هل هناك حل لتغير رائحة وطعم التانكي ؟

[نشمي الحوطة]

السلام عليكم ..

يا اخوآن نبي حل للتانكي ..

طعمه مهب طبيعي يطلع طعم غريب ..

يعني ما ينفع نصلح به قهوة والا شاهي والا نطبخ به ..

فقط غسيل ..!

هل نلقى له حل ؟

والا نغيره ؟

[بواسامه]

وش معدن التانكي يالنشمي

[googl11]

بعد الكشته وانت راجع للبيت
وقبل ماتدخل الديره بشوي
جنّب عند اطرف شحنة رمل
وفض التانكي من الماء الين يبقا نصفه تقريبا
وحط شوي رمل بالتانكي يعني تقريبا 20% من التانكي
وادخل الديره مع ذكر الدعاء واتركه لمدة 3 ايام( ادوران )
وبعدين اغسل تانكيك واتركه مكشوف واول ماينشف صكه باحكام

[q8 فارس]

ركب فلتر كربوني

ونسي

[نشمي الحوطة]

بو اسامه
معدنه ستيل

قوقل 11
مشكور وان شاء الله يتم التطبيق

wooow
مشكور ع الرد

[كرفان]

السلام
هل يمكن تحديد الطعم أو الرائحة ،يعني ريحة صدأ مثلا

[نشمي الحوطة]

لا موب ريحة صدا ..

يعني الريحة مهب شينة لكنها مزعجة يعني ..

إذا طبخت فيها شاهي مثلا يخرب الطعم ..

[ابو صقر 111]

الايوجد دهانات خاصه للتوانك ولو كانت غاليه انا ركبت استيل وبعد سنه غير اللون وكبار السن يقولون ان السبب هو الكلور في الماء ويستخدمون الماء الطبيعي من البئر ولا يتغير طعم الماء في التانكي

[سوبر VTC]

و عليكم السلام و رحمة الله

تجيب كيسين ملح خشن سعره ب4ريال تقريبا

و تفرغهن بالتانكي و تعبيه ماء و تخليه اسبوعين تقريبا

همن تفرغه و تغسله بالماء

و ان شاء الله يروح الطعم و الصدا و النكهة

بعضهم يدهنه بزيت قار و يخليه حتى ينشف

ترى بعض الليات لهن طعم او حتى الحنفيات

موفق

[نشمي الحوطة]

و عليكم السلام و رحمة الله

تجيب كيسين ملح خشن سعره ب4ريال تقريبا

و تفرغهن بالتانكي و تعبيه ماء و تخليه اسبوعين تقريبا

همن تفرغه و تغسله بالماء

و ان شاء الله يروح الطعم و الصدا و النكهة

بعضهم يدهنه بزيت قار و يخليه حتى ينشف

ترى بعض الليات لهن طعم او حتى الحنفيات

موفق

الله مير يعطيك العافيه ..

لكن موب الطعم من اللي لأن الريحة فايحتن بالتانكي كلّه ..

لكن يبدو لي ان الملح فكرتن مهب شينة ..

والله يعطيك الف عافية على المرور يالغالي ..

ما قصرت

[ذيب عنيزه]

انا صارت معي نفس المشكله ولكن ألمنيوم فكيت التانكي وملئته صابون وغسلته يمكن خمس مرات وبعدا صرت اعيبه من خزان البيت واذا وقفت بالبر افتح الماء على شان أتأكد ان الصابون راح وتقريبا ثلاث مرات والحين زي الحلاوه اترك الماء اسبوع ولا يتغير

[سوبر VTC]

انا صارت معي نفس المشكله ولكن ألمنيوم فكيت التانكي وملئته صابون وغسلته يمكن خمس مرات وبعدا صرت اعيبه من خزان البيت واذا وقفت بالبر افتح الماء على شان أتأكد ان الصابون راح وتقريبا ثلاث مرات والحين زي الحلاوه اترك الماء اسبوع ولا يتغير

اخوي ذيب عنيزة

ياليت تذكر نوع الصابون للفائدة

صابون اريل مثلا

هل ينفع نظيف معه كلوركس

طيب اذا كان التانكي 80لتر

كم احط كرتون صابون تقريبا ؟

[نشمي الحوطة]

صح ..

ذكرتنا بشي غافلينن عنه ..

الحين الملح اللي تقول كيستين

تقصد بأي حجم تانكي والا لازم ابو 80 لتر .؟

( على فكرة .. وش صار على اصبعك الصغير عساو طاب إن شاء الله ؟ ) :d

[ذيب عنيزه]

اخوي ذيب عنيزة

ياليت تذكر نوع الصابون للفائدة

صابون اريل مثلا

هل ينفع نظيف معه كلوركس

طيب اذا كان التانكي 80لتر

كم احط كرتون صابون تقريبا ؟

انا استخدمت صابون تايد واستخدمة نصف عبوه سعر ريالين والتانكي كان 100 لتر

[عابر سبيل933]

ماقصرو الشباب فزعو بالحلول-ولكن انتبه بعد النظيف تعبي التوانك مياه تحليه هي خراب التوانك