تغطية الاجتماع الأول لرابطة ملاك الباثفندر ... صور (بن محفوظ)

[escape_man]

سلام عليكم
وراك علينا أخوي
وش فيك شطحت بالموضوع الناس تبارك على الاجتماع الطيب وأنت شبيت فينا
بن غييثات : أشكرك على الحرص ياذيب

هلا والله بابومحمد

صدقت والله .. في ناس ماتدري وين ومتى تشارك وايش نوعية المشاركة الي لازم يقوم فيها ..

ناس مبسوطة بتدشين اول اجتماع ناجح ومثمر ان شاء الله وهذا جالس يناقش تعصب ومدري ايش

طيب ياخي روح موضوع الرابطة او افتح موضوع جديد وقل الي ببالك وايش تحس فيه

اعتذر منكم لكن انا ضد ثقافة النقد في غير محلها

[أبوغيث 2003]

اولا احب ارحب واشكر القائمين على الموضوع ولهم مني كل التقدير والاحترام 000


ثانيا والاهم واتمنى اجد من الاخوة رد للايضاح

فيه بعض الاخوان من ملاك الباث القديم عنده تعصب غريب جدا من خلال الردود والاستفسارات والمشاركات وهذا لاحظته من قبل ملاك الباث القديم لدرجة انه يعيب جميع السيارات الدفع الرباعي اللاند كرورزر السفاري البراددو الباثفيندر الجديد ؟؟ ويجعل الباث القديم افضل سيارة

اتمنى الثقافه في المعلومه عن السيارات والمواصفات والعيوب والمواصفات00 وما نجعل سياراتنا هي الافضل دائما والاجدر 00 ليس من اجل ان الباث القديم انه اخف سياره على الرمال جعلها افضل سيارة وخلوها من نظام التراكشن المتطور جعلها خفيفه في الرمال وخبراء السيارات لم يصنعوا مواصفات السيارات من اجل الرمال فقط لا ياجماعه فيه مواصفات للوعورة والتحمل وغيره الكثير0

طرحي هذا فقط لايضاح مدى التعصب من البعض ملاك السيارات الاخرى قد تكون افضل بكثير مواصفات وقوة وعلى سبيل المثال ملاك الباث القديم ( المتعصبين ) اغلب سياراتكم التي يقدسونها اذا طعست بها نصف ساعه اسحب عيار الزيت تلاحظ نصف الزيت ناقص + الحرارة +الشكل العادي جداوالسياحي بلا فخامه ولامواصفات تذكر +القربعه السريعه 00

هل تقارنه بعزم وقوة الباث الجديد او متانة البرادو
هل تقارنه في التضاريس الصعبه مع الاكستيرا او الف جي
هل تقارن شكله باشكال السيارات الدفع الرباعي الجديدة


عموما ما اعيب قد ما اشوف تعصب غير طبيعي مدري على ايش ؟؟
وسوف اطرح لكم ردود اللي خلتني اعلق على ها التعصب 00 ياجماعة عيب من البعض يرد كذا على ملاك السيارات الثانية ومستعد اورد لكم الردود

اتمنى محد يزعل مني بس افهموا وجهة نظري

اخي سلامي لكم

اذا كنت رأيت من احد تعصب تقدر ترسل له على الخاص

مب تشوف تعصب لشخص او شخصين ثم تقول انتم يا راعين الباثفندر

ملاك الباث القديم ( المتعصبين ) اغلب سياراتكم التي يقدسونها

اتهام واضح وصريح ان راعين الباثفندر متعصبين

وما الوم الاخوان يوم ازعلوا عليك

[سلامي لكم]

انا اقول البعض وليس الكل وطرحت ردي في موضوعكم ابي البعض اللي اقصده يطلع على الملاحظه وليش الزعل ؟؟

واللي رد بلطف وبتفهم اشكر له ذوقه واللي رد بعكس ذلك برضوا اقوله جزاك الله خير .. ويؤكد لكم صحة كلامي من ردودهم انا ما اعم

[العزوم]

اجتماع موفق وننتظر المزيد من اهل الباث

بن غييثات >>>>>>>>>>> ماشاء الله على شارعين وبرحه

مع اهل الونيتات والباثات

[المرتاع]

السلام عليكم

راحت علي صراحة انا كنت في مكه لا على كلامك الربع الجايات اكثر

[escape_man]

انا اقول البعض وليس الكل وطرحت ردي في موضوعكم ابي البعض اللي اقصده يطلع على الملاحظه وليش الزعل ؟؟

واللي رد بلطف وبتفهم اشكر له ذوقه واللي رد بعكس ذلك برضوا اقوله جزاك الله خير .. ويؤكد لكم صحة كلامي من ردودهم انا ما اعم

صل خير .. لكن ياليت تختار المكان والزمان المناسبين لكي يكون طرحك مقبول ونقدك مرحب فيه .. وعلى طاري التعصب .. ان لقيت راعي برادو يبادلني وازوده او باث جديد فانا شاكر لك ..

اجتماع موفق وننتظر المزيد من اهل الباث

بن غييثات >>>>>>>>>>> ماشاء الله على شارعين وبرحه

مع اهل الونيتات والباثات

ياخوي اذكر الله .. وياليت ماتعلم احد .. اهل المكاين البق بلوك يشوفون الياباني من فئة السياكل

التوقيع هذا فضيحة يبيله صرفه

[سوبر VTC]

المشاركة الأصلية كتبت بواسطة العزوم
اجتماع موفق وننتظر المزيد من اهل الباث

بن غييثات >>>>>>>>>>> ماشاء الله على شارعين وبرحه

مع اهل الونيتات والباثات
ياخوي اذكر الله .. وياليت ماتعلم احد .. اهل المكاين البق بلوك يشوفون الياباني من فئة السياكل

التوقيع هذا فضيحة يبيله صرفه

ههههههه

قصدك ====> برحه تفتح على اربع شوارع

مجمع استثماري

[عاشق z71]

اسمع انت وياه

مسالة انكم تاخذون العضو تبعنا بن غييثات وتختفونه اختطاف بدون سابق انذار هذي ماراح نسمحلكم

فيها

اذا تكرر هالفعل راح نهاجمكم بسيارات الرابطه جميعها الي تظم اكثر من 35 جمس << 70 بالميه منهم بهبهانيات رفارف :d



وانت يابن غييثات اعتبر هذا التحذير كرت اصفر لك :d


ههههههههههههههههههههههههههههههههههههههههههههههه

ماشالله عليكم اجتماع رائع بصراحه

انا كنت واقف بالمسانده ذاك اليوم بس يوم جيت توكم ماشيين موجهين للنفود الظاهر

بس ليتكم كاتبين تقرير مفصل اكثر عن الاجتماع


وونتظر الاجتماع الجاي انشالله
والله يجمعكم على طاعته ويدومها عليكم

يالله عاد انتبهوا لخوينا تروه عزيز وغالي وليد

[بن محفوظ]

حي الله الجميع وجزاهم الله خير على المشاركة ..... الي عندي هو

1- (سلامي لكم ) رجاء قفل على الموضوع لأنك اذا بتلت كذا راح يتقفل موضوع الاجتماع وبسبة شيء مايستاهل وانا اخوك أنت قلت وجهة نظرك وكل أنسان حر في وجهة نظره والله يكتب لنا ولك الي فيه الخير..

2- اشكر بن غييثات على المشاركة والتعبير عن شعوره وهو في محله من وجهة نظري لكن ترى الرجال في وجهي يا أهل الجموس واذابتهجمون علينا بنسوي لكم كمين هههههههههههههههه



3- لمن ارد تغطية اكثر وتفصيل اكثر أول شيء الاجتماع جاء سريع سريع وفي وقت الصيف يعني مالك أمل تطلع العصر وتسوي اجتماع وتطعيس ثاني شيء التصوير بالليل ماله طعم لكن الوعد في شهر 10 وحيا الله الجميع

[أبوعُمر]

اجتماع مبارك

و عقبال الاجتماعات الكثيرة

بالتوفيق

[محسن اليامي]

ماشاءالله تبارك الرحمن

يازين ذالجلسه والله انها جلسة رجال قهوه وشاهي وتبادل خبرات ماشاءالله

الله يجمعنا وياكم على المعزه

لاهنت يابن محفوظ على التغطيه الجميله

أخوك محسن اليامي

[بن محفوظ]

أبو عمر .... حياك الله اخوي وشكراً على التعليق

محسن اليامي ارحب تراحيب المطر ولاهنت على المرور و التعليق ... والجلسة يزيد حلاها بالرجال الي شروك

والله يجمعنا على المعزة دوووووم ان شاء الله

[magoode]

ماشاء الله اجتمااع روعه ..

مادريت عنه ولا كان صفينا معكم بـ ا ح ب 3101


الجايات ان شاء الله اكثر

[سلامي لكم]

شوفوا رد ابومحيميد وثقافته على الرابط في احد المواضيع ( الباثفيندر القديم احسن سياره في العالم )00 هذا اللي خلاني اكتب مداخلتي السابقه الاخ احد اعضاء الاجتماع اللي تمجدونهم ؟؟ ياجماعه هذا مو كلامي لوحدي كلام كثير من الناس تعصب عجيب ومشاركات لا هدف لها ابدا ولا حتى الانسان يستحي لما يرد طيب يااخي الكريم كل انسان ومزاجه وكل انسان ومعرفته وكل انسان واستخدامه ليش التعصب بالرأي لسيارات معينه يااخي مو لازم ترد على صاحب الموضوع اذا الموتر ما اعجبك طيب وش شعورك لو كنت تملك السياره وجاء واحد يرد يعيب في موترك ؟؟ مع احترامي لابن محفوظ وباقي الاخوان (الهدف تثقيف بعض البشر في طريقة الطرح للاستفاده والافاده )ونبي نقول ياجماعه حبنا لسياره معينه لا يعني التقليل من قيمة السيارة الاخرى والخصائص القوية التي فيها00

http://www.mekshat.com/vb/showthread...42#post2967042

[ابوقاسم]

ابارك لجميع ملاك الباث القديم تفعيل الرابطة وياليتنا معكم ونشارك بالاجتماع بس لازم حنا نسوي اجتماع مع اهل الشرقية والله يوفقنا في واحد يجمع شملنا مثل ما اجتمع شمل اهل الرياضتحياتي لكم