أبي نصائحكم عن فراش البر..الخيمه الصغيرة......الرواق الصغير

[العمدة]

ومن وين أشتريهااااااااااااااااااااااااااااااااااااا


بالرياض

[اخو نورة]

السلام عليكم

هلا وغلا بالعمدة
بالنسبة للمعلومات الى طلبت بعطيك بعض المحلات الي تبيع ها اللوازم
1- الفراش
أ- فيه فراش قماش تنزاني والفرو الماني حجمة مناسب موجود عند محلات الرماية وقيمتة 550 ريال
ب- فيه فراش قماش تنزاني والفرو كوري وقيمته تتراوح مابين 250 - 290 وهذا موجود في الغرابي (سوق الخيام )
ج- فيه فراش قماش تنزاني ومن داخل مخمل يكون مثل لون جلد النمر وقيمته مابين 200 -220 ريال وهذا موجود في الغرابي (سوق الخيام )
د- فيه فراش قماش تنزاني ومن الداخل بلوستر وقيمته تتراح 100-150 ريال وهذا موجود في الغرابي (سوق الخيام )


بالنسبة للخيام افضل ماشفت الى موجود عند توافق للخيام بس فيه واحد من الاخوان في المنتدى يمدح خيمه مثل الكوخ موجوده في سوق الخيام مابعد شفتها والله

بالنسبه للرواق موجود وبكثره في سوق الخيام ومقاسات 5 متر او 9 متر واذا تبي تفصل على حسب مزاجك

وسلامتك يالعمدة

[العمدة]

تسلم على هالمعلومات الحلوة


سمعت انه فيه فراش رهيييب فيه شرشف غطاء يعني

تصك الفراش وتكون هناك شخال فتحه جهة الوجه للتنفس السهل

والله ماأدري بس ابي أفكاركم


وتسلم أخو نورة

[اتريكس فيستا]

اخي العمدة ولا يهون اخو نورة :
انصحك بعدم اقتناء فراش داخله فرو او اي قماش يقبل الرمل لأنه اذا جاه رمل لن تستطيع ازالته ورايح يتعب عيونك .
انصحك اذا لقيت فراش ( الدريويش ) فهو افضل فراش في نظري وسعره من 250 الى 290 ريال وهو متوفرعندنا بالقصيم .
وقد جربت عدة انواع من الأمريكي وهي جيدة ولكنها ضيقة .وعندي الأن فراش الماني شبيه بفراش ( الدريويش ) اللي ذكرته فوق ولكنه اطول منه قليلا وهو جيد للغاية وشكله جميل ( مشجر ) وقد اشتريته من محل الرماية بحدود الأربعمائة ان لم تخني الذاكرة .
وهناك فراش لا يعلى عليه وهو في نظري من اجود الأنواع وافضلها وهو فراش كندي وهو خفيف وواسع ولكن عيبه الوحيد سعره اذ يبلغ حدود الثمانمائة 800 ريال .
وعندي الأن فراش جيد للغاية ولكنه ايضا غريب للغاية اذ هو عبارة عن فراش بوليستر خفيف جدا اخف من البالطو الجلد وتلبسه لبس ويكون شكله مثل لباس البنشريين والعمال . ويسمى فرهول وانا لم اجربه حتى الأن ولكن اخي جربه قبل شهر تقريبا يعني في عز البرد في راس نفود ونام به لمدة اكثر من نصف ساعة بالليل ولم يحس بأي برد ويقول كأنه داخل غرفة دافئة .
ولكن عيبه انه ليس ضد المطر . وهو غير موجود في السعودية وجاء به اخي من المانيا بحدود 800 ريال .


امل ان اكون قد افدتك بشئ .

[رجال]

اعذروني اخوان اظن ان الارقام خياليه لا وفلكيه

والحل بكل بساطه تفصيل وعلى كيفك سواء فراش او رواق


الفراش كلها مطرحه من محلات الفرش و شراع من محلات الخيام وتخليهم يخيطونه مع بعظ مع سحاب اصلي .


ولا وش رايكم والتكلفه يا بلاش

[عاشق الصحراء]

الاخوه عيدكم بمبارك

الاخ (رجال):

عيدك مبارك ،شكرا لك على هالفكره الجيده و الاقتصاديه في نفس الوقت.

ولك التقدير.

[فهد الفراج]

الفراش اشتردريويش اما الرواق فصله من شراع تنزاني وحط مسافه بين المواصير متر

[كريزي نت]

فهد الله يفتح على قللبك وين انت شااااطح ههههههههههههه
الكلام اللي انت ترد عليه قبل 7 سنوات
بس حلوووووه ههههههههههههههههههه

[ابن دهيمان]

الفرش والخيام ألي اشتراها قد بليت وشراء جديده الحين !!!

هههههههههههه

الله المستعان ...