مواقف خطرة وطريفة مع نصائح وتقرير مصور من رحلتنا لأندونيسيا...

[الرسيفر]

تسلم أخوي على هالتقرير ونحن بانتظار باقي التقرير وأنا من الناس اللي يحبون السفر لاندونيسيا خصوصا شعبهم طيب مررررة .

ويفرحون بك إذا درو إنك سعودي

دائما ننحرج من تصرفات بعض السعوديين هناك بس خله على الله
الغريب من كثر ما شافو من تصرفات زقرت السعودية وطهبلتهم اللي ما له داعي مازالو يحبون الشعب السعودي
ويفرحون بك إذا سلمت عليهم كبير راس وصغير راس

فعلا شعب الاندومي حبوب
بانتظار باقي القرير على أحر من جمر الغضا

[دكتور بر]

اليوم الخامس الاثنين 5 شعبان



بعد تناول وجبة الفطور توجهنا لشلالات شليمبير والتي تبعد قرابة العشرين دقيقة عن مجمع قولف ..



قلنا نجرب دبابتهم ويا ليتنا ما جربناها ...ما شاء الله الطريق ما يكفي إلا سيارة ونص ومع هذا فيه سيارتين!! وثلاث دبابات!!! وعشرة يمشون!!! وبين الواحد والثاني شعره !!!!
عند الوصول لها قصينا تذاكر الدخول وكانت بثلاثين ألف روبية ...
عدد الشلالات سبعة وللأسف لم نستطع الوصول إلا للشلال الخامس لصعوبة الوصول للباقي ...وعرة..جبلية...منزلقة...
أول شلال قمنا نصور وتحمسنا وبغت تخلص الذاكرة





وما درينا انا مخفات وصار اللي شفناه الله واعلم ساقي مكينة نخل!!!







صورة أخرى








المهم ونرقى فوق إلا ونشوف هالمقرود ينتفض وهو تحت الشلال
ولا ندري وش السالفة !!!
قلت خلني أصوره واشوف وش تاليتها معه






وبعد ما صورته عرفت ليش الرجال متحمس
أثر أم العيال تصوره
قلت :الله يوفقهم
وكملنا طريقنا للشلال اللي بعده


هذا محاتسيكم واقف بصمود تحت الشلال الرابع







يالله الجنة بس والله انها ترد الروح هالشلالات



وهذا آخر شلال وصلناه وهو الخامس لأن ما بعده كان صعباً للغاية وفيه وعورة وانحدار شديد، وهذا أبو عبدالله داخلن جو في الشلال










وفي الشلال قابلنا الأخوين سليمان وعلي من أهل القصيم وهم شروى من يقرا أجاويد ونشامى ودعوناهم لتناول طعام العشاء معنا تلك الليلة....

[دكتور بر]

من المواقف الصعبة والطريفة في نفس الوقت عند النزول من هذه الشلالات أن حبيبنا أبا عبدالله تقدمنا ، وخرج عن المسار الصحيح للنزول ،وضاق الطريق

صورة الطريق وهو يضيق




وصلنا لمنحدر شديد!! حاولنا ثنيه والرجوع به للطريق الصحيح، لكنه كان يطالبنا بالمضي والاستمرار وهو أمامنا ، وأثناء انشغاله بتوجيهنا وتحذيرنا انزلق لمسافة تزيد عن الستة أمتار

... حيث كانت المنحدرات شديدة ولكن الله يسر وتمسك بأحد الأشجار وسلم ولله الحمد....
صورة غير واضحة لأبي عبدالله أثناء انزلاقه!!!







بعدها توجهنا لشراء ذبيحة ووفقنا في ذبيحة طيبة ولله الحمد....
ذبحها لنا ذا الأجودي





عملية السلخ






توجهنا للسكن وبدأنا في تجهيز الطبخ....




العشاء بعدما جهز
تفضلوا وحياكم الله








حضر معنا الأخوة ..وبعد تناول العشاء سهرنا معهم ليلة جميلة

وإلى اليوم السادس بإذن الله قريباً......

[دكتور بر]

اليوم السادس 6 شعبان 1430هـ

عند قيامنا صباحاً تناولنا القهوة الصباحية



أبو عبدالله يقول عجل علينا خل نتقهوى





وبعد تناول المقلقل الشهي










خرجنا لحديقة حيوانات السفاري المشهورة ، وبدأنا جولتنا فيها عند الساعة الحادية عشرة صباحاً وكم تمنينا الحضور فيها قبل ذاك الوقت وذلك لكثرة الفعاليات الممتعة بها



يا كثر ما يحب التصوير ذا الحمار




ذا البغل قلط معنا





يا سلام عليك يا بو عبدالله




والبقره غايره منك يا قاموسه





تشوف حلقومه من هالصورة





شلال داخل الحديقة







النمر البنغالي المخطط والله انه شموخ صحيح

[دكتور بر]

الأسد ملك الغابه خرطي قبله تسدح وتبطح





بعدها توجهنا للعروض المنوعة للحيوانات


أبو عبدالله تحت خرطوم الفيل
بهذله وسعبل عليه وعععععععععع






ولا راح عنه ... شكله مذكورن له ان سعابيل الفيل فيها علاج





بعدها كان لنا لقاء مع عروض النمور






بس واحدن منها رقى وبغى يطب علينا في المسرح وخذ يا زعاق وصراخ ذا الحريم








ثم عروض هالدبابات اللي أزعجونا






من ضمن العروض عروض صيد للطيور وقد أعجبنا كثيرا لتدريبهم المميز للطيور
وهذا الطير يستعد للاقلاع لاقتناص فريسته






حضرنا بعده عرض الكابوي الذي كان التصوير فيه ممنوعاً ولكن العرض مميز ولقطنا هالصورة بعد العرض

[دكتور بر]

ثم توجهنا لحديقة الطيور اللي ما شاء الله ما أظن فيه طير في العالم إلا وهو فيها


صورة للخفافيش في الظلام






ثم التقطنا بعض الصور جوار الحيوانات المفترسة







بعدها توجهنا لشلال آخر الحديقة وهذا مدخله





صورة للشلال من الداخل






، ومن فعالياتها لكثيرة...عروض الفيلة...الدلافين...عروض النمور...عروض الكابوي...عروض الطيور...عروض الفقمة
وغير ذلك من الفعاليات الكثيرة غير حديقة الحيوانات اللي جلسنا ندور فيها في البداية...


مكثنا بها طيلة النهار ولم نعد للسكن إلا بعد المغرب مرهقين من دوار هالنهار كله ...

وإلى اليوم السابع قريباً إن شاء الله

[أبوعُمر]

رحلة موفقة

و

تقرير رائع

[مذخور]

تقرير جميل وصور روعة بارك اللة فيك ..

[الغزال الشارد]

ما شاء الله رحلة أكثر من رائعة وتقرير جميل
في انتضار باقي الصور

[جذآآآب]

تقرير رائع ويعطيك العاااافيه

وانتظااار باقي التقرير

[قيس عيلان]

تقريرك رائع يا دكتور

وسردك للمعلومات جميل

كما أشكرك على النصائح التي تسديها في ثنايا تقريرك

منتظرين يا دكتور

[اابوصالح]

ماشاء الله تبارك الله

رحلة موفقة وتقرير رائع والحمد لله على السلامة

[۩ أبو سعود ۩]

ما شاء الله

تقرير مصور رائع

تحياتي ؛؛؛

[العتين]

تقرير جميل وصور رائعة

[سموالكاشت]

والله مبدع يامبدع