مكانك

صحيح انه ضيق شوي للركاب اللي ورى بس هذي مشكله بسيطه تقدر تحلها انك

تمشي مع شباب قصار القامه

الباترول الربع ما من مواصفات لا دف لوك ولا مثبت وقير عادي وان اخذت

اتماتيك ثقيل حيل وغير كذا لو معك احد ورى بينزل صارة سالفة ينزل الراكب

وتقدم المرتبه وينزل الراكب الخلفي ويرجع المرتبه........ فلم

وشنطته ما تشيل اغراض الكشته حدها عزبه ورواق ومركى



اما بالنسبه للفورتشينر طبعا انا انكلم عن 6 سلندر تراه اخو الاف جي الكبير

يعني نفس المحركات ونشيط

بس انا اخاف منه لانه مرتفع وماهو عريض يعني احس الله لا يعوق بشر

قلبته سهله او اقلها على جنب ويمتاز بالارتفاع عن الاف جي


تقتدر تاخذ الفورتشينر اذا انك مقبل على زواج

وعسى ربي يرزقك وتعبيه ورعان


الاف جي هذا الخيار الاول بالنسبة لي


الفوتشينر الخيار الثاني

[عاشق G M C]

مشكورين على اردود


اللهم اغفر لموتى المسلمين اجمعين

اخواني انا معجب بالافوتشينر بس سالت واحد معه 6سرندل يقول يلهف بانزين بشكل غير طبيعي
ويقول واحد اعرفه معه 4 سرندل يقول مشى فيه 150 كيلو بــ9 ريال بس

يا ليت لو تفيدوني فيها

[عاشق G M C]

اقصد يعني مشى فيه 150 كيلو وشاف البانزين ما نزل عن الفل قال ابروح لمحطت البانزين علشان اشوف راح وعبى بس بـ9 فقط يعني ما يصرف ابد ما شا الله

[فتك ابوفهد]

ايهما افضل بوجت نضرك هل هو الاف جي او الفورتنر او ربع نيسان


بوجهت نضرك

السلام عليكم ورحمة الله وبركاته
عندي مداخله بسيطه
انت الحين جمعت ثلاث فئات يعني مثل اللي يقول قارن سوبربان مع كورلا مافيه اي وجه شبه

اذا بتقارن اخوي قارن بنفس الفئه يعني مثلا :
قارن الربع التايوتا مـــــع الربع النيسان
قارن الفورتشنر مـــــع الباث فندر
قارن الاف جي مـــــع اكستيرا
قارن الاند مـــــع الفتك

وأفضلها اللي باللون الاحمر << متعصب نيسان

واذا تبي النصيحه اشتر اكستيرا ولاتشاور

وآسف على الاطاله
تقبل مروري

[عاشق G M C]

مشكورين على الردود بس يا اخ فتك ابو فهد انا مهب اقارن انا ابشتري سياره ومحتار بين الاف جي والفونتشر

وربع نيسان فهمت

[فتك ابوفهد]

الله يرزقك بالموتر الطيب اللي ماتشوف منه الا كل خير

وأسأل على الأكستيرا وتعرف ليش انا نصحتك به
وترى انت كاتب عنوان الموضوع ( مقارنه )

بالتوفيق ان شاء الله ومبروك مقدما

[عاشق G M C]

اخوي لش وشفيه مميزات الاكستيرا

[فتك ابوفهد]

مواصفاته كثيره وما تحضرني الحين بس بقولك بعضها
1_ السعر غير مبالغ فيه ( رخيص )
2_اقوى سيارات الدفع الرباعي بدون منازع
3_خفة الوزن 1800 كيلو تقريبا
4_سست
5_مطبه مريييييييييح جدا
6_اقتصادي في البنزين
7_صدامه حديد
8_مكينته 4000 سي سي 291 حصان اتوقع
9_يكفي ولا تبغى زياده