رابطة ملاك باثفاندر الجيل الجديد

[فارس العمور]

السلام عليكم

بعد اذن صاحب الموضوع الاصلي الاخ/ massiri13
وهو احد ملاك هذه السيارة

وايضاً الأخ / المميز 2003

والاخ / SaM911

انا حبيت ادمج بعض المواضيع والنقاط والصور المنوعه لسيارات الاخوان وانطباعاتهم لتعم الفائدة

بالبداية نبداء بموضوع الاخ massiri13



ماشاء الله تبارك الله

نيسان باثفايندر SE1 2008

اللون فضي لامع

K12

السيارة من أول ركوب شعرت أنها مريحة جدا داخل المدينة والفضل يعود لنظام التعليق المستقل

والصرفية قليلة بحكمي وحكم زملائي المجربين


القير تروبتنيك وسلس لاتحس بتغييرات القير


تانكي الباثفايندر 80لتر ومقنع لمتطلباتي (يمشيني 450 داخل المدينة لين تولع اللمبة الصفراء)


أنا عبيت فل بنزين 95 (لقافه مع ان السيارة تأخذ 91)
وطلع عندي بالشاشه يوصلني لمسافة 531 كيلومتر (وقفت التعبئة لما طق الخرطوم وما حبيت أزود)



يوم الخميس الماضي طلعت طلعه خفيفة أنا وعائلتي
وقلت أبجرب الجيب في منطقة جبلية ورملية


المهم كان أهم شي أسرع بالسيارة على خط سريع والمكيف شغال
وكذلك أقيس صرفية البنزين


بعد التجرية :
السيارة ما شاء الله قوية وتعدي الرمال بدون حنة للمكينة
ولم أستخدم الدبل الثقيل ولله الحمد


إستهلاك السيارة للوقود حسب السرعة
سرعة 60 يستهلك 11 لتر لكل 100كم


سرعة 80 يستهلك 7.6 لتر لكل 100كم (أقل استهلاك للسيارة لاحظته هنا)


سرعة 100 يستهلك 9.6 لتر لكل 100كم


سرعة 120 يستهلك 12.3لتر لكل 100كم

التكييف فعال وذلك في عز الظهيرة


حساس ضغط الاطارت مثبت على 32 بار(وهي باردة)
ولما تمشي السيارة يزيد

وأعلى رقم سجلة عندما كنت على الخط ظهرا(3و30دقيقة) وصل لـ 36بار
على سرعة 130


ضغط المكينة ممتاز وبالكاد تشعر بتغيرات التروس
وصل الضغط لـ 2 على سرعة 120
والصرفية 12.3 لتر / 100كم




ولم أشعر بالمحرك ولا لأي صوت مثل قالوا بعض الشباب
بل بالكاد تسمع صوت المكينة



انا معي نفس السيارة والمديل والنوع بس اللون لا

هذي هي من الداخل (وين الي يقارنونها بالبرادو والفورتشنر والاكستيرا)



المكيف وما ادراك ماالمكيف <<< يزود
والله رووووووووعه وبـ 7 سرعاااااات وليس 4 او 5 !!
وللراكب تحكم خاص بالحرارة والسائق تحكم اخر
اما الخلفي فهنا التميز
يعني تقدر تتحكم بحرارته وقوته من عندك (فوق عند المراية) وتقدر وايضاً تحكم من الخلف مع ملاحظة !! انك تقدر تلغي التحكم من الخلف بضغطة زر( مايتعبثون البزران ) << لاتوجد حتى بالبرادو فل كامل



وهذي سيارتي من الخارج ..


هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 778x584 وحجمها 76 كيلو بايت .


والله السيارة من اروع مايكون طبعا المكينه والقير ماني متكلم عنها لاني بتعب من كثر ما اقول جبااااااااااارة وبدرررررررري على المنافسين يقارنون



السيارة توصل 195 تقريبا ثم تفصل (لاحظ ضغط المكينه اقل من 4 وهذي تريح الموتر وتخفض صوته)
طبعا ليست مثل بعض السيارات (تويوتا) اذا فصل العداد تحس ان القير انفرط
طريقة الفصله ممتازه جدا يعني تدعس زياده مايتأثر لاتزيد السرعه ولا شي كأنه فاضي (مادري كيف اوضح بس الي اجربها بيفهم كلامي)



الدبلات جربتها قووووووووويه ولا عليها كلام

النظام الصوتي جبااااااااااااااار جدا نقاوة هائله ويوجد مدخل لسلك الايبود او الجوال (95 -82نوكيا) <<<< خدمة قووووووووووووووويه

خذتها وظللتها عازل حراري 1800ريال عن كاركير ضمان 10 سنين وسويت لها حماية للوجه والمناطق البارزة بـ 2500 (بس فيه خصومات) ضمان 6 سنين

والحمد لله راضي عن السيارة بشكل كبيرررررررررررررر وانصح فيه وبقووووه ماهو من باب تعصب لا والله لكن تستحق الشراء !!

واانا تحت امركم بالمواصفات والي اعرفه

.




.




.




.





.
__________________