15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
السلام عليكم
مساء الخير على الجميع
حبايبي ملاك الفورتشنر
حصل عندي مشكله بسيطه واريد منكم الاستفسار
طبعا تعرفون مدخل الشاحن الكربائي الي بجنب الولاعه
والي بالشنطه الخلفيه مخصص لشحن الجولات والمبات
شبكة عليه وصار المبات اقوى من قوة تحمل المحدد
ومن بعدها طفت الولاعه والمداخل الامامي والخلفي
ولا عاد اقدر اشحن الجوال وغيره
الموتر 2011 ياليت من حصلة عنده هذه المشكله يوضح لى
وموقع الفيز
مكشاتي متقدم
ما قد حصلت معي لاكن شفلك كهربائي ممتاز والسالفة كلها كهربهالمشاركة الأصلية كتبت بواسطة الصياد الحافي
شيك عليه انت قبل شف للكتاوت الفيوز وتأكد
بالتوفيق
مكشاتي متقدم
هذي اكيد الفيوز ضرب عليك رح اي كهربائي يفحص كل الفيوز ويطلع لك التالف خذه معك واشتر عليه
مكشاتي برونزي
وعليكم السلام والرحمة
حياك الله .. مشكلتك جدا بسيطة
اقرب محل زينة سيارات خله يشيك لك على الفيوز الداخلية الي تحت الدركسون بجهاز خاص
واذا مابين شيئ شيك على الفيوز الخارجية داخل الكبوت خلف البطارية
مشكلتك هنا بأذن الله
مكشاتي
السلام عليكم أخوكم ابو تركي عضو جديد عندي مشكله وياليت تساعدوني سيارتي فورشينر 2006 4سلندر غيرت ما صورت المكيف الحار تجئ تحت ثلاجة المكينه ولازم تفك الثلاجة وبعدها السيارة سارت تتفتف و طرطعه من عند المكينه
مكشاتي متقدم
حياك الله ياابوتركي
اتوقع يبوتركي البلا من الثلاجه ماركبت زين او فيه لي ماتوصل صح والله اعلم
مكشاتي
السلام عليكم
مساء الخير على الجميع
أحبتي زوار ملاك الفورتشنر
عندي مشكله بفورتشنر موديل 2009 ستة سلندر اللي هي نتعة بالقير بسيطة ونادراً تكون قوية
والنتعة ما تجي الا من تحت سرعة الاربعين علماً أن الكشف بالكمبيوتر أثبت سلامة الكهرباء والحساسات بالقير هل الامر طبيعي أو لا
مكشاتي
السلام عليكم
مساء الخير على الجميع
أحبتي زوار ملاك الفورتشنر
عندي مشكله بفورتشنر موديل 2009 ستة سلندر اللي هي نتعة بالقير بسيطة ونادراً تكون قوية
والنتعة ما تجي الا من تحت سرعة الاربعين علماً أن الكشف بالكمبيوتر أثبت سلامة الكهرباء والحساسات بالقير هل الامر طبيعي أو لا
مكشاتي برونزي
حياك الله يابو تركي
"ارجع للي صلحت عنده وخش في عيونه وقل وش هالمشكله الي سويتها لي"
اتوقع والله اعلم مشكلة في التركيب .. وعلشان تتأكد مر لك كم ورشة وخلهم يشيكون على السيارة
خبرتي في التماتيك قليله ..
لكن في الغالب النتعة والفضاوة ترجع لنقص زيت القير او يكون قديم هو والفلتر
نصيحة اذا قديم غير زيت القير مع الفلتر وامش عليه كم كيلو وحاول تلاحظ هل لازالت موجودة او خفت النتعة ؟
وبعد هذا
"مر على كم ورشة يطلعون على المشكلة ويفيدونك فيها ان شاء الله"
مكشاتي
غيرت زيت القير ولا زالت النتعة موجودة
مكشاتي برونزي
والفلتر ؟
اذا انك ماغيرت الفلتر وزيت القير جديد , صعب تغيره لان الزيت بينزل اذا فكيت الفلتر
فنصيحة باسرع وقت شيك عليه من اجل تجنب مشاكل اكبر عند الصناعية في "اكثر من ورشة" لان مشاكل القير مايعرف لها الى واحد "فنان+خبرة" والاغلبية بيتخرصون عليك
اعانك الله وان شاء الله ان المشكلة بسيطة
مكشاتي متقدم
اتوقع النتعه طبيعيه لانه يرد في الاول والاول قوي فتحس انه ينتع وهو لا فزة الاول والله اعلم
مكشاتي
ما قصرت أخوي musab على المعلومة طمنتني الله يطمن قلبك ، مع العلم كنت منتظر ردك لا خلا ولاعدم ، ولا يهون أبو إبراهيم ...
مكشاتي متواصل
السلام عليكم ورحمة الله ...
استفسار بسيط يا اخوان،،، موتري فورتشنر 2011 في اكس ون . من تالي صرت الاحظ إن المكيف ليس كالسابق.. البرودة ضعيفه.. والموتر ماله سنتين ونصف..
اللي عنده علم يفيدنا الله يجزاكم خير؟؟؟
مكشاتي متقدم
الله يبيض وجهك تحت امرك طال عمرك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس