استفسارات الطرق البرية

[الطرفاوي@]

نعم يوجد خطوط وليس خط واحد من بريدة الى الزلفي وحدد مسارك

[ابو فهد 927]

انا اخبر درب صحراوي من الزلفي يوصلك الى الربيعية

لكن اللي اعرفه يشق الثويرات وصعب بالحيل

ومامثل الاسود دوسة وحدة

واغديه قرب الخط الجديد

[فارس الأسياح]

وعليكم السلام
نعم يوجد طرق منها
طريق بريد ة -الاسياح -اباالورود- قبه - الطراق - مشذوبه - الزلفي علما بان من الطراق الى مشذوبه طريق ترابي
الطريق الثاني
بريدة - الاسياح ( عين ابن فهيد) وتتجه شرقها مرورا بالبرقاء ثم تحصل ردميه تقطع نفود الحموديه ومن ثم الثويرات ووصولا الى الزلفي طوله تقريبا م ن عين ابن فهيد الى الزلفي 120 كلم تقريبا

[نشوان التميمي]

ما عندي معلومة والخفجي بعيدة عن الطريق السريع ..

نعم اعلم انها بعيدة ولكن سؤالي عن طريق مختصر
بارك الله فيك وجزاك خيرا .

حياك الله يالتميمي

الطريق اللي تسال عنه ليس هو طريق الرياض و القصيم

وإليك وصف طريق الخفجي من الرياض

@ أطلع من الرياض متجهه لرماح وبعد رماح أتجه لشوية وبعد شويه أتجه للرفيعة وبعد الرفيعة أتجه للصداوي وبعد الصداوي أتجه للخفجي

المسافة بين الرياض والخفجي مع الطريق المذكور أعلاه في حدود 450 كم تقريباً تزيد أو تنقص حاجة بسيطة

ولك أطيب الأمنيات

تحيا وتدوم ياراعي النوق
واتعبتك معي طال عمرك
لان الطريق من الرياض الى الخفجي اعرفه تقريبا
وانما قصدت مخرج من طريق الرياض القصيم الى الخفجي
فليس ضروري ان اكون من سكان الرياض
وابي القرب جعل تقرب من الجنة ووالديك
وانا سمعت عن مخرج العتش او الصمان يوصل لنقطة تجمعك مع القادم من الرياض الى الخفجي
حسب الطريقة التي تفضلت بها
لاهنت يالغالي

وانت على طريق الرياض القصيم وانت بأتجاه الرياض عقب محطة العتش يبي يجيك كبري ولوحه مكتوب الصمان خذ معها يسار واستمر الين ما تاصل مخيمات الثمامه يبي يجيك ملف يسار روضة التنهات رح معه تمشي لك مسافه الين ما يجيك دوار يمين رماح والرمحيه رح يمين مع الدوار الين ما تاصل رماح وبعد رماح أتجه لشوية وبعد شويه أتجه للرفيعة وبعد الرفيعة أتجه للصداوي وبعد الصداوي أتجه للخفجي

جعل والديك في الجنة
هذا ما قصدته
ولكن هل المخرج الوحيد هو مخرج الصمان ( طريق الشرقية القديم ؟ )
لاني سمعت انه يوجد عدة مخارج منها الحسي
وقيل غيره ما اتذكره زين
ولكن كم المسافة من المخرج لمخيمات الثمامة ؟
ثم من المخيمات للدوار ورماح ؟
واشكرك بارك الله فيك على تعاونك أخي الكريم

صبحت بالخير يالي تنشد العلم الوكاد ولا قصور بالي ردو الخط من الرياض الى رماح الى الرمحيه الى الرفيعه الى قريه العليا تقطعه وانت رايح بوجهك الى ان يقطعك خط النعريه و حفرالباطن فيه محطه اقبالك وفيه خط اقبالك بجنب المحطه اقطع الخط ومش بالخط الي قبالك الى ان يقطك على خط القاعده السفانيه خذ يمين الى ان يقابلك الخط السريع الخفجي الكويت و ابوحدريه خذ يسار الى الخفجي تجيك الخفجي على اليمين مهي بعيده وهذا اقرب خط من الرياض وان كانك تبيه من خط الرياض القصيم معى العتش كنك تبي الرفيعه وتاصل بالسلامه

مسيت بالنور يالطرقي
وعلمك غانم ولا قصور في الجميع
وصفك دقيق وواضح بارك الله فيك
ولكن ابي توضح لي اي مخرج من طريق الرياض القصيم ؟
هل هو ما تفضل به الاخ وثاب ؟ وهو يقصد مخرج الصمان ( طريق الشرقية القديم ؟ )
وبارك الله فيك وجزاك خير الجزاء على تعاونكم جميعا يا اخواني الكرام

[العزوم]

حياك الله يالتميمي

اذا تحب الاختصارات وسيارتك جيب او صالون وماعندك مشكله تمشي ردميات مسافة 30 كم تقريبا هناك مخرج بوضه ومبايض بعد كبري جلاجل باتجاه الرياض تلف يسار وتمشي اسفلت وتمر بوضه ومنها الى مبايض فالشعب ومنها باتجاه ام رجوم وقبلها تجيك على يمينك ردمية الكهرباء بمحاذاة الابراج شرقا حتى يتقاطع مع طريق الصمان المؤدي الى الرفيعه ومن هناك تكمل الى الخفجي حسب وصف الاخوان ,,,,,,,,,

وترى سؤالك عن اي مخرج هل الحسي او مخرج 8 كبري دقله سابقا >>>>>>> كلها تؤدي لنفس الطريق بس الحسي يعتبر اول مخرج للقادم من القصيم

[نشوان التميمي]

حياك الله يالتميمي

اذا تحب الاختصارات وسيارتك جيب او صالون وماعندك مشكله تمشي ردميات مسافة 30 كم تقريبا هناك مخرج بوضه ومبايض بعد كبري جلاجل باتجاه الرياض تلف يسار وتمشي اسفلت وتمر بوضه ومنها الى مبايض فالشعب ومنها باتجاه ام رجوم وقبلها تجيك على يمينك ردمية الكهرباء بمحاذاة الابراج شرقا حتى يتقاطع مع طريق الصمان المؤدي الى الرفيعه ومن هناك تكمل الى الخفجي حسب وصف الاخوان ,,,,,,,,,

وترى سؤالك عن اي مخرج هل الحسي او مخرج 8 كبري دقله سابقا >>>>>>> كلها تؤدي لنفس الطريق بس الحسي يعتبر اول مخرج للقادم من القصيم

تحيا وتدوم يالعزوم
بيض الله وجهك ووصفك هذا مناسب جدا بالنسبة لي
وواضح ودقيق بارك الله فيك يالعزوم
واعتقد مخرج بوضا ومبايض هو نفسه مخرج جلاجل وليس مخرج آخر بعد جلاجل
وميزة وصفك انه اقرب بكثير من الذهاب الى رماح وشوية.

الردمية تجيني قبل ام رجوم بكم تقريبا ؟
وياليت يا اخوني توضحون المسافات اذا ممكن من مخرج جلاجل او من طريق الصمان المؤدي الى الرفيعة مرورا بالديار الى الخفجي
واذا وجد قريب من جلاجل ويفكنا هالردمية 30 كيلو
اما من تمير او عقبها شرقا
ويستفيد منها كل قاريء
ولكم الاجر والمثوبة
وانتم اهل للكرم والفزعات
جزاك الله خير الجزاء اخي العزوم
وكذلك توضيحك لكبري الحسي ودقلة لاني سمعت انه يوجد طريق منهما
اخوك المحب النشوان

[حزم نجد]

السلام عليكم

صبحكم الله بالنور

انا بتوكل على الله وبطلع من الرس لأبها بعد قليل لكن حبيت استفسر

إذا مسكت الطريق السريع للطائف بعد (ضلم) وتجيني محطه ساسكو وبعدها الكبري يقولون فيه طريق مختصر للخرمه تنزل له من الكبري الاول يسار ؟؟ هل احد عنده معلومه؟؟

وهل هو منتهي وجاهز او فيه اشغال للطريق ؟؟

طبعاً انا بطلع من الرس على عفيف على ظلم ومنها على سريع الطائف وبعد 50 كيلو بطلع على الخرمه ورنيه وبيشه وخميس مشيط ..

وجزاكم الله خيراً

[مسافر1]

وعليكم السلام
نتمنى لك سفراً سعيداً ..
طبعاً المفرق السابق هو على سريع الطائف بعد ظلم بـ 90 كم وبعد ذلك 70 حتى الخرمة
والآن المفرق كما يذكر من كبري ظلم على الخرمة مباشرة وهو جاهز ومسافته 89 كم ..
وذلك حسب ما ذكر ممن سلك الطريق ..

[عذب الروح]

الله يسهل دربك ياولد الديرة
الطريق سلكتة ليلا قبل ثلاثة أشهر وكان شبة جاهز
وأتوقع أنه سيكون جاهز الأن.

[حزم نجد]

مسافر1

عذب الروح

جزاكم الله خيراً وبارك الله فيكم

كونو بخير

[أبو براك]

صبحت بالخير يالي تنشد العلم الوكاد ولا قصور بالي ردو الخط من الرياض الى رماح الى الرمحيه الى الرفيعه الى قريه العليا تقطعه وانت رايح بوجهك الى ان يقطعك خط النعريه و حفرالباطن فيه محطه اقبالك وفيه خط اقبالك بجنب المحطه اقطع الخط ومش بالخط الي قبالك الى ان يقطك على خط القاعده السفانيه خذ يمين الى ان يقابلك الخط السريع الخفجي الكويت و ابوحدريه خذ يسار الى الخفجي تجيك الخفجي على اليمين مهي بعيده وهذا اقرب خط من الرياض وان كانك تبيه من خط الرياض القصيم معى العتش كنك تبي الرفيعه وتاصل بالسلامه

اعتقد تقصد منطقة شوية وليست الرمحية اخي الكريم

لان الطريق الذي تسكله بعد رماح هو طريق شوية

الذي يمر بشوية وبجانبها العمانية وبنهاية الطريق تاتيك الرفيعه

ومسافة طريق شوية 160 كيلو

[دغيم1]

السلام عليكم ورحمة الله وبركاته
حياك الله أخوي
ماذكره الأخوه من وصف هو جيد عدا ماذكر المرور إلى الصدواى فهذا غير صحيح لأنك لاتمر الصداوي
وإليك الطريق
طريق القصيم - مخرج الحسي - رويغب - الحفنة -الرمحية - رماح - شوية - الرفيعة - قرية العليا - تقاطع خط النعيرية القاعدة - طريق القاعدة السفانية - الخط السريع ( الخفجي الكويت ) .
والمسافة من الرياض - إلى الخفجي عن طريق رماح = 520 كم

[محيط]

ياخي رح للرياض بعدين اطلع منها لطريق الخرج بعدين بتجيك لوحه تقول وادي الدواسر بعدين منهناك اسرع
ياخي من تروح مع خرمه وطريق مقطعه وفيه خوف ولا تدري وش يقابلك وخاص اذا كنت عايله يعني انت بتمشي لين الفلاج سريع بعدين بيجيك سايدين رايح وسايدين جاي ازين من تروح لطايف وقبله تروح يمين للخرمه
هذا رايي ولا تخاطر كانك عايله ترى الوقت تغير

[عنترو]

بسم الله الرحمن الرحيم


شحالكم ,,,؟


لوسمحتوا ابي اعرف

وشهو احسن طريق لـ ابها

من حيث الامان والمده والراحه

يليت تدلوني لطريقٍ عدل


وشكرا

[جمران]

اخي عنترو :
أنت منين حتى اقدر اخدمك يالغالي