15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
مشكله بالباترول
السلام عليكم
يا اخوان عندي مشكله بالسياره هي جيب باترول ربع موديل 91
قبل يومين ظربتلي مشوار من الرياض للقصيم وامشي تقريبا 160
يوم وصلت حول محطه ام سدره لا حظت تقطيع لايذكر بالسياره وقفت
وانزل الى الزيوت تحت السياره انا علطول توقعت انه خبط
وتصل على اخوي ونسحب الجيب للبيت<ببريده>
معن السياره شغاله تمشي وكان معي علبتين زيت احتياط حطيتهن
مايهرب بس اذا اخذتلك لفتين وحتما الموتر هرب من جديد
وش توقون البلا منه
ننتظر ردودكم
في امان الله
مكشاتي متواصل
الله يهديك فاجر المكينة..
يمكن ارتفعت الحرارة وما دريت عنها، يمكن المشكلة بوجه راس المكينة.
لكن اعرضها على واحدن مكانيكي ثقة، والله يسلمك لك الموتر وما تشوف فيه شر.
مكشاتي
مشكور اخوي حواجز على الافاده وننتظر باقي الاخوان
بس اذا كان البلا من وجه المكينه كم يكلف تصليحه توقع؟
و عليكم السلام و رحمة الله
الحمدلله على السلامه
قد يكون عندك صوفة المكينه انفجرت
مكانه بين القير و المكينه
او من صوفة الصدر
رح لورشة ابو خالد الخضير بطريق خضيرا
تراه رجال نصوح و شغله يده ارخص من غيره سعر معقول
راح تدعي لي
موفق
مكشاتي
مشكور اخوي سوبر فتك والله يسلمك يالغالي انشاء الله يوم السبت ابمر ورشه ابو خالد الخضير والله كلن يمدحه ونا اتوقع انه من الصوفه بس اليوم الجمعه مهنا محل فاتح
المشاركة الأصلية كتبت بواسطة ghrty
ابو خالد مالك الا ولد يقرا ==>
ونعم الرجل تواضع و احترام
اخبر ولد عمي جاب له سفاري ربع م2006
غير له البواجي و شغله ثانيه نسيتها
اخذ عليه شغل يد فقط 30ريال
مكشاتي متواصل
الحمدلله على السلامه صارت لي نفس المشكله وطلع التهريب من صوفة المكينه الخلفيه ويوم نزل القير غيرت صوفة القير الاماميه مع صوفة المكينه الخلفيه{ اذا التهريب من الصوفه الخلفيه ونزلت القير تاكد من طبة الماء الخلفيه للمكينه لنها لوصارفيها تهريب لازم ينزل القير مره ثانيه}
مكشاتي متقدم
هذي ياطويل العمر والله العالم طرمبة البنزين تأكد منها
مكشاتي فضي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
هههههههههههههه
شاربن لبن
لاهنت يا عبادي
فعلا شي مهم تاكد من طبة الماء
اخبر احد الربع لم نفود عرق المظهور حول البعيثة هربت عليه الطبه الخلفيه
طبعا باترول ربع
المهم ان الماء دخل على الدزق و الكلتش لدرجه انه عيا يعشق القير
المهم كل شوي يغلق الاديتر و ستر الله الى ان وصل الديره
يمشي على سرعه 80
الزيوت هذي أقرب ماله مثل ماتفضلوا الاخوان وقالوا
من الصوفه الخلفيه أو الأماميه .. طبعا لابد من تغسيل السيارة
بستم زين قبل لاتروح للميكانيكي , عقب ماتغسله رح للميكانيكي
واثناء المشوار يبي يبين معك التهريب من وين بالضبط ان شاء الله
وعادةً يكون سبب خراب صوفة المكينه الخلفيه من رجة بعمود الدوران الخلفي
أو يكون القير مفكوك اول ولا غير له صوفه بعد تركيبه
الله يكون بعونك وعلمنا وش يصير معك ... متابعين لك ان شاء الله
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
مكشاتي برونزي
يقولون البنزين 95 يزيد الزيت في المكينه ولاندري الكلام ذا صحيح ولا لا
اذا كان الكلام صحيح وش بنزينك الي تستخدمه
وعليكم السلام ورحمة الله وبركاته :
أولا اخوي الحمد لله على السلامة
ماشاء الله ربع باترول السرعة 160 م 91
زين أنك حول محطه ووديتو السياره لبريده
أعرض السيارة على ميكاننيكي جيد يلقى الخراب ويصلحه
وترفق مرة ثانيه لايخربك بمحل لاجوال ولاديره
الله يحفظنا وأياك من كل شر
مكشاتي متقدم
هههههههههههههه
شاربن لبن
الاستهتار والتندر من عادات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا كان كلامي خطاء فأرجو انك تصوبلي الخطاء افضل من التندر طبعا الكلام موصول للاخ الي انت اقتبست رده
الشرح على حسب علمي وتجربتي
ان طرمبة البنزين في الباترول القديم عبارة عن طرمبة مكانيكية عن يمين المكينة قدام لها فتحة في جرم المكينة وداخل منها ذرع موصول بعمود الكام بحيث انه اذا تحرك العمود حرك الطرمبة زي طرمبات الماء القديمة التي تعمل بالضغط المتواصل وتستفيد من زيت المكينة اذا اشغتلت السيارة لتسهل عملية الاحتكاك وفي اغلب الاحيان تنفقع صوفة وسط طرمبة البنزين واذا اشتغلت السيارة وزادت السرعة يطلع الزيت خارج المكينة ولاكن اذا وقفت وطفيت ينقطع خروج الزيت.
هذا مااردت ايضاحه واذا كان عندك ياسوبر فتك او الاخ الي قبلك اي مشكلة واردت الاستزادة فإنشاء الله لدينا المزيد الذي يرضيكم ولديك الخاص للتواصل
وارجو من اخي صاحب الموضوع اذا بانت له علة السيارة يكتبها هنا.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
