الفزعة يالربع لايلعبون علينا اهل الورش

[ذيب العك]

السلام عليكم

وديت الجمس يصلحون عوامة البنزين حصلوها طايحة من محلها وكان العداد ما يشتغل يقول صاحب الورشة انه رجعها محلها وشغلها ولا اشتغل النبير ولا ادري وش السالفة يقول لازم توديها الوكاله وش الدبرة ياخوان لا تخلونا الله يرزقنا واياكم الجنة
النبير قبل ما يتعطل كان اول يلعب مره بالنص ومر الربع وبعدين نام ولا قام

[نيسان 807]

الشباب فيهم الخير والبركه ..

[ابوراس الدحمي]

المكاشيت ان شاء الله يفيدونك وحاول تبين وش موديل الجمس وهل اتفقت مع المكانكي
يرجع العوامة زي ماكانت ويصلح الالمبير ؟؟؟

[ذيب العك]

حياك الله ابوراس دحيم الجمس 2001 هو الله يحفظك رجع العوامة محلها بس النبير ماشتغل

[ولد اهلي]

هلا اخوي
عندي نفس المشكله ونفس موديل الجمس
من زمان كان بتله فااضي بس يوم رحت لم واحد قال هذي عوامه وما تقدر تغيره الا انت مغير الطرمبه لانه شابكه معه

ويوم غيرت الطرمبه رجع بس مو مضبوط يلعب بس على خفيييييف

يعني ما لك الا تغير الطرمبه
ان شاء الله يضبط معك


واذا كنت تخبر كهربائي شغله نضيف تكفى لا تبخل علينا

[سوبر VTC]

و عليكم السلام و رحمة الله

تاكد من العوامه مره اخرى اكيد انه انفكت من القاعده مرة ثانيه

انا موتري نفس موترك فكيت التانكي و ربطته باسيام صغيره

اذا بغيت الصور ادخل على الرابط اللي بتوقيعي

جميع الاعطال + فك طرمبه البنزين

اذا كانت العوامه مانفك فالعيب بنفس مادة الرصاص اللي بنفس العوامه

ينظف او يصنفر على خفيف و يزين ان شاء الله + فصل البطاريه دقائق

اذا ما ضبطت الشغله فالخراب من دينمو الانبير نفسه تكلفته ب150ريال

موفق

[سرحان رغبه]

اخوي الضاهر العوامه له وزنيه ولا ضبطها المكنيكي

لا كن وش طيح العوامه قد يكون سبب في خراب النبير

والله يسهل امرناء وياك

وتقبل مروري.......................

[سوبر VTC]

اخوي الضاهر العوامه له وزنيه ولا ضبطها المكنيكي

لا كن وش طيح العوامه قد يكون سبب في خراب النبير

والله يسهل امرناء وياك

وتقبل مروري.......................

يابعدي موتري جمس 2001
انفكت العوامه مرتين و السبب ان التانكي ماخذ بالطول و يشيل 140لتر
و لا فيه قواطع تخف صفق و ضرب البنزين و هذا عيب مصنعي
لو تشوف حق التويوتا خصوصا الجيب الحوض فيه قواطع و هذي القواطع به فتحات صغيرة تقريبا بوصه او اقل و ذلك من اجل عدم ارتجاج البنزين
و عدم كسر الطرمبه
الجمس عند مسك فرامل فجاة او مطبات خصوصا اذا كان التانكي به الثلث
يجيك البنزين يمشي مليون و يصفق الطرمبه
للمعلوميه كسر الطرمبه معي 3 مرات طبعا طرمبه بلاستيك
و مرتين انطلقت العوامه
و لازانت الامور الا يوم ركبت طرمبه حديد من الجميح ب950ريال

[ذيب العك]

مشكورين اخواني على الردود وعلى النصائح جعله الله في موازين حسناتكم