محلات الاواني بالرياض ؟؟؟؟؟؟؟؟؟؟؟؟؟؟؟؟

[khalaa2u]

السلام عليكم ورحمة الله وبركاته

كل عام وانتم بخير
مبارك عليكم الشهر
جعلنا الله واياكم من عتقائه من النار في هذا الشهر الفضيل

اخواني حبيت اعرف وين تجمع محلات بيع الاواني المنزليه بالرياض انا من الدمام وجاي الرياض يوم الاربعاء عندي شغل ومره وحده باشتري اغراض للبيت وهي اواني منزليه فيا حبذا تخبروني جزاكم الله بالخير

وعندي سؤال وش تجمع المحلات اللي في سوق الزل و في سوق الديره وفي اسواق العويس وش الفرق بين هالمناطق ووين تقع
ادري كثرت بالاسئله لكن تحملوني وجزاكم الله خير

[shabib288]

السلام عليكم ورحمة الله وبركاته

اخوي خلاوي كل عام وانت بخير والشهر عليك مبارك

عندك شارع السباله الوصف ( على طريق الملك فهد وانت باتجاه الجنوب اطلع مخرج الريس او مخرج المدينة المنورة عموما هو اخر مخرج على طريق الملك فهد قبل سوق عتيقه اذا انت تعرفه تتطلع المخرج وتروح يمين وبعدين اول اشاره يمين وبعدين برضو اول اشارة يمين ويعدين تمشي حوالي 200 متر تجيك المحلات على اليمين وعى اليسار ) اسعارهم ان شاء الله حلوه

[ابو عبدالملك 2]

حياك الله اخوي في العاصمة اللي احيانا نضيع فيها فكيف انت

الاواني عندك السبالة في الديرة وانت على طريق الملك فهد متجه جنوب يجيك مخرج طارق بن زياد والريس اطلع مع المخرج ولف يمين مع الاشارة (اذا رحت يمين هذا شارع الريس واذا رحت يسار هذا طارق بن زياد ) ثم تجيك اشارة ثانية لف يمين ثم تجيك اشارة لف يمين امش شوي تلقى حقين المواعين ويسمى السبالة

سوق الزل يجمع احذية واشياء تراثية وحقين العقل وبشوت وبخور وزل وتلقى محلات ملابس وشمغ

سوق العويس تجمع محلات كثيره من كل الانواع وانا ما ابخصه زين

سوق الديرة ما فيه سوق بها الاسم لكن منطقة الديرة وتضم اسواق المعيقلية والتعمير واشيقر وسوق الزل قريب منها مره

واذا تبي شي بعد امرني

بس ترى الدعوى زحمه موت لاتقضى في الليل عندك الصبح والعصر والا بتشوف الموت ماوصلت اللي تبي

[ابولولو]

الله يعينك علي زحمه الرياض ونصيه لبق موترك وخذ ليموزين ووفر وقتك وجهدك ابركلك من الزحمه والسواقين الي بعضهم يسابق الطير والله انا بالرياض وفيه بعض الاماكن زحمه اخذ لموزين وارتاح من المواقف وتصديم السياره وجهت نظري

[الكايف 1]

وعليكم السلام ورحمة الله وبركاته :
الله يبارك فيك ويجعلنا واياك من المقبولين
حياك الله بمحلك ولي طلب عندك
شرفنا وانت ضيفنا قبل كل شي
نبي تاريخ مجيئك لنقوم بضيافتك وخدمتك وترى نتشرف بذلك
عطنا تاريخ الجيه بس والباقي خله على الله مالك الى طيبة الخاطر
اخوة بالاسلام وزود عضو بالمنتدى الغالي
تكفى الله يرحم والديك .

[النمرالأليف]

يوجدمحل كبيرعلى طريق خريص وانت قادم من الشرق الى الغرب اسمه قصرالأواني عندمخرج رقم 26بعدساكوب500مترتقريباً
ويوجدعلى طريق المطاروانت قادم من الشمال الى الجنوب يوجدمحل كبيرايضاًاسمه السيف غاليري على مااعتقد
بين مخرج 12و13تقبل مروري ودمت بود

[سرهيد]

السلام عليكم

اكبر تجمع لمحلات الأواني هو ما ذكره الاخوان

شارع السبالة



وهذي الاحداثية حسب قوقل ايرث

24°37'27.61"شمال

46°41'57.47"شرق


تقبل احترامي

[رعد الصحراء]

مثل ما قالو الاخوان

شارع السباله لو تبي بالجمله عندهم وأسعارهم ممتازه وأكثر المحلات يشترون منهم

[الساطع]

أخي الكريم تحية طيبة وبعد
وزيادة على ماقالوه الإخوان أيضا فيه محلات حراج بن قاسم للأواني المنزليه فهي محلات كبيره جدا يوجد فيها جميع الأواني المنزليه وجميع الماركات العالميه وأسعارهم مناسبه جدا والمواقف مريحه وتقع هذه المحلات جنوب حراج بن قاسم مع المدخل الجنوبي وشكرا