دعـــوة لأصحــاب محــلات بيع الصقور والخــبراء

[$عاشق الحرة$]

بسم الله الرحمن الرحيم

السلام عليكم ورحمة الله وبركاته

إخواني اصحاب محلات بيع الصـــقور والخــبراء في هذه المجــالات

ابي اسألكم عدت اسأله عسى الله انه يفيدنا فيها انا وباقي الاعضاء

اسمحوا لي بالإطاله لاكن مالنا إلا الله ثم انتم تحملونا

ايها ارخص الطيور قبل الموسم او بعد الموسم

وماهي اسعار الطيور الاتيه

الــحــر : بجميع انواعه

الشاهين : بجيمع انواعه

الوكري : بجميع انواعه

ومرة ثانيه اسمحولي على الاطاله لاكن مالنا إلا الله ثم انتم

تقبلوا فائق إحترامي

اخـــــــــــوكمــ /

عـــاشــق الحـــرة

[أبو رداد]

بسم الله الرحمن الرحيم

السلام عليكم ورحمة الله وبركاته

الاخ العزيز عاشق الحره ... بخصوص اسعار الطيور قبل الموسم او في بداية الموسم لاشك تكون اغلى من نهايته لكثره الرغبه والطلب عليها ...
اما اسعار الطيورفكل منطقه لها اسعار تختلف عن الاخرى والموضوع متروك للعرض والطلب... وانا لااعلم عندي باسعار الطيور في السعوديه... واعتقد انك لو سميت الطيور بشكل ادق يعني مثلا حر احمر قياس 17 انج طولx ز 17 انج عرض مع ذكر عمره (فرخ .. قرناس ...) .... لسلهت المهمه على الاخوان اصحاب المحلات مثل سنافي واعقاب وغيرهم من ذوي الخبره في بيع وشراء الصقور ...
وتقبل تحياتي ...

[سنافي]

الأخ / عاشق الحرة

هل تريد شراء طير ؟
هل تريد تفتح محل في سوق الطيور؟
هل أنت بصدد عمل بحث جدوى إقتصادي مثلاً ؟

الطيور وأنا أخوك ما تجي ( معلبة ) او في أكياس عليها أسعارها....... الطيور يا طويل العمر انواع وأشكال فيها طيور( فعل ) وطيور ( منظر ) وأسعارها على زين أفعالها وألوانها.

انت يا عاشق الحرة حدد سؤالك بطير معين وأبشر بالنصيحة والمشورة مني ومن الإخوان الأعضاء.

تحياتي.

[اعقاب]

وعليكم السلام ورحمة الله وبركاته

الاخ عاشق الحره

من الصعب تحديد الاسعار لاي نوع من الطيور

كما قالوا الاخوان من الطيور الفاعل ومنها الردي فمن الصعب تقدير

اسعارها

اضرب لك مثل كان هناك حر لونه عادي اشتراه صاحبه فرخ قرابة 7000

اشتريته بكر ب17000 وبعته ثنو ب30000 واخذه واحد من المعازيب ب100000

اما اذا اردت الاسعار التقريبيه لاي نوع فهذا يكون بالامكان

بالنسبه للحراللي لونه زين وفاعل تكون قيمته من15000 وطالع

الشاهين الصايد المصفي من7000 وطالع حسب طيبه ولحوقه

الوكري من 1500 وطالع حسب طيبه من رداه وبعظها مايباع حتى ب

10000 حسب علومه

مثل ماقلت لك من الصعب التحديد وانا حاظر اذا تبغي مساعده

[اعقاب]

السلام عليكم ورحمة الله وبركاته

نسيت الحر اللي لونه يمشي حاله

يبدا سعره من 5000 وطالع حسب علومه

[ابو عايد]

الأصل كُتب بواسطة اعقاب
وعليكم السلام ورحمة الله وبركاته

الاخ عاشق الحره

من الصعب تحديد الاسعار لاي نوع من الطيور

كما قالوا الاخوان من الطيور الفاعل ومنها الردي فمن الصعب تقدير

اسعارها

اضرب لك مثل كان هناك حر لونه عادي اشتراه صاحبه فرخ قرابة 7000

اشتريته بكر ب17000 وبعته ثنو ب30000 واخذه واحد من المعازيب ب100000

اما اذا اردت الاسعار التقريبيه لاي نوع فهذا يكون بالامكان

بالنسبه للحراللي لونه زين وفاعل تكون قيمته من15000 وطالع

الشاهين الصايد المصفي من7000 وطالع حسب طيبه ولحوقه

الوكري من 1500 وطالع حسب طيبه من رداه وبعظها مايباع حتى ب

10000 حسب علومه

مثل ماقلت لك من الصعب التحديد وانا حاظر اذا تبغي مساعده

[$عاشق الحرة$]

بسم الله الرحمن الرحيم

السلام عليكم ورحمة الله وبركاته

مساكم الله بالخير جميع ياخوان

انا طرحت الموضوع هذا على شان نستفيد منه جميعا

والحقيقه ياخواني انا رجال هواوي وصراحه الباشق اللي مسكناه اللي حطيت صورته

هو حمسني في الهواويه

فيا اخواني انا ساكن فالشمال الجو عندنا مايساعد على إمتلاك شيهانه بحريه

دورت ياخوان شيهانه جبليه والمشكله الجبلي مادري وش اسعارها

بالنسبه لمحلات البيع عندنا عندنا محل واحد

اللي فيه ( ثلث) قرناس ثاني ويبيه ب 10000 ريال وهو مايستاهل الطير

انا اللي ابي استفسر منه هل الاحسن اشتري انا ابي رخيص لأني لا موظف ولا شي

هل اشتري اللحين ولا بداية الموسم

وانا اللي ابيه يا خوان شيهانه جبليه

ياليت تقولون لي كم اسعارها وش احسن الفارسيه ولا الحلبيه ولا المصريه ... الخ ؟

وبالنسبه للأسعار عندنا ابي اوريكم مثال :





عندكم الشيهانه هذي إنباعت الاسبووع اللي فات ب 1100 ريال

هل تستحق هذا السعر


لكم مني فائق إحترامي

اخـــــوكـــمـ /

عــــاشـــق الـــــحــــرة

[اعقاب]

وعليكم السلام ورحمة الله وبركاته

مرحبا

الشاهين الجبلي يعتمد سعره على مقاسه وفعله اذا كان بيتي

اما اذا كان وحش يعتمد على مقاسه

اقصد الجبلي ابو راس احمر

اللي في الصوره شكله حول 13 انش وقيمته حول الحروه

[$عاشق الحرة$]

بسم الله الرحمن الرحيم

السلام عليكم ورحمة الله وبركاته

مساك الله بالخير اخوي عقاب

بالنسبه للشيهانه اللي بالصوره اللي شراها ب 1100 باعها ب 1400

ياليت ياخوي لو عندك صوره للشيهانه الجبليه تحطها هنا

ومادري انت مكتبك في الرياض ولا الدمام ؟

وبسألك الشيهانه الفرخ الكامله كم سعرها ؟

واسمح لي على التكثير لاكن مالنا إلا الله ثم انتم

تقبل فائق إحترامي ا

اخــــوكـــ /

عــــاشـــق الحـــــرة

[$عاشق الحرة$]

يخوان لي يومين انتظر محد رد علي ! ؟

[سنافي]

الأخ / عاشق الحرة

الطير اللي في الصورة

قرناس جبلي وهو اللي تدور عليه

أنصحك تشوف لك وكري قرناس ثالث او رابع .... طبعة زين ومصقور صقارةٍ جيدة وتعلم عليه حتى تتقن الصقارة ... وسعرة يكون تحت ( 2000 ) أما الشاهين البحري فأنصحك لا تقربة وهذا النوع من الشياهين يسمونة طير ابو ليلة .... يعني يمسي متعشي ما فيه إلا الزين .. وعند الصبح تلقاه تحت وكرة.

وإذا ما حصل الوكري فعليك بالشاهين الجبلي مقاس 14 عرض 13.5 طول ويكون صايد الحبارى والكروان ( شرط ) وطبعاً يكون طبعة زين وإن حصل طرح أبو عريش او الفارسيات يكون أفضل وكل ما صار لون الجبلي أحمر كل ما طاب فعلة وصقارتة بسيطة وسهلة وسعرة مناسب جداً أي من ( 2 - 4 ) آلاف
وفيه شاهين جبلي عند ( خالد الجهني ) بالدمام بالمواصفات السابقة إذا كان لك نظر كلمته عساه يبيعة

ومسموح في السعي ..... لخاطر مكشات والربع

[$عاشق الحرة$]

بسم الله الرحمن الرحيم

السلام عليكم ورحمة الله وبركاته

مساك الله بالخير اخوي ابو ناصر

والله ياخوي الدمام مشكله لاني انا بسكاكا

وإذا ابي اروح للدمام لازم اطلع للرياض ومن الرياض للدمام

يعني ماعندنا رحلات لمطار الملك فهد ترانزيت فهمت علي

دورة في سكاكا لين دخت على شيهانه جبليه ولا وكري مالقيت

بعدين وانا اخوك (2-4 ) الاف واجد علي مره انا لاني موضف ولا شي توني ادرس

فاهم الوضع وانا اخوك يعني لو اني موظف وراتبي فوق السبعه كان امر الله

لاكن الله يعيين

يقولون فيه سوق طيور في عرعر ابزرق اشوفه

لاكن ابيك تعطيني ادنى الاسعار للوكري والشاهين الجبلي على شان ماروح على عماها

وادري اني كثرتها عليكم لاكن تحملونا مالنا إلى الله ثم انتم

تقبل فائق إحترامي

اخـــوكــ /

عــــاشــــق الحــــــرة

[سنافي]

عاشق الحرة

السلام عليكم

سعر الوكري الزين من ( 1500 ) الى ( 2500 )

[$عاشق الحرة$]

مشكور يالذيب

وماقصرت

وتعبناكم معنا ياخوان

تقبلوا فائق إحترامي

اخوكم

عـــاشــــق الحـــرة