๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏

[قصيماوي]

هلا بكم عند مشكله بقير كامري 2008 تماتيك اذا كنت امشي 120 وفوق اول مادعس بنزين القير يرجع لتعشيقة اللي قبلها يعني يعني كاني داعس بنزين بقوة وانا مادعست الا خفيف تكفون شوفولي حل لاني اوديها الورشة يقولون مافيها شي والعيال اذا ساقوا سيارتي يقولون القير فيه مشكلة

[فيصل مبارك]

والله ياخوان صار لي مشكلة في القير الاتوماتيك للفورتشنر طلع فيه فضاوه بعض الاحيان وخاصة مع الطلعات المهم رحت للصناعية القديمة وفريت كذا ورشة قالولي توضيب المهمة رحت لراعي ورشة قال المشكلة ومافيها برمجة قلتله اكثر الورش يقولوا توضيب قال معليك منهم رح لاقرب ورشة متخصصه في القير مثل جيركو وشلتها المهم رحت لجيركو وقلته المشكلة كذا وكذا قال نفحص كمبيوتر وفحصنا قال المشكل ومافيها بنغير الزيت والفلتر ويبغالك برمجة والحمدالله عقبها صار تمام له الحين 6شهور

[طير رماح]

الله يعينكم ياهل التماتيك

[أطلال نجد]

بيض الله وجهك وما قصرت ..
حقيقة معلومات هامة يجب الحرص والتنبه لها

شكراً لك

[سوبربان2011]

السلام عليكم يا اخوان يشرفني ان انضم اليكم واكون عضو في الرابطة.. ومن خلال متابعتي للمنتدى الذي فيه كثير من الفوائد وخاصة رابطة ملاك اليكون والسوبربان حبيت اسجل فيه واعرض عليكم مشكلتي وانشاء الله ماتقصرون.. انا شريت سوبربان 2011 دبل. تقريبا من شهرين بس ما ارتحت للموتر واحس فيه عيوب ميكانيكيه.. والمشكلة ألأولى اني اسمع صوت طقة اسفل الموتر والظاهر انها في القير والطقه تجي إذا كنت مخفف عندتقاطع اومخفف علشان بلف. طبعا بعد التخفيف بتدعس بانزين علشان تكمل...هنا لما ادعس بعد التخفيف ينتع الموتر شوي ويطلع صوت طقة واظحة تحت الموتر .. والمشكلة الثانية لما اخفف. طبعا الموتر يرد لنمرة اصغر وهنا لما الموتر يرد نمرة اسمع طقة مع نتعة بسيطة واحس ان القير يا خربان او ماهو منتظم.. وقلت لما اروح للتشييكة الأولى اعرض عليهم مشكلتي دامه ا تحت الضمان بس خايف يصرفوني او يلفون ويدورون وانتم عرفين الوكالات وصراحة كرهت الموتر وودي ابيعه وارتاح.. تكفون يا اخوان افيدوني وش الحل او وش نوع المشكلة هذي .. وسامحوني على التطويل.

[دعاسم]

مشكوووووووووووور

[odyessy-honda]

ياسلام عليك اخو بدوي كفيت وفيت وابدعت ربنا يحميك من كل مكروة ...
استفسار بسيط اخوي بدوي هل ينطبق كل هذي النصائح على الدفع الامامي مثل الهوندا الاوديسي
لاني بصراحة اكلت المقلب زي سلام عليكم وعند مين عند ترايستار
يقول انة وضبة وتمام التمام وانا اشك في ذلك
الان عند تعشيقة الرويس يطلع صوت ققررر بسيط
من ايش يكون هذا ؟
ارجو مساعدتي في هذا الموضوع
وتقبلوا تحياتي

[odyessy-honda]

قووووة شباب
ترى محد رد على موضوعي

[Mind]

شكر خاص لخوي بدوي جنوبي على مواضيعه الرائعه وفقك الله و الى الامام

[fza3]

ماشاءالله مبدع

[QW11]

شروكي م 94 اوتو غيرت كراسي مكينه وبعدها لما امسك الدركسون والسيارة شغالة وواقفة تحس ايدينك تنمل من الارتجاج خفيف حق المكينه ولما ازود دعسة البنزين شوي تروح ولما ترتاح المكينه يرجع وخاصة لماتعشق d وانت لسى ماسك فرامل تزيد شوي تحس فيها وانت جالس بالسيارة وش السبب تتوقعون ياشباب شي مزعج صراحة المشكلة ماصارت الا بعد ماغيرت كراسي المكينه مباشرة

[دل البحار]

السلام عليكم
مشكور أخوي بدوي جنوبي الله يبارك فيك

[ابوموسئ]

الف شكر لك على المجهود الطيب

[ابونوف]

بارك الله فيك اخوي بدوي على هذا الموضوع الرائع والجميل والمفيد
عندي جيب gxr 2004 المشكلة في الدبل الخفيف اذا طفيتة يطلع في طقة قوية وواضحة جدا او شغلتة . هل هي عادية او فية مشكلة ؟؟ واالف شكر

[حياة الشقا ..]

السلام عليكم
كيف الحال ؟ اخوي اولا الله يعطيك العافيه على النصايح ...
ثانيا اخوي انا عندي جيب باترول 1992 وقير اتوماتيك عندي مشكله في القير اذا شغلت السيارة وهي بالبارك اسمع صوت حاد واذا عشقت للريوس يروح الصوت واذا عطيته فاضي n يرجع الصوت واذا عطيته d يروح الصوت ومن امشي عليه يرجع الصوت ولغير الغيار الثاني يروح الصوت وديته للصناعيه يقولون من الحذاف ..... اتمنى منكم الافادة اقرب وقت ممكن .....؟ والله يجزاك بالخير يارب..