__مقانيص الصيف__

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه

الحلقة الاولى

اسولف انا ونايف . اقول الصيف من اول نحسب له الف حساب
تكثر فيه ملاعب الشعار . ونتابعها من قصر افراح الى قصر افراح .تربطنا مانسافر
على سبتها ..
جت القنوات الفضائيه ريحتنا (24)ساعه شعر وملاعب شعر والحفلات لو هي فالكويت
تنقل مباشره وتنعاد ........... صابنا تشبع
حتى المسلسلات البدويه كنا نتابعها على التلفزيون السعودي .. نتابعها لدرجة انا نأخر مقناصنا
لين ينتهي المسلسل .. اليوم ما اكثر من المسلسلات البدويه على القنوات وتشوفها
في اي موقع .......... صابنا تشع

والمقانيص كل قناه تنقل كذا مقناص لين تمتعنا بشوف الطيور الوانها وانواعها وفعلها
شفنا وتمتعنا ..........صابنا تشبع

قال نايف لكن المقناص لا ما احتزمت وطيرك على يدك وسلقتك تبرى لك ماتكتمل المتعه

قلت ابشر باللي ييوريك بفضل الله من طيور تركيا لين تصد .. ومن السلق التركيه والسوريه
لين تمل وتلقى ما يعوضك عن سلقك اللي فقدتها . ومن طرد الارانب اللي تقوم وانت في مترك
ماتحول وجو معتدل لابرد ولاحر . قال تم

كانت الرحله مكونهمن عشره اصدقاء لكن قبل الممشى بكم يوم اعتذر اكثرهم وصفت
الرحله على الفيتو .. ونايف .. وحراز

شوفوا كيف كان يدور الارانب نايف قصاصه وتعب

ولاقامت الارنب في المواقع هذي والواحد في الارض ما يتمتع بالطرد التضاريس تحول بينه
وبين الفرجه

واحيان تكون في مكان ما تتوقعونه . لو ماترقى لقلة الارطى ما تقوم

النتايج طيبه ومرضيه مع مرحه وباريس . لكن بعض الامور ماتخفاكم

نايف وابو عمر ربيع2008(حاذ العتراه ) مامر علي ربيع بهاك الديار مثل ذيك السنه

من الامور اللي ماتخفاكم . من طاح بيدين من طاع الله وحاول يقاوم الله يعينه
ابو عمر بطل الرمله هههههههه طاح في يدينهم


الغرق في الرمال باستمرار

البرود اللي توافق المقناص . لها دور في تاخير وقت الممشى للصيد

سلق نايف اللي فقدها الله يعوضه ابرك منها .. اعجابه بها واضح كل يوم كذا
كنه اول مره يشوفها

من اجمل السلق .. باريس ماتت مدعوسه .. مرحه صابها حقن
انشاء الله بيلقى في سوريا ما يعوضه عنها
في الحلقه القادمه تشوفون مقناص سوريا
*
والسلام
الفيتو
الحجاز
13/8/1430هـ

[عروق الدهنا]

الفيتو

صايد يابا العوايد

ابوصالح حي هالشوف وحي ماجبت

ماشاء الله عليك دايم مبدع

طرح جميل وتقرير اجمل

ايه هذي المواضيع اللي تحرك الخيمة

ولكن احزنتنا في آخر صوره
باريس ومرحه من اجمل ما رأت عيني

لكن الله يعوض عليه بأطيب منهن

وشكل الدعوه تحدي بيني وبينك

لاتحرمنا من مواضيعك

تقبل مروري وتعليقي

تحياتي

[shaheen70]

الله يجزاك خيرعلى الصور المميزة
والطلعة والتعليق جميل

[الخماش111]

مشكووورررر وماقصرت

[âBü AًBDULLAH]

الله يعطيك العافيه على المقناص الطيب

وجلسه الرجال الطيبه ومقناص العافيه


وفالكم السودان يارجال


تقبل مروري اخوك


ابو عبدالله

[رحال]

وعليكم السلام ورحمة الله وبركاته

هلا وغلا اخوي الفيتو وحياك الله .. ماشاء الله عليك يبوصالح كعادتك مبدع وحقيقه حيضتني بالصور الغير عاديه لصيد الارانب وذكرتني بذيك الاراضي والله اني اشتقت لقنص الارنب ..

ما ادري اكمل معك الموضوع للآخر او اتركه اخاف يصير فيني شي

الله يبيض وجيهكم ويجعل صيدكم مداخيله العافيه





يستاهل الموضوع التقييم
تمنياتي لكم بالتوفيق

اخوكم بوخليفه

[برق عتيبه]

الله يعطيك العافية على الموضوع الرائع
والصور ولا احلي
شوقتنا يالفيتو على المقناص

[الصارم1]

والله كفو يالفيتو

مقنا ص طيب الله ييسرلنا مثله مع شرواكم

[وافي زمانه]

ماشاءالله عليكم مقناص السعد مشكور
تقبل مروري

[@قرناص@]

بيض الله وجهك يالفيتو ،،

صور رااائعه ..

والله يعووضكم بالسلق الطيب ..

صايدين وفايدين ولاتحرمنى من مواضيعك الشيقه ..

قرناص

[نبهاوي صميم]

بيض الله وجهك يالفيتو
عزالله انك مااقصرت لاعدمنااك
ننتظر المزيد منك ان شاء الله
تقبل تحياتي /نبهااوي صميم

[عزيز2100]

الفيتـــــــــــــــــــو

ما شاء الله عليك

مقناص رائع وتصوير اروع خصوصا نتقت الارنب

ان شاء الله دايم موفق

تقبل مروري

[A . J . A]

الله يجزاك خيرعلى الصور المميزة
والطلعة والتعليق جميل
ومواضيعك الشيقه

[راعي الفلوجه]

بيض الله وجهك يا ابو صااااااالح والله لا يهينك ,,, ونايف عزيز وغالي يااااامر ويتدلل ,,, وفي انتظاااااااار جديدك لا تبطي علينا ............

[فيصل الدشاش]

لا أدري كيف أبين لك أنثاري في موضوعك .. ألرائع
مبدع في التعليييق وفي الصور ..

لكن ألصوره الي لفتت أنتبااهي ... من طاًع ألله

مبدع ,, وفالك ألتوفييق