السلام عليكم جميعا أعزائي المكشاتية
اليوم جايب لكم طبخة من جد دماااااااااااااااااااااااااااااااااااااااار
وتحذير أنصحكم نصيحة لا تخش على الموضوع إلا بعد الفطور أو قبل السحور أو انك تكون ممن يستطيعون مقاومة اللذة ومنع الغدة اللعابية عندك من السيلان على الكيبورد أو أنك تقوم وتعض الشاشة <<<<<<أقول اخلص ولا يكثر هرجك
على العموم ما نطول عليكم هذه المقادير
دجاجتين من اللي يحبهم قلبك يكونو وزن 1000 وما فوق وان كانك تحب المزمزة خذلك فروج أبو 600
بهارات عبارة عن:
2حبتين بصل مفروم
- فصين ثوم مفروم أو مهروس
- 6ملاعق أكل زيت زيتون أو زيت سمسم
- 8 ملاعق خل قصب سكر (خل ابيض)
- ملعقتين صويا صوص المالحة
- ملعقتين كبار ملح
- م ك فلفل أسود
- م ك فلفل أحمر
- م ك بابريكا (فلفل أحمر بارد)
- م ك بودرة الثوم
- م ك بودرة البصل
وأهم شي يكون عندك كيس نايلون (كيس لحم) مقاس كبير شوي
صورة البهارات المستخدمة
طبعا تكون انت محضر لك شوي خضار مشكل ومقطع عبارة عن (بصل مقطع كبير - بطاطس - جزر - بازيلا) وتحط علهم شوية ملح وبس
صورة للخضار
نجي يا طويلين العمر للطريقة:
نخلط المقادير كلها مع بعض ونحط الدجاجتين بكيس النيايلون ونصب عليهم الخلط ونخلطهم زين الين يقولون أنا
وبعدين نحطهم في الثلاجة ابو ساعة أوساعتين ان كانك مستعجل وان كنت رايق حطها طول الليل
صورة للضحايا داخل الكيس
بعد ذلك <<<<<<<<<أحسن يا فصيييييح
نجهر صحن (بايركس) أو صينية فرن نوع (تيفال) ونفرش الخضروات فيها ونحط فوقهم الدجاجتين ونصب فوقهم التتبيلة ونحط كاس موية صغير (كاس كرافت الصغير حتى يكفي ويوفي) لأن الدجاج راح ينزل موية
للصورة للضحايا في طبق الفرن والكلمة الأخير لهم قبل دخول الفرن
طبعًا الفرن لازم يكون حامي قبل بوقت نحط الفرن على درجة 250 ونحط الصينة المغلفة بالقصدير واللي لازم نخرمها عشان البخار يطلع ويساعد على عملية الطبخ مدة ساعةونص
وهذه صورة من قلب الحدث
بعد الساعة والنصف نطلع الخضرة ونحط الداج عشان يتحمر بالحالة ونكون طبعًا جهزنا الرز الأبيض أو ممكن نسوي فيها اتيكيت وناكل بس مع الخضار وبشوكة وسكين خخخخخخخخخخخخخخخخخ
وهذه صورة نهائية للسفرة
ويارب تعجبكم وسموحة منكم على الاطالة
وسامحونا على القصور
وجعلة بالعافية على قلوبكم
15 نوفمبر 2015 - 16:514 نوفمبر 2015 - 21:27
 |
