الكشاح...يداهم خلية نحل..بالصور

[الكشاح]

السلام عليكم ورحمة الله وبركاته

أحببت ان اشارككم اخواني...مواضيعكم الجميله ومواقفكم الطريفه.واكتشافتكم الرائعة
وموضوعي اليوم كما جاء بالعنوان....الكشاح يداهم خلية نحل.....الحاصل

في مساء احد الايام رن جوالي . السلام عليكم؟ وعليكم السلام. ابو محمد؟ واذا بصوت الوالدة حفظها الله
شحالك؟ بخير الله يسلمك..وشحال العيال ؟ كلهم بخير ولله الحمد... الوالدة يا ولدي.... الكشاح لبيه
الحق بسرعه..سلامات وش فيه..؟ خابر الخليه الي في شجرة التوت..الحق عليها قبل ما تهرب.. تراها صارت كبيرة ويا خوفي تشرب العسل ولاتطير!!

الكشاح حاضر يا الوالدة دقايق وبكون عندكم في البيت..كان امر بيتي واخذ العدة وهي عبارة عن غطاء للوجه ومقص للشجر.وحذاء الله يكرمكم..وقفزات..ولباس غليظ...والكاميرا في المقدمه..وشوي وانا في بيت الشياب
وينها وينها.؟؟؟..هناك في شجرة التوت..طيب عندكم سلم ..موجود قربنا السلم جنب الاشجرة..لان الخليه كانت عاليه شوي..فبادرت بتقليم الشجرة..اي تقليم تكسير..وهذا في الصورة الاولى حتى ان قربت جنب الخليه..واعطيها الصورة الثانيه...واكمل عليها بالصورة الثالثه..وانا ذبحني الحرمن اللباس الغليظ.بعدها قمت وعلقت الكاميرا في احد فروع الشجرة.وقمت بإزالة الجزء السفلي من الخليه لانه يوجد به صغار النحل وحبوب اللقاح..ووضعته جانب امن ثم وجدت الخلية مليئه بالعسل..ياويلي على قرص الجمر..وبدء العسل بالتساقط بعد قطع الجزء السفلي ..كان الحق عليه بالسحله..وبديت بكش الذباب عن مكان العسل.بكل هدواء
مني طبعا ..لكن النحل صارت عنده طؤاري حالة قصوي..هجوم مفاجى..كان يفزعون كل الحاضرين ويدافعون ويلسعون لكن ..الكشاح عاطيهم جلا مشغول بجمع العسل..ومتلفف كني موياء..وبينما ان مشغول بجمع العسل بغيت اقص الخليه من اطرافها افضل علشان ..تكون سهله في تصفية العسل..صادفني عود غليظ شوي ما قدرت اقصه بالمقص يبيله ميشارة.. كان اقوم ابي اكسره ومعا جري للغصن اهتز السلم الي انا راقي عليه وكان اجيك انا والعسل والسحله على الارض...طاااااااخ..طبعا ما فيه احد جني يقولي سلامات..وينكب يا جماعة الخير نصف العسل بالارض..وينكب على الكاميرا وهي على فرع الشجرة..وسارت حالتي حاله ذيك اللحظه..والحمد سلمت انا والكاميرا ونصف العسل..والصورة الرابعة تبين كم بقى من العسل..المفاجئه..الي سارت اني حسيت بشي يتحرك في ظهري..احط ايدي عليه ما دريت الا بنحلة انتحاريه..كان تغرس ابرتها بظهري..والحمد لله اني ما قلت اي ي ي ... ما قلت أأأأأخ
وهذة نهاية قصاح الكشاح مع خلية النحل... وااسف على الاطاله

الصورة الاولى




الصورة الثانية



الصورة الثالثة



الصورة الرابعة

[ابولينه]

الحمد لله على السلامة , الى فكك من النحل بعد الطيحة لان قومت الخليه
اغلب الاحيان تكون شرسه , وعز الله انك تشجعت وداهمت الخليه الحالك
وهذا فيه خطوره , بس لو استعنت بخبير ونقلت الخليه في مكان مخصص
واستفدت منها على طول ,
وتسلم على الصور , والله يعوضك عن العسل الي راح

والسلام

[صقر]

الحمد لله علىالسلامة يالكشاح

وقرص الجمر يعوضك الله عنه

لكن ما قلت لنا بعد ما اخذف قرص العسل وين راح النحل هي بقي مكانه يبني خليه جديد أم غادر الى شجرة توت آمنة.؟؟؟

ما تشوف شر ..

وبارك الله فيك.

[الكشاح]

اخوي ابو لينه الله يسلمك من كل شر..والمشكله هذي الخلايا البريه مستوحشة بعض الشي و قليل ما تستطيع ان تنقلها... والله يعوضنا عوض خير

وتسلم على مرورك الكريم..

[الكشاح]

هلا باخوي ومشرفنا صقر

مشكور على مروك على موضوع اخيك المتواضع

وتشرفت بتوقيعك الكريم...
في البداية الله يسلمك ويسلم غاليك...ترى الطيحه بسيطه..ولكن الانسان دائما يتعلم

من تجارب الناس وتجاربه خاصة.. ما سمعت بمن قال يا ماشي درب الزلق لاتأمن الطيحه

وصارت عندي يا ماشي درب العسل لا تأمن الطيحه...

اما بالنسبه للنحل ابشرك انه ولله الحمد موجود في البيت اما بالنسبه للخليه المذكورة ما دريت عنها..وان طارت وحدة جت الثانيه..

ومن شجرة لشجرة.

واشكر حضورك

[راع الكحيلة]

موضوع طريف جدا
ومصحوب بصور جميلة

الله يثيبك على برك بوالدتك وها الطيحة بتلقى أجرها عند الله إن شاء الله.

[الكشاح]

اخي راعي الكحيله...هذا كله من ذوقك اخي الفاضل

واشكرك على مرورك المشرف للموضعي البسيط

والله يثبتنا جميع على طاعة

تقبل مني اجمل تحيه

[أبو يوسف]

مغامرة طريفة
وشغل عدل
والحمد لله على السلامة


مشكور اخوي على الموضوع ..... مع التحية

[أبو تركي القطامي]

الأصل كُتب بواسطة راع الكحيلة
موضوع طريف جدا
ومصحوب بصور جميلة

الله يثيبك على برك بوالدتك وها الطيحة بتلقى أجرها عند الله إن شاء الله.

[الكشاح]

تسلم بو هديل على المرور والتعليق

واتشرف بزيارتك

[هاوي مقناص]

الأصل كُتب بواسطة راع الكحيلة
موضوع طريف جدا
ومصحوب بصور جميلة

الله يثيبك على برك بوالدتك وها الطيحة بتلقى أجرها عند الله إن شاء الله.

[khald]

السلام عليكم
تسلم على الموضوع الجيد
واشهد انك ماقصرت فيهم

جلعتها من بكرة ابيها
ياخوي في شي اسمة سياسه
مش اقلع الوادي واللي فيه
تحتاج دورة مكثفة

وانصحك بقتحام الخلية في الليل
وتضع كشاف أو لمبه عن الخلية بحوالي
5 متر حتى النحل اول مايحس فيك ويطير يتوجه الى اللمبه وتفظالك
الخلية باللي فيها
هاي اللي اسويه وعلى فكره تاخذ الجزء الاسفل منها
واللي هو اكثر مايكون فيه البيض واليرقات
وترجع اتعلقه وبيرجع النحل عليه اول مايطلع النهار
ودمت سالم غانم محمود زكريا

[العنكبوت]

الكشاح ,, حمد الله على السلامه وبالعافيه عسلكم

بس ياحيي ودي اسالك ,, غطاء الراس من وين حصلت عليه ؟

وهل اقدر احصل ملابس متخصصه ؟ وليش ماستخدمت الدخان ؟

لاني مره لقيت بالبر بوسط فيضه بشجره سدر خليه نحل وحاولت

اخذه بس ماااش ماقدرت .

والشي الثاني هل يصلح ااخذ الخليه كامله بدون مايجيها شي

يعني اقص الجذع الي هي معلقه عليه وبالبيت امخمخ عليها ؟

وياليت اذا عندك اي معلومات عن الخلايا والاستفاده منها

اخوك العنكبوت

[الكشاح]

ابو الهنا القطامي ...تسلم على مرورك

وجزاك الله خير...


اخوي الخشف...بارك الله فيك وحياك الله

[راعي النحل]

الاخ الفاضل الكشاح...
صراحة انك مقدام ...تليية نداء الوالده ضروري بس مو بهذه الطريقه...
سم النحل اذا تجاوز حدود معينه يصبح خطر على جسم الانسان ...
في الحالات القادمه عليك بأهل الاختصاص ...
من شكل الصوره فقدت خليه قويه جدا ...ولم تحصل على عسل صافي ..
الله يثيبك على برك بوالدتك ...