>>>> رابطة ملاك الفورتشنر - fortuner <<<<

[المميـز]

عيار زيت القير عجزت ألقاه

وين محله وإين كان ما فيه وش الحل طبعا موتري تماتيك ماشي 108000
ولا أدري هل الزيت مغير قبل ولا لا

الله يعافيك يالمميز
وش ازين زيت له وهل الزيت الإمريكي حق الفورد هو الزين
وش الورشة الي تغيره له يعني ابي واحد فاهم . انا ساكن بشرق الرياض

مافيه عيار للزيت مع الاسف الشديد

ومالي علم والله بزيت التماتيك واذا تبي تعرف وش وضع الزيت

خل اي بنشري يشوفه لك عن طريق السره اللي بالقير

:

[المميـز]

رايكم

فور شنر ولا أكسبلور

من رايي فورتشنر

والسيارتين قويه

وميزة الفورتشنر يجي دف لوك وسعره يمسك عند البيع

والله يكتب لك اللي فيه الخير

:

[المميـز]

السلام عليكم ورحمة الله ..
طلعت اليوم الخرارة .. وصارت لي مشكلة .. وقلت ما لها الا رجالها ..

ضغطت الزر اللي على اليسار تحت ( الدبل الثقيل ) .. وولعت اللمبة حق الدبل بلون أحمر وبشكل متقطع وكذلك لمبة أخرى بنفس الشكل ولكن بلون اصفر او برتقالي ولكن بشكل مستمر وعندما طفيته بقيت اللمبة الصفراء شغالة ..
طبعا .. طفيت السيارة .. وبعد قالوا بعض الشباب ارجع ريوس ثم قدم يمكن تروح .. ولكن ما راحت ..
قريت الكتالوج .. وما فهمت شي ..
ورجعت واللمبة ما زالت والعة .. وما فيه شي تغير علي في عزم المكينة وانا راجع اسوق ..
فهل هذا طبيعي .. واذا كان غير طبيعي كيف اطفيها ؟؟؟

شاكر ومقدر لكم اجابتكم .......

الزر اللي على اليسار هذا الدف لوك بمعنى الهزاز

وماتقدر تشغله الا مع الدبل الثقيل

جرب عشق الثقيل وامش عليه شوي وبعدين طف الدف لوك وطف الدبل بعدها

وان شاء الله تنحل مشكلتك واذا ما انحلت علمني لأني خابر واحد صارت له المشكله وحلها

ابسأله لك

:

[رضاك ربي]

أخوي المميز الله يعطيك العافيه قبل شهرين شغلت الدف لوك بدون دبل ومشيت تقريبا 80 هل فيه ضرر للسياره.الله يحققلك القرب من اهلك.

[ودعاني مرات]

السلام عليكم ورحمة الله وبركاته:
معي فورتشنر 2006
وش احسن مساعدات للفورتشنر؟
وعندي طلع صوت اذا شغلت السياره وعشقتها Dهل هو صوت الطرمبه ؟؟؟
ارجو الاجابه

[المميـز]

أخوي المميز الله يعطيك العافيه قبل شهرين شغلت الدف لوك بدون دبل ومشيت تقريبا 80 هل فيه ضرر للسياره.الله يحققلك القرب من اهلك.

الله يعافيك والله يسمع منك ياااااارب

دامك شغلته بدون دبل مافي اي مشكله ولا فيه اي ضرر ان شاء الله

لانه مايشتغل إلا مع الدبل الثقيل واللمبه اللي تولع بالطبلون مجرد تذكير لك

:

[المميـز]

السلام عليكم ورحمة الله وبركاته:
معي فورتشنر 2006
وش احسن مساعدات للفورتشنر؟
وعندي طلع صوت اذا شغلت السياره وعشقتها Dهل هو صوت الطرمبه ؟؟؟
ارجو الاجابه

وعليكم السلام ورحمة الله وبركاته

انا مالي تجربه مع المساعدات ولكن على ماقرأت ان البعض يمدح مساعدات اللاندكروزر جي اكس ار الشكل السابق

وفيه البعض من المجربين يمدح مساعدات المورنو لعلهم يفيدونك ان شاء الله

وياليت تحدد مصدر الصوت ومتى بالضبط يطلع هل هو عند التشغيل والا عند التعشيق ؟؟

:

[ودعاني مرات]

وعليكم السلام ورحمة الله وبركاته

انا مالي تجربه مع المساعدات ولكن على ماقرأت ان البعض يمدح مساعدات اللاندكروزر جي اكس ار الشكل السابق

وفيه البعض من المجربين يمدح مساعدات المورنو لعلهم يفيدونك ان شاء الله

وياليت تحدد مصدر الصوت ومتى بالضبط يطلع هل هو عند التشغيل والا عند التعشيق ؟؟

:

اذا عشقتها

[vx1]

السلام عليكم
قبل شهر سافرت على الموتر ولعت لمبة الفرامل صفطت عند اقرب بنشري وعبيتها وطفت اللمبة كان ناقص شوي والحمدلله الامور تمام
والان ولعت مره ثانية بس اضاءه خفيفة والزيت مانقص منه شي
علما بان الموتر فورتشنر 2010 ماشي 25000

[رمز الوفا]

السلام عليكم الزيت اغيره عند الشركه او عند اي بنشري
السياره او مره اغير لها الزيت

[البرفسور2]

تغيير زيت القير متى واين للمجربين يفيدونا

[GOLD-2]

معااااااااااااااااكم وين ماتروحون وهذا جوالي
0500666982
واقترح ان يكون فيه رسايل ترسل على الجوالات باي اقتراح للتجمع اذا فيه

[* ابو باسل *]

الا ياهل الفزعات تكفووووون ....
ياشباب ياجعلي ماعدم هالوجيه والله انا ولد عمي يبي يشتري جيب وماعنده عائله كبيره واشرت عليه بالفورتشنر 6 سلندر الفل الي بدون مراتب جلد والقير الاوتوماتيك والرجال راح المعارض واعجبه الموتر ويبي يشتري واحد وقلت مالي الا الله ثم انتو مادام الرجال صمل ونوى يشري ابي مشورتكم انا اخليه يكمل مشوراه ويشتري واحد ويصير واحد من اعضاء رابطتكم وهل الموتر بيبيض وجهي اذا شراه ولا بيلوم علي يوم من الايام تكفون ياشباب المسأله لو هي لي ماعلي بس اخاف الرجال يشتري وبعدين يقول انك ماشرت علي بالشور الصحيح ابي شوركم ياهل الخبره والتجربه .

[مسافر وحداني]

السلام عليكم
اسعد الله مساكم
كيف اعرف الفرق بين
جي اكس1
جي اكس 2
ياليت احد يقول لي الفرق بالتفصيل
كم يسوى 2008 نظيف 6 سلندر اوتوماتيك
وماشي 71000 ك
بس فيه الصدامات يقول مرشوشه ولا سمكرة
ولكم جزيل الشكر

[جبل راف]

السلام عليكم
المميز
عندي مشكلة رائحة المجاري الله يكرمكم ذبختني بالسيارة احيانا تطلع واحيانا تختفي
ناس يقولون الفلتر وراء درج الراكب ومدري والله

انواع العطورات بالسيارة
احراج لما يركبون معي ناس

نوع السيارة فورتشنر اكيييييد
قير عادي
vx1
2010
6 سلندر
الممشى حوالي 18000
وش الحل تكفون