بخصوص اغراض الرذاذ

[عزبة بر]

السلام عليكم
هلا بالاخوان
.....
يا ليت تقدرون تعلموني وين اقدر القى الليات حقت
الرذاذ الخاصة
وين يبيعونها وبكم سعرها؟؟
الله لا يحرمكم الاجر

[ابو شريف]

فى محل الزراعه

[الستانس]

مالي باسعارها

ولكن تلقاها عند حقين المسابح و محلات الزراعه

وان كاني منيب واهم فيه محلات حقت زراعه عند كبري الحراج في الرياض

انا متأكد ان فيه محلت زراعه ولاكن مدري وش يبيعون مبيدات ...ليات ... الخ... مدري وش اختصاصهم بالضبط

[shaheenshah]

يا عزبة بر الشهر عليك مبارك
تلقاها في شارع الريل في الرياض فيه محلات متخصصه بالاشياء هذي هناك

ورجاءاً لا تقولي وين شارع الريل فيه (تعرف الواحد صايم ويالله يناظر بعينه بس):d

[icom1969]

السلام عليكم ومبارك عليكم الشهر انا من الكويت شارع الريل وين فى بالظبط فى الرياض

[iase2000]

اخي الكريم
اولا كل عام و انتم بالف خير
الليات انواع زز
هناك نوع للضغط العالي و هذة تكون غالية و غالبا يركبوها المقاهي و الاستراحات الخاصة الكبيرة
النوع الثاني و هذا النوع الرخيص المتوفر منة نوعية صيني لكن لاعلم اين تباع و النوعية الامريكية تباع في ساكو 15 متر ب 44 ريال
اما الماتور خذ من عند سمنان الماتور + المحول 150 ريال مع ضمان سنة
يبقالك النحاسات الخاصة بالرذاذ وهذة تفرق من شركة لشركة حاليا مقطوعة عند ساكو لكن تلقا نوعية معقولة في نهاية شارع الملك عبدالله " شارع الحوامل " تلف يمين ثم ديور تلقاة يمينك
و يبقالك التايمر لان الماتور ما يتحمل يكون شغال على طول و السوق مليان من 45 ريال

[ابولولو]

فيه محل غرب اشاره المخدرات بالملز يعني اشاره بحرالعرب وانت ماسك الخدمه ووجهك جنوب بعد 200متر يجيك علي اليمين متخصص بالامور والاخ الكويتي وصف شارع الريل يجيك مخرج 16 ووجهك جنوب لف يسار ووجهك غرب انزل سيده الين يجيك اشاره الدوريات لف يسار من الاشاره ووجهك جنوب 2اشاره وقف شارع الريل وصلته يمين ويسار وخلك خريطه الرياض من اي مكتبه احسن لك وشهرمبارك للجميع

[عزبة بر]

مشكورين جميعا يا اخوان
الله لا يحرمكم الاجر

[عزبة بر]

يا اخوان تكفون !!
يا ليت تنزلون لي صور الاغراض مع اسعارها لاني محتاجها
الله يحزاكم خير

[عزبة بر]

يا اخوان محتاجها .. الله يجزاكم خير

[بن.حسن]

اخي عزبة بر

مر على برق الحيا

انا امس شايفهم عارضين

عند الباب جهاز رذاذ

للتجربة


----

[عزبة بر]

الله يجزاك خير ما قصرت