سلااااااااااام
شف يا طويل العمر ان كانك راعي نفود و تطعيس واجد فهو ترا مهوب بالحيل ( مهوب لنه مهوب قوي لا .. بس انه ما يصبر انا اعرف اثنين معهم جراند شروكي واحد 99 و واحد 98 وكلهم قد حصلت لهم مشكله انه ينفصل الدبل و بعدين ما عاد يشبك ويصير له مشكله في الدبل نفسه في ذراع الي يشبك مع القير يصير مع الشب و العسف ) وبالنسبه لل gxr خذه وانت مغمظ وان كانك ترغب القير الاتماتيك ترا ال vxr افضل لانه 8 سلندر و بعدين لا تنسا ان الشروكي قطع غياره نار و صيانته متعبه ما كلاً يعرف له و فوق ذا كله وكيله زفت ( معليش على التعبير ) وبالنسبه للسفاري مهوب شين بس انه قطع غياره شوي غالي وكل النيسان كذا عموماً لكن عيبه انه يتفكك و يقرقع بعد فتره وبالنسبه للتحمل السفاري امياز ما فيه كلتشه ما يحتمي بسرعه لاكن الاند كروزر يحتمي اسرع والاند كروزر بعض المرات اذا احتمى الكلتش مره وصار يعني قديم شوي يصير ما يعشق الدبل الثقيل الا الين تخليه شوي يبرد .
انا من شقراء يكفيني هواها .. ويبري لوعني شربي لماها