رابطة ملاك باثفاندر الجيل الجديد

[برج العرب]

شوف يالغالي، انا مريت بتجربة عقبها عرفت كيف اتعامل مع الكفرات، سافرت مره على كفر له عندي سنة وثمان اشهر وضرب علي في الخط وستر الله علي كان الموتر بينقلب، عقبها صرت اغير الكفر كل سنة ونصف، والكفر اللي له اكثر من سنة ونصف مستحيل اسافر عليه، واذا انا ماعندي فلوس لتغيير الكفر اصبر عليه داخل المدينة حتى اغيره(اذا تجاوز سنة ونصف) ومستحيل اسافر عليه، الفلوس تروح وتجي لكن النفس غالية.

السلام عليكم ورحمة الله وبركاته

أولا يشرفني الإنضمام للرابطه

ثانيا الله يعطيك العافيه أخوي أبوناصر ، وكلام جميل عن استخدام الكفرات بالنسبه لي أقصى حد

لاستخدام الكفرات سنتين مهما كان نوع الكفر خصوصا إني أسافر كثير .

وغيرت كفرات الباث بعد استخدام سنتين بنوع هانكوك .

[(ذيب المطلاع)]

الا خ برج العرب
سمعت ان كفرات الهانكوك يحتر بالخط خاصا المسافات الطويله .
وكذالك انه لين مره طبعا بالنفود ممتاز ولاكن يقولون بعض الاحيان يفصخ من كثر ماهو لين

[ابوناصر426]

السلام عليكم

شخباركم ياشباب

ماشاء الله عليكم منشطين الرابطة

بالنسبة للكفرات انا افضل الدنلوب على الهانكوك لان الهانكوك لينة بزيادة ومثل ماقال ذيب المطلاع

الا خ برج العرب
سمعت ان كفرات الهانكوك يحتر بالخط خاصا المسافات الطويله .
وكذالك انه لين مره طبعا بالنفود ممتاز ولاكن يقولون بعض الاحيان يفصخ من كثر ماهو لين

وهذا الكلام معقول لان الكفر لين بزيادة وضعيف مع الجنب، يعني لو تمشي فيه بمنطقة صخرية احتمال ينشق.

[ابوناصر426]

كل عام وكل يوم وكل ساعة وانتم بخير وبمحبة وسلام

ابو ناصر

[بن محفوظ]

كم رابطة لللباث الجديد

واين رابطة ابو ناصر ؟؟؟

[ابوناصر426]

كم رابطة لللباث الجديد

واين رابطة ابو ناصر ؟؟؟

حيالله بن محفوظ

كل عام وانت بخير وبحب وسلام

فيه رابطتين شفتو اننا محنا سهلين، انا فتحت رابطة وبالصدفة عرفت ان فيه رابطة قديمة للاخ فارس العمور، وطلبت من الادارة تدمج الرابطة الجديدة اللي فتحتها مع رابطة فارس العمور لانها اقدم من الرابطة اللي فتحتها.

[ابو جوري 1]

كل عام و انتم بخير
اخواني تكفون من يدلني و الله يجزاه خير
شريت من فتره باثفايندر 2008 مستخدم
بس ما لقيت الكتلوج الاساسي
اذا فيه احد يدل لي موقع احمله او حل لأني ابي اعرف شويه شغلات بالسياره
و الاهم من هذا وش افضل زيت للمحرك
و الله يعطيكم العافيه جميع

[ابوناصر426]

كل عام و انتم بخير
اخواني تكفون من يدلني و الله يجزاه خير
شريت من فتره باثفايندر 2008 مستخدم
بس ما لقيت الكتلوج الاساسي
اذا فيه احد يدل لي موقع احمله او حل لأني ابي اعرف شويه شغلات بالسياره
و الاهم من هذا وش افضل زيت للمحرك
و الله يعطيكم العافيه جميع

بالنسبة للكاتلوج تقدر تحمله من موقع شركة نيسان بس ترى بيكون بالانجليزي، واذا انت تبي عربي مالك الا تصوره من احد او تمر الوكالة يعطونك واحد او يصورون لك واحد

وبالنسبة للزيت انا كنت اغير زيت نيسان، عقبه سالت الشباب قالو مايسوى ريال وقمت اغير زيت كاسترو 10 على 30 (كاسترو الاصلي مو المعاد تصنيعه)

[ابن صقيه]

كل عام وانتم بخير

ويسعدني بما أن الحديث هذه الايام عن الكفرات أن قدم لكم تقرير متواضع ومقارنة بين كفر الوكالة والدنلوب والهانكونك

قمت بهذا الاختبار قبل فترة بالتعاون مع أخوي العزيز أبو ناصر 426 وأخونا العزيز ابو سلطان


عموما وبشكل مختصر أنا سأقيم كل كفر من 10 على حسب تجربتي المتواضعة

* القودرتش *

( 265 / 70 / 16 : size )
( Treadware : 440 )
( Traction : B )
( Temperature : B )

( صورة دعسته معروفه )


* الهانكوك *

( 265 / 70 / 16 : size )
( Treadware : 550 )
( Traction : B )
( Temperature : B )

وهذه صورة دعسته :





* الدنلوب *

( 275 / 70 / 16 : size )
( Treadware : 360 )
( Traction : B )
( Temperature : B )

وهذه صورة دعسته :




______________


* قوة الفرامل *

القودرتش 9 من 10

الهانكوك 7 من 10

الدنلوب 8 من 10


* الهدوء *

القودرتش 5 من 10

الهانكوك 10 من 10

الدنلوب 9 من 10


* الليونة *

القودرتش 7 من 10

الهانكوك 9 من 10

الدنلوب 9 من 10


* الأسعار والتركيب *

القودرتش ( غير معروف ) ويركب على جهة واحدة فقط

الهانكوك سعره ( 370 ) ويركب على الجهتين

الدنلوب سعره ( 430 ) ويركب على الجهتين


* الخلاصة *

( كفر الوكالة / القودرتش )

يتميز فقط بقوة فرامله ويعيبه عدم الهدوء والصوت العلي في المنعطفات وقاساوته فهو لا يصلح الا للـ off road


( الهانكوك )

يتميز بليونته وهدوئه ويعيبه ضعف فرامله و صغر دعسته وعدم مناسبته للمناطق الصخرية كما أن دعسته تستهلك سريعا بالرغم من أن الـ Treadware فيها عالي


( الدنلوب )

يتميز بليونته المتوسطة وهدوءه وفرامله جيده وعيبه هو أن دعسته تمسح سريعا مثل الهانكوك



* قناعتي الشخصيه *

يوجد كفر دنلوب غير النوع الذي تم اختباره ومعلوماته هي :

( 265 / 70 / 16 : size )
( Treadware : 360 )
( Traction : A )
( Temperature : B )
( الدعسة مختلفة وأجمل من الكفر الذي تم اختباره )

تلاحظون الـ Traction في هذا الكفر عالي بمعنى أن الفرامل فيه متميز وتماسك الكفر في المنعطفات والأماكن اللزجة ممتاز

وأعتقد أن هذا الكفر هو الاختيار المناسب



شكرا لكم وأعتذر عن التقصير وقلة الصور

[ابو جوري 1]

ابن صقيه
الف شكر على التقرير الرائع
و الله يعطيكم العافيه جميعا

* قناعتي الشخصيه *

يوجد كفر دنلوب غير النوع الذي تم اختباره ومعلوماته هي :

( 265 / 70 / 16 : size )
( Treadware : 360 )
( Traction : A )
( Temperature : B )
( الدعسة مختلفة وأجمل من الكفر الذي تم اختباره )

معلومات جميله بس السؤال هل انت مجرب هذا النوع و ياريت اذا فيه مجال نشوف صوره للدعسه
ولك جزيل الشكر

[ابن صقيه]

^^^

أنا ما جربته ولكني ناوي اشتريه بإذن الله

[صياد مبتدئ]

الان يجي دور صنفره بقايا اللحام وأخد الشكل النهائي قبل الصبغ




وهذ الشكل النهائي بعد رش البويه




وهذ الصوره النهايه بعد التركيب.




وسلامتكم
http://www.assayyarat.com/forums/sho...86#post1995486

ما شاء الله لا قوة إلا بالله

مجهود رائع و موضوع كامل و الكامل وجه الله

يعجبني الشباب اللي يشغل راسه و يشتغل بإيده

الله يجزيك الخير على هالموضوع اللي قمة في الفائدة و يجعله في ميزان حسناتك

[ابن صقيه]

^^^

حياك الله أخوي بشار ونتشرف بزيارتك لرابطتنا العزيزة

[f_u2002]

مرحبا وسهلا فيكم



انا اتشرف بانضمامي للرابطه

ولكم مني جزيل الشكر


عندي كم سؤال؟

انا توني شاري باث فندر 2006
احس انه صوت المكينه عالي شوي هل هذا شي طبيعي...؟وما السبب؟؟

فلتر المكيف متى يتم تغييره؟؟؟ ولكم جزيل الشكر والعرفان

[ابوناصر426]

مرحبا وسهلا فيكم



انا اتشرف بانضمامي للرابطه

ولكم مني جزيل الشكر


عندي كم سؤال؟

انا توني شاري باث فندر 2006
احس انه صوت المكينه عالي شوي هل هذا شي طبيعي...؟وما السبب؟؟

فلتر المكيف متى يتم تغييره؟؟؟ ولكم جزيل الشكر والعرفان

حياك الله
ومبروك الباث
بالنسبة لصوت المكينة عادي، وبالنسبة لفلتر المكيف انصحك تغيره بما ان سيارتك موديل 2006، انا سيارتي 2007 وغيرته قبل كم شهر.