عاجل يالربع ... ابي رأيكم في هالموتر

[AHG]

بسم الله الرحمن الرحيم ...

بتكل على الله ثم رأي أخواني الخبراء في هذا المنتدى الأكثر من رائع ...

أنا رجال لدي عائلة صغيره (الله يخليلكم ذويكم) وعندي من ثلاث الى اربع سفرات في السنه ولمسافه اكثر من 800 كلم مره وحده ... والصراحه اني من مده ادور على سياره دفع رباعي تكون فيها المواصفات التاليه:

• مواصفات سلامة عالية (والحافظ الله أولا وأخيرًا).
• مريحة بالطريق بدون اصوات وثبات. ومكيف ممتاز.
• قوة تحمل عاليه . مافيني كل يوم توقف على بالطريق ولا حراره ولا خلافه. اسافر احيانا بالظهر في عز الصيف. بالحقيقه ابي سياره تكرف.
• تكون فئة سبع مقاعد يعني اصغر من اليوكن شوي.
• إقتصادية. وطبعا سعرها مناسب وقطع غيارها كذلك. وصرفيتها للبنزين ممتازه.
• بالنسبة للبر مانب راعي مقناص ولا مطامر بالنفد. اهم شئ اذا طلعنا مع الأهل والربع برحلة ما تغرز بي واقعد اسحبها.
• بشكل عام يقولون عني ربعي اني جدا محافظ على السيارات واني رحوم عليهن.
• مواصفات واكسسوارات داخلية حلوه. بس منب طمَاع.

بعد بحث كنت احس ان الإكسبلورر افضل خيار لين ما شفت في مول موقفين الموهافي داخل الصالة وشدني شكله وإبتديت ابحث عنه. وهذا خلاني في حيره من امري بين السيارتين. بالنسبة للموهافي اعرف انها كوري والسياره نوعها جديد بس اذا شفت كيا اوبرس اتشجع شوي. واتردد لانها ماهي مجربه كثير.وفي نفس الوقت سعرها مغري على الرغم من كثرة المواصفات اللي فيها. ومن قرائاتي حسيت انها اكثر راحه وافضل في الطرقات السريعه من الإكسبلورر. وانتم ابخص.

هل فيه احد جرب السياره ولا بكون انا من المغامرين اذا شريتها ويجلسون الناس ينتظرون اخباري


تويوتا من تالي مزودينها ... اسعار نار وجوده إبتدت تتردا.

انتظر ردودكم.الله يجزاكم خير جميعا.

[AHG]

ممكن لو رأي واحد بس يالربع

[بريداووي]

والله ياوخيي مالي بهن بس احس ان الاكسبلور افضل

وش لك بالكيا ووجع الراس

مجرد وجهة نظر

وان شالله مايقصرون معك الاعضاء

[بو جريس 73]

عليك بالأكسبلور والله يوفقك

[1984 SIERRA]

والله يخوي الاكسبلورر اكييد

وان كان ودك بمستعمل و النظيف موديل 2005 ماشي 40,000 راجعني على الخاص << لا تحسب اني شريطي لكن والله ابي لك الفايده وانت براحتك

و لو مالك خاطر بالمستعمل خذلك اكسبلورر وتوكل على ربك من واقع تجربه والله وبعد ظنتي ان الموهافي اغلى من الاكسبلورر ولا انا غلطان ؟؟
ولاتنسى الموهافي كووووري
والاكسبلورر امريكي

توكل على ربك يا رجال واشتر لك اكسبلورر اما جديد او مستعمل ..

تحياتي ,,

[يوكون2666]

اخوى عليك بالاكسبلور تراه احسن من الكورى لان الكورى فترة شهرين ويطلع على حقيقته الى ماتسرك

[كساب الطيب]

اخوي وش رايك تاخذ لك باترول فتك

[نشمي الحوطة]

ترى الباترول ممتاز وكل المواصفات اللي تبيهن موجوده

عليك بسوبر سفاري .. ما يعوق معك بإذن الله ..

خذ لك من الجدد
2007 وفوق

[راعي المجهم]

نصيحة خذ لك يوكن أو تاهو 2000 أو 2001 لك وللزمن

قوة كشخة عزم دبل راحة فخامة

أفضل لك من الفورد ومشاكله وقلة قطع غياره وصيانته

[سوبر VTC]

هلا اخوي

تبي موتر وسيع خذ اكسبيدشن

يجي بعده الباترول

استخر و ييسر الله امرك

[ليالي نجد]

حياك الله اخوي

وانصحك تاخذ من السيارات المعروفة ... والمجربه ... سوى كانت من تايوتا او من نيسان او من جي ام سي

وبالتوفيق ان شاء الله

[قدر مكتوب]

ليش ماتشوف الارمادا

[تنوم]

عليك بالياباني وبس ماتخاف من العطال باذن الله

[غشيم صيد]

اخي العزيز Ahg
مع التواضع انا اعمل في تجارة السيارات من فترة طويلة
ورأيت جميع السيارات وعيوبها
لا انصحك بالكيا او الموهافي لانه يستخدم سنة وبعد السنة تهرم السيارة وتبدأ تدفع فلوس لاصلاحها
انا انصحك بالياباني وارد امريكا اي موصفات امريكية
فهي قوية جدا وهناك انواع كثيرة من اليباني وارد امريكا
مثل الهوندا ادسي او انفنتي Q 57 وهي مثل وشكل الارمادا لاكن تسمى في امريكا انفنتي
وتركب عليها جميع قطع الارمادا لاكن هي بموصفات امريكية عالية ( عابرة للولايات )
ويفظل موديل 2006 لانه تم اصلاح العيوب المصنعية وتعديلها
واقبل مروري

[مرقاب]

اخوي توكل على الله وخذ اكسبلور سياره مجربه وعمليه وسعره جديد 90000 الف معقول الى حد ما بالنسبه الى فئته واقتصادي بالوقود