اكبر جذع ارطا شفته في حياتي

[فرغالي]

بسم الله الرحمن الرحيم

السلام عليكم ورحمة الله وبركاتة

كان لي رحله ايام العيد 5-10-1430

ذاهب الى الصيد وكنت ابغا مكان معين يذكر فيه صيد وافر

والمكان يحتاج قطع برا يعني مازفلت ويبعد عن القار 80 كيلو داخل الصحراء وانا داخل متجه للمكان المراد
واجهت رمال فضيعه وطريت الخوض داخل الرمال وانا احوس داخل الرمل والطلوع والنزول ومثلكم عارفين الارض ناشفه يعني الرمل الله لايوريك وقت صيف مصيده !!!
شفت شئ من بين الرمال واقف والله من بعيد احسبه بعير يالله غريبه بعير داخل السيوف ولحاله المهم يوم اقتربت ماشاء الله وش اشوف شجرة الارطا واقفه بكل شموخ

وقفت اناضره في تعجب معقوله ماقصوه او علشانه بعيد عن عيون الكشاته طبعن اول مره اشوف مثله في حياتي

والسؤال يااخوان لو انتم في مكاني هل راح تاخذونه او تخلونه ؟؟؟؟



لكم الصوره

[فارس القور]

لاااا اله الا الله ما شاء الله ..
وبالنسبه للسؤال ابى اقف واشاور نفسي والي معي <<المشكله بالموتر يقواها والا لا ..

[ذيب الطواري]

ولله على صورة الوايت اللي بالتوقيع

فما فيه شيء غريب

[wolf220]

إذا ماخذتها بيجي واحد غيرك وياخذها


يعني خلها من نصيبك افضل

تحياتي لك

[منصور الفايز]

والله لو انا لاقيها ... كان اكتب ورقه كبيره واعلقها عليها واكتب

"طلبتكم لا تاخذها ..... الله يرضالي عليك"

قسم انها خساره تروح للنار

[اهل الردات]

ماشاء الله

[دغيم1]

السلام عليكم ورحمة الله وبركاته
يعطيك العافية أخوي
ومنتديات مكشات تبنت برنامج المحافظة على البيئة
وساهمت بشكل كبير في عدم التصحر
والدلالة على ذلك تلك المواضيع التي نشاهده بين الفينة والأخرى
والتي تقوم باستزراع شجر الطلح
ومن الأولى عدم التفكير مطلقا في إحتطابها
والفرصة في أخذ صورة بجانبها أعتبره مكسب كبير
فقد مررت بأكبر منها خلال رحلاتي في فصل الربيع
وعند الحاجة لشبة النار يؤخذ من ماتساقط من الأشجار بقدر الحاجة
تقبل تحياتي

[صقر العثمور]

الله يعافيك ويسلمك من كل مكروه وتسلم يالغالي

[ياسر العضيله]

مشكور على الموضوع الرائع
والجواب؟؟؟؟

لوكيفي بسورها بشبك وشوف بعد كم سنه كيف تكون

تقبل ردي

[البديوي 2]

كفوا والله انك تركتها

وانا مثلك لقيت الارطاة الكبيرة وقلت اصورها اتمتع أنا وخويي



.

[جرة عقرب]

انا والله بجمع الغصون المتكسره اللي حولها وبشب ضويه بتقهوى وبسري وراي
فقط لاغير

[عزٍيزٍ]

والله مااضن اخليهآ

اذكر مره شفنا شجرة ارطى كامله ,, موب جذع والله اني ماتوقعت ان فيه ارطاة بهالكبر

5 اشخآص شغالين عليها , جلسنا يمكن ساعتين

بس مع الاسف ماصورتهآ

[دمع المزن]

مـــــــــــــــشكور ويعطيــــــــــك الـــــــــــــــــف عـــــــــــــــــافية
ولله انك كـــــــــــــــــــــــــفو

[الوتر الحزين]

مشكوووور اخوي انك تركتها

انا مثل ماقال احد الاخوان بجمع عودانها المتكسره حولها واصلح الشاهي

وادعي الله ان ماحد يجي ويقلعها.

تحياتي

[الصمان 2]

مشكور على الصورة




.