رابطة ملاك باثفاندر الجيل الجديد

[السيف س]

يا اخوان انا واجهتني مشكله بالهاند بريك (الجلنط) ما يمسك السياره خصوصا اذا كنت بطلعه(مرتفع) وبعدين ليش ما يفصل اتومتك
لاني دائم انسا افصله
ايضا اذا ضربت فرامل فجئه اسمع اصوات مزعجه من نظام abs حق البريك
ياليت احد يجرب يضرب بريك بقوه وهو مسرع /صوت غير مريح
(صوت حديد يضرب ببعض)

الجلنط رح للوورشه ويشدونه والاصوات المزعجة هذا مانع للانزلاق

[ابو محمد1991]

دخلوني معكم انا معي واحد 2008 se1
اسود

[فصاص]

السلام عليكم

هلا والله بالجميع

اخوي سلامي لكم مازلت في انتظار ردك بخصوص الورشه الي تركب بطاريه اضافيه

[ابوناصر426]

السلام عليكم

هلا والله بالجميع

اخوي سلامي لكم مازلت في انتظار ردك بخصوص الورشه الي تركب بطاريه اضافيه

ورشة السوافي، وهم يركبون البطارية تحت جنب الاستبنة، وانا ما انصح في هالمكان لانه خطر وقريب من تانكي البنزيم، وهذا رقم ورشة السوافي 2418838
وانا اتصلت بورشة الدفع الرباعي قال نركب لك بطارية اضافية، مكان البطارية الاصلية، قلت كيف، قال نجيب بطاريتين صغار في الحجم (لكن نفس قوة البطارية الاصلية)، ونركبهن جنب بعض، ونسلك لهن، وانا شفت سيارة مزينة عند الدفع الرباعي، بصراحة شغل ممتاز، صح انه غالي، بس ادفع غالي في شغل يسوى والا اروح اطقطقها عند واحد يمكن يلعب بابو الموتر، وتفضل هذا رقم ورشة الدفع الرباعي 4802885

واذا ركبت لاتنسى التقرير المصور

[ابوناصر426]

دخلوني معكم انا معي واحد 2008 se1
اسود

حيالله ابو محمد

[(ذيب المطلاع)]

>>>>>><<<<<<
>>>>><<<<<
>>>><<<<

[ابوناصر426]

>>>>>><<<<<<
>>>>><<<<<
>>>><<<<

وش السالفة

[ABUGHALA]

السلام عليكم
ويعطيكم العافية بالنسبة للكفرات انا مركب مكسس من 6 شهور ممتازة مرة احسن من كفرات الوكالة بمراحل وبالرمل زينة وبالخط ممتازة اسبوعياً الرياض- الدمام ماشفت منها خلاف ولا هيب عضلة مثل كفرات الوكالة ولا لينة مرة من الجنب مثل الهانكوك والدونلوب .
وسوالي لاهل الخبرة عن الكعكات وين القاها وين تركب وبكم.

والله يوفق الجميع

[(ذيب المطلاع)]

وعليكم الســـــــلام
بالنسبه للكعكات يسونها المخرطه المنيوم على حسب المقاس الي انت تبيه .

[(ذيب المطلاع)]

عندي الكفرات الحين صارلهم سنه ونص مدري اسافر عليهم ولا اغيره والاستبنه مشي حالك . والله يستر علينا وعليكم .

[ابوناصر426]

عندي الكفرات الحين صارلهم سنه ونص مدري اسافر عليهم ولا اغيره والاستبنه مشي حالك . والله يستر علينا وعليكم .

شوف يالغالي، انا مريت بتجربة عقبها عرفت كيف اتعامل مع الكفرات، سافرت مره على كفر له عندي سنة وثمان اشهر وضرب علي في الخط وستر الله علي كان الموتر بينقلب، عقبها صرت اغير الكفر كل سنة ونصف، والكفر اللي له اكثر من سنة ونصف مستحيل اسافر عليه، واذا انا ماعندي فلوس لتغيير الكفر اصبر عليه داخل المدينة حتى اغيره(اذا تجاوز سنة ونصف) ومستحيل اسافر عليه، الفلوس تروح وتجي لكن النفس غالية.

[(ذيب المطلاع)]

بيض الله وجهك يابوناصر

[فصاص]

السلام عليكم

انا استعملت الدنلوب في السياره الاولى (رحمة الله عليها)
كنت اغيرها كل سنتين ولا الاحظ عليها تحبيل ولا انبعاج والدعسه يكون فيها حول 40%

انا من الي ينصحون بدنلوب ,, وهالحين ابصبر على كفرات الباث حقت الوكاله فتره والظاهر ان اتجاهي للدنلوب

[(ذيب المطلاع)]

امس سالت عن الدنلوب يقول 425 ريال وكيله بن زقر
ويوجد اخر جايبنه من دبي مايمدحونه لانه ماعليه ضمان وارخص من الاول
اذا بغيت تعرف حق الوكيل تلقى عليه استيكر مكتوب عليه اسم الوكيل باللغه الانجليزيه والاستكر الثاني مقاس الكفر
اما حق دبي تلقى عليه استكر واحد مقاس الكفر فقط .

[(ذيب المطلاع)]

مطر اليوم اكيد محد حولي