๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏

[بدوي جنوبي]

احبتي اعضاء منتدى مكشات

السلام عليكم
شباب رحت لتشالنجر اليوم قالو لي يحتاج توضيب المهم انا ما اقتنعت المهم وامر على ترايستار قال الفلبيني الشايب ان القير ما فيه شي طبيعي وش السواة معهم الله يجزاكم خير تكفون اصدق تشالنجر ولا ترايستار واذا فيه ورش نفحص عندها لا تبخلون علينا

المشاركة الأصلية كتبت بواسطة ابو عبدالإله
، المهندس اللي في ترايستار طلع عيار

زيت القير وشمه قال لي هذا ريحته محترق احتمال فيه خراب داخل القير

المشاركة الأصلية كتبت بواسطة ابو عبدالإله

ابشرك ان الامور طيبه وديتها ورشه عندنا في صناعية الأحساء وعطيته السالفه كلها قال لي ابا افحص كمبيوتر قلت له انا فاحص من قبل عند ترايستار وقال لي غير حساس منظم الهواء وحساس الديلكو الخارجي وغيروهم ومافيه فايده قال لي اوكي انا ابفحص ثاني مره كمبيوتر وباذن الله بتنحل مشكلتك خليت الموتر عندهم واتصل علي العصر وقال لي لما فحصنا طلع لنا ان القطع اللي حطيتها شغاله اوكي لكن فيه مشكله ثانيه ، الكمبيوتر مايوصل كهرباء كافيه للقير وشيكنا الحساسات طلعت سليمه قلت له والحل قال لي عندك خيارين الاول وهو مكلف انك تغير كمبيوتر وهذا سعره اربعة الاف ريال قلت له والثاني قال نعمل إعادة برمجه للكمبيوتر Reset وهذا بيكلفك سبعمائة ريال قلت له ماتنزل لنا شوي قال هذي اسعار اللي يبرمجون واذا تبغا تعال خذه واعمل له Reset بنفسك عندهم وبنفس السعر وبعد البرمجه بإذن الله بيضبط موترك لكن مااضمن لك ، واذا ماضبط الله يعينك تنزل القير ونشوف وش المشكله لكن باذن الله بيضبط مع البرمجه قلت له توكل على الله وفعلا عملوا له برمجه ودق علي اليوم قال لي تعال خذ سيارتك المشكله انحلت وبالفعل اخذته والمشكله ماشاء الله تبارك الله ما كأنها كانت والحمدلله وانتهت فصول مأساتي

السلام عليكم ورحمة الله وبركاته
عندما قرأت بعض المواضيع التى تتعلق بمشاكل القير الاوتو
حبيت اكتب بعض النصائح :
اذا حصل اي خلل في القير وذهبت للورشه غالبا يقولو انه يحتاج للتوضيب
السبب البعض منهم ما يقدر يحدد العطل ،، فيغير كل القطع الداخليه من
كلتشات وتروس وحساسات الخ

صوره:




قد تكون المشكله فقط في حساس او انسداد داخل مجارى الزيت (بدى بلف) او
ما يسمى بمخ القير ،،

صوره:


صوره:



خذ واحد مثال لقير تعطلت السرعه الرابعه ..
صاحبنا يقول القير ما صار يغير السرعه الاخيره (الرابعه)
اول ورشه قالو ان القير يحتاج توضيب
الثانى : يقول عندك كلتشات السرعه الربعه محترقه تحتاج تغيير
الثالث : قال نفس كلام الثاني ،، لكن يقول نوضب القير بالكامل افضل لك
الرابع: يقول نغير ما يسمي بالمخ (بدى بلف )

صاحبنا ما شاء الله عليه مفتّح شوى وما اقتنع في كلامهم

المهم بعد كذا طب في صاحب ورشه فاهم وعنده ضمير وامانه
قال ياخي مشكلتك تكلف 340 ريال فقط قطع غيار وشغل يد

صاحبنا فغر وما صدق الامين
قال بغيرلك حساس السرعه الثالثه والربعه والقير بيضبط ان شاء الله
كلها نص ساعه والشغله منتهيه ،، فكو كارتير القير وغيرو الحساسات العطلانه
وصار منتاز ،،،

الشاهد
لا تستعجل في الحكم علي القير انه يحتاج توضيب كامل
وفيه بعض الدلالات اللى تساعد علي معرفه ذلك

خذ عندك مثال :
تدعس بنزين والسياره ثقيله او ما تقوم
اما يكون الزيت ناقص ،،، او طرمبة الزيت تحتاج تغيير

صوره:


كمان واحد ايقزامبل
القير يتاخر في التعشيق عند نقل العصا من الP الي ال D

صوره:




السبب قد يكون الزيت ناقص

صوره:



او الطنجره ضعيفه و
.تحتاج تغيير

صوره:

مثال :
تاخير في التغييرات الشغله كهربائيه بحته اما من الحساسات


صوره:

او من انسداد في المخ ،، والقطع الميكانيكه بتكون سليمه

الامثله اللى تدل علي ان القير ما يحتاج توضيب في بعض الحالات كثيره
ذكرت بعض منها


طيب لو ان القير فعلا يحتاج توضيب ،، وتوجهت لاي مركز خاص بالقيرات
وقال بنعطيك قير مجدد جاهز ساعه وتستلم سيارتك ،، طبعا بياخذو القديم .

ارفض ذلك ووضب القير اللي خاص بسيارتك ،،
لان قير سيارتك بيكون الاصلى والقطع اللي فيه اللي ما تتغير اصليه مثل العمود
ومجموعه التروس وعمود حامل الطنجره الخ ،،،

طبعا القير المجدد ممكن يكون منكسر فيه احدى الاعمده واستبدلوه بعمود تجارى
او يكون فيه ميول بسيط ويسبب رجه في السياره ،،
وهاتك تغيير كفرات وترصيص وغير عمود كردان ،، وبتخش في متاهات انت في غنى عنها ،،

وينطبق الكلام هذا علي السلف والدينمو والكمبرسر

هذا ما لدى واذا تذكرت شيئ ان شاء الله اضيفه
ومبروك عليكم رمضان
صوره:


وصلى الله علي محمد صفوة الخلق