اخواني ... ابي مشورتكم وبدون عواطف
الافضل البليزر أو الاكسبلورر
من جميع النواحي
التحمل والقوة والسعر والراحة والشكل وقطع الغيار
وأي اضافات تثري الموضوع
وفقكم الله
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اخواني ... ابي مشورتكم وبدون عواطف
الافضل البليزر أو الاكسبلورر
من جميع النواحي
التحمل والقوة والسعر والراحة والشكل وقطع الغيار
وأي اضافات تثري الموضوع
وفقكم الله
من ناحيتي الاكسبلورر افضل كشكل خارجي وداخلي ووذف شوي
وعليه عرض الان 89 الف
والله ياخوك انا شريت قبل ثلاثة شهور اكسبلورر ايدي بور فل كامل Xlt
وماجلس معي الا شهرين وبعدين بعته وشريت بليزر lt بصراحة فرق بينهم بعدة نقاط ___
الفخامة / الأكسبلورر افخم من البليزر بكثير ،،،،،،،،،،،،،
الراحة / البليزر اكثر راحة من الأكسبلورر ـــ الأكسبلورر مشيته كسرت ظهري ــــــــــــ
القوه / البليزر اقوى بمراحل خاصة بطلعات البر ــــ الدبل اقوى
الأعطال / الأكسبلورر حساس جدا واعطاله صعبه ولا كل الورش تصلحها ،،،
البليزر / اغلب عطاله ميكانيكي ويقدر اي شايب يصلحها ,,,,,,,,,,,,
قطع الغيار / كلها للسيارتين متوفره وسعرها فوق المتوسط ــــــــــــــــــــــــــــ
ارجو اني افدتك لو بنسبة بسيطه ــــــــــــــــــــــــــ
نصيحه قالوها الشيبان اشتر تبيع شف وش بيدين الناس كثير واستره ياخوي ليش ادفع حوالي 100 الف ريال في سيارات ؟؟؟؟ انصحك تشتري سيارة تتحمل صح تويوتا برادو او لاندكروزر ولا تقول غالي انت وصلت 100 الف الزين حقه فيه او اصبر شوي وطير شلوى سفاري 2010
بس لي عم معه بليزر جديد فاكه والله وضب قيره بعد الاستخدام بسنتين واعطال كثير ومتحسف ومايبيض الوجه اما الفورد ؟؟؟؟
اشتر تبيع
انا استخدمت التريل بليزر مدة سنتين تقريبا
والانفوي 4 سنوات
كلها شريتها وممشاها فوق ال100الف
والحمد لله ما شكيت من المحركات ولا الدبلات
اغير القطع الاستهلاكيه فقط
مع اني كنت افجره تفجير بالبر
قطع غياره من ساير السيارات الامريكيه الجديده تقدر تقول نوعا ما غاليه لكن فيه درجه ثانيه وفيه بعض المحلات تجيب من امريكا مباشر ه ليس عن طريق الوكيل واسعارهم تفرق الى حد نص سعر الوكاله
بالنسبة للبدي اسعاره غاليه يعني يفترض انك تأمن عليه
العزم ممتاز
اعيب على التريل بليزر انه نازل وقريب من الارض يعني اقل تغريزه ممكن يعلق
واقل ضربه راح تكسر الصدام الامامي
اذا ما تعرف له راح تتوهق
يعني ما تدخل النفود الا وانت منسم
اما الاكسبلورر انا جربته عنده الوكاله سواقته انعم من التريل بليزر شوي
بس ما يمشي بطه حنة المكينه عندك
بس انه 3 مراتب وهذي ميزه
انا افضل الانفوي او التريل بليزر
وبالتوفيق
اللهم إغفر لوالدي وجميع موتى المسلمين وأسكنهم فسيح جناتك
اللهم آمين
خذلك باجيروا اقوى واحلى ومسوين عليه عرض الاقساط بسعر الكاش والله يوفقك
مااستخدمت من هذه السيارات ولا وحده فكلامي لايعكس جميع الحقائق ،
بس الملاحظ من الاصدقاء 3 بليزر 2004 2006 يمدحونه مع ان راعي الاربعة غير له رديتر مرتين ( مره السيارة ماكملت 15000 كلم عيب مصنعي ) .
يعيبه على قولتهم الحرارة احيانا بدون مقدمات ترتفع والسبب كلتش مروحة او شغلات بالكهرب ،
السيارة حلوه على بالخط ومريحة ومجربها طريق طويل وممتازة للعائله وارتفاعها عن الارض من احلى مايكون ( للطريق - للبر ) .
الاحظ تنسيم في الهواء لكل السيارات البليزر الى 2009 ( ماادري بس الامريكي كذا )
في الرمل كان يمشي مع الباثفندر والنيسان بكل عزم ونشاط واوقات بس لاغرز يعل القلب لين يطلع ).
سعر البيع ينزل اسرع من الياباني بس يمسك اكثر للي في حجمه .
قطع الغيار اسعارها وسط مقارنه بالامريكي ،
- الفورد اللي عند رفيقي 2007 مايشتكي منه غير الكمبيوتر اوقات يشكل وفي الوكاله يبرمجون ويرجع عسل .
اسمع من البعض انه قيرة يخبط بسرعة ماادري .
بالنسبة للخط اقسى من البليزر .
في البر يفشل تعبان ويخليك تعض لسانك .
في البيع اشوف المستخدمات تطيح واجد .
استخير ربك ومايمنع انك تفكر بسيارة ثالثه معهم ، وموفق دنيا وآخره .
ارجع وانصحك نصيحة اخو ابعد عن سيارات الزبرقه 00 خلك في السليم حتى لو تشتري مستعمل واذا ماتبي التويوتا خذ لك باثفيندر الجديد احسن من الفورد والبليزر انا حقيقة معي باثفيندر جديد ممتاز اعتبره افضل من البليزر والفورد الفورتشنر جيد ايضا ولك الخيار ولا تنسى تستخير ربك
الاكسبلورر 4000 سي سي و210 حصان صافي عند 5100 دوره بدقيقه
والبليزر 4200 سي سي و285 حصان صافي عند 6000 دوره بدقيقه
وكلهم يصلحون لتمشي في البر فقط لكن تطعيس ومراقي تراهم مايصلحون ليش
لان الاكسبلورر عزمه ضعيف بنسبه لحجمه اما البليزر لانه قوي فأول ماتدوس له على طول يتعلق بسبب انخفاضه
لكن اذا كنت ناوي على واحد من الاثنين فخذ الاكسبلورر واشوفه هل يومين بدا ينتشر بين الناس
الذين يشاهدون الموضوع الآن: 1 (0 من الأعضاء و 1 زائر)