نفيد ونستفيد

[نفيد ونستفيد]

السلام عليكم ورحمة الله وبركاته
سؤال مهم للجميع
بالنسبة لأستبنة اليوكون الجديد كيف يتم تنزيلها
اللي يعرف يا اخوان يفيدنا
اخوكم على وجه سفر وتنقصني هذه المعلومة
دورت عنها في قوقل ما حصلت الا موضوع واحد
في منتدى السيارات
http://www.assayyarat.com/forums/sho...d.php?t=157900
لكن المشكلة الصور ما طلعت معي

وهذا ما دفعني للتسجيل معكم ولا اول مكتفي بالمتابعة

جزاكم الله خير
وشكرا

[المميـز]

اتوقع لازم تفك الغطاء الصغير اللي بالصدام

مكانه بالضبط يمين الهوك حق السحب

دايم اشوف الغطاء هذا لاصرت واقف وراء يوكن وقلت في نفسي شكله حق تنزيل الاستبنه

لان موديلات 2006 وتحت كان حق تنزيل الاستبنه يمين اللوحه

وان شاء الله راعين اليوكن الجديد مو مقصرين معك

[لن أمل من العطاء]

يمين اللوحة
تدخل المفتاح واعتقد بدون لا تلف المفتاح تخرج القطعه السوداء كلها
بعد ذلك تأتي بعدة الكفر الاحتيار العفريته والعصا

تأخذ العصا وتدخلها في المجرى المخصص واذا لم تنزل اقلب العصا لان لها جهتين مختلفه

اذا نزل الكفر على الارض حاول تنزل الليور اكثر شيء يعني يصير مفلوت كثير

نجي لاهم شيء

نهاية الليور او ما يثبت الجنط في الليور هو عبار عن قطعتين وليست قطعه واحد مثل الونيتات التويوتا

ترفع الكفر قليل وبيديك الاثنتين تبعد القطعتين عن بعض وتخرج كل وحده نتهم لوحدها من الجنط
القطعتين مع بعض لا يمكن ان تخرج من الجنط

وهذا نظام امان للكفر الاحتياط
في حالة لا سمح الله حادث او مطب قوي بعض السيارات قد يطيح الكفر من السيارة
والادهى والامر ان اذا طاح ويقي متعلق باليارة فمن المتحتمل ان يتسبب في انقلاب السيارة

اكتب لي اذا لم استطع انا افهامك

اخوك

لن امل من العطاء

[نفيد ونستفيد]

اخوي المميز مشكور
وجزاك الله خير


اخوي لن امل من العطاء

مشكور وجزاك الله خير وما قصرت
لكن ياليت توضح شوي ولو كان بالصور
يكون اوضح لان السيارة شاريها جديدة واطلعت على
الكتلوج بس ما عرفت طريقة تنزيل الأستبنة مضبوط
ولأني على وجه سفر بعد يومين إن شاء الله للجنوب
فالله يستر علينا جميعاً وما نحتاج للأستبنة لكن الاحتياط واجب

وجزا الله خير من يساعدنا
والله يا اخوان أني متابع قديم للموقع واستفدت الكثير
بس ما لقيت هذه المعلومة اللي احتاجها وقد يحتاجها مثلي
كثير وشكرا
وهي ناقصتني
واللي يعرف يطلع الصور الموجودة على الرابط
يخدمنا ويخدم الجميع وقد نستفيد منها

[نفيد ونستفيد]

تجملوا يا الاجواد
ولله محتا جين للمعلومة
جزاكم الله خير

[نفيد ونستفيد]

يا الاجواد وينكم

[بدوي الحجاز]

ياخوي اذا بتستفيد عليك بكتلوج السيارة (مشاكل على الطريق الجزء الخامس من صفحة 453الى صفحة 475 توضيح كامل ومدعم بالصور )

[نفيد ونستفيد]

اخوي بدوي الحجاز
سبق وأن أطلعت على الكتلوج وذكرت
هذا في الرد رقم (4) بس ما فهمته الصور
غير واضحة والمسميات عندنا تختلف
هذا ما دفعني لسؤال أخواني يمكن يفيدوني
بالصور ولا بالشرح يكون أفضل من الكتلوج
بطريقه مبسطة وبلغتنا العامية أسهل
أو أحد يقدر يطلع الصور الموجودة على الرابط

[الجندي2005]

قريت انا الكتوج وعجزنا نطبقة مع احد الأخوان

[بدوي الحجاز]

بسيطة شوف لك محل بنشر 100% عندهم خلفية بحكم طبيعة عملهم وخلهم ينزلون الكفر ويركبونه مرة ثانية وتعلم منهم . ولا تنسى اعطيهم المعلوم .

[المميـز]

اخوي نفيد ونستفيد .. ممكن تذكر لنا موديل الموتر ؟؟

لأن الشرح اللي قاله اخوي لن امل من العطاء لموديلات
2000 إلى 2006 بس

أما موديلات
2007 إلى 2009

مافيهم فتحه يمين اللوحه .. انا اشوف الفتحه يمين الهوك بالصدام

لأن لوحة الموديلات الجديده صارت تررركب على الباب

ذكر الموديل مهم أثناء طرح موضوع مثل هذا

[نفيد ونستفيد]

اخوي المميز
موديل السيارة وضحته في السوال
وقلت اليوكون الجديد وهذا في اعتقادي
ان المديلات من 2007الى 2009نفس الشكل
وسوالي عن الشكل الجديد
وكلامك صحيح شرح اخونا لن امل من العطاء
للشكل القديم تصدق اني طلعت ادور في السيارة
على كلامه جنب اللوحة مالقيت شي
ما لقيت الا اللي جنب الهوك قلت يمكن هذا
قصده
عموماً السيارة عندي ملبقها وما اطلعها من البيت
الا قليل وتوني شاريها لكن احد الأخوة جزاه الله خير
جاب حل مقنع وهو عن طريق البنشري بس
بعضهم ما يعرف ويقول اعرف والله يستر
المقصود كان فيه احد يعرف يشرح لنا على الأقل
يكون عندي شوي معلومات احرج البنشري فيها
او يمكن استفيد واعرف وما احتاجله ولا للأستبنة
إن شاء الله
وشكرا

[المميـز]

اخوي المميز
موديل السيارة وضحته في السوال
وقلت اليوكون الجديد وهذا في اعتقادي
ان المديلات من 2007الى 2009نفس الشكل
وسوالي عن الشكل الجديد
وكلامك صحيح شرح اخونا لن امل من العطاء
للشكل القديم تصدق اني طلعت ادور في السيارة
على كلامه جنب اللوحة مالقيت شي
ما لقيت الا اللي جنب الهوك قلت يمكن هذا
قصده
عموماً السيارة عندي ملبقها وما اطلعها من البيت
الا قليل وتوني شاريها لكن احد الأخوة جزاه الله خير
جاب حل مقنع وهو عن طريق البنشري بس
بعضهم ما يعرف ويقول اعرف والله يستر
المقصود كان فيه احد يعرف يشرح لنا على الأقل
يكون عندي شوي معلومات احرج البنشري فيها
او يمكن استفيد واعرف وما احتاجله ولا للأستبنة
إن شاء الله
وشكرا

طيب جرب فك الغطاء اللي على يمين الهوك وشف وش وراه ؟

واحد من الزملاء معه يوكن 2008 شكلي اليوم ابدق عيله
واشوف موتره واسأله وشلون يفك الاستبنه
وافيدك اكثر ان شاء الله

[نفيد ونستفيد]

اخوي المميز
جربت وفتحت الغطاء ولقيت محل مفتاح
وحطيت مفتاح السيارة فيه ولفيته وقبل وبعد كذا ؟؟
معاد ادري شكل الشغلة طويلة وما حبيت اللخبط
وقلت أسئل
وانت ما قصرت يالطيب وأنا في الإنتظار
وشكراً لك مميز يالمميز

[المميـز]

اخوي المميز
جربت وفتحت الغطاء ولقيت محل مفتاح
وحطيت مفتاح السيارة فيه ولفيته وقبل وبعد كذا ؟؟
معاد ادري شكل الشغلة طويلة وما حبيت اللخبط
وقلت أسئل
وانت ما قصرت يالطيب وأنا في الإنتظار
وشكراً لك مميز يالمميز

سألت لك الرجال اللي معه يوكن

يقول الفتحه الصغيره اللي بالصدام فيها مفتاح تلفه يمين وتسحبه وتطلع معك القطعه
مع المفتاح وبعدين يصير عندك فتحه ... هذي الفتحه تدخل فيها الحديده الطويله اللي
جايه مع أغراض العفريته ... وبعدين تلف الحديد لين تنزل الاستبنه مثل نظام
الجيوب والهايلكس .

أغديك تجرب الطريقه وتعلمنا وش يصير معك

مع اني كان ودي اجرب الطريقه بنفسي مع خويي ولكن مشاغل الدنيا الله يكفينا شرها
ماعطتني فرصه اقابل الرجال واجرب الطريقه بنفسي