رابطة ملاك باثفاندر الجيل الجديد

[صبري الجوكر]

تعقيب على موضوع فصل التركشن بعد عدة بحوث ومحاولات وجدة طريقة وقم بتجربتها شخصيا في فصل التركشن وكانت
الطريقة فعالة 100% وهي لو تفتح الكبوت تشوف علبة زيت الفرامل العلبة متصل فيها فيشين فيش من الجنب وفيش من تحت الفيش الكبير الي من تحت لو تفصله يفصلك نظام التعليق كامل بما فيها التراكشن ومانع الإنزلاق .
وتقدر متى ماحبيت تطاعس طال عمرك افصله بس ولا قضيت رجعه كما أنه في بعض الأخوان ينصحون بعمل فيوز وفاصل بحيث يكون عندك داخل السيارة متى ماحبيت تفصله أو تشبكه لكن عن نفسي ما احب اللعب بالكهرب نهائيا .
نقطة أخيرة للتذكير وقت تفصل الفيش تكون السيارة طافية طبعا ولما تشغلها راح تلاحظ إنها اشتغلت لمبة التراكشن ومانع الإنزلاق وبرضوا لو توصل الفيش والسيارة شغاله راح تلاحظ أن اللمبة مازالت شغالة لكن بمجرد إنك تطفي السيارة وترجع تشغلها تلاقي كل شيء تمام وعلى مايرام .


أتمنى إني اكون افدت من إحتاج إلى هذي المعلومة .وتقبلوا تحياتي

[صقر الجوارح]

السلام عليكم ورحمة الله احببت ان اشارك وان افيد هذه الرابطه المباركة

ومشاركتي احببت ان اجمع لكم اكثر التساؤلات والاجابات الوافيه من الاخوة

بداية الخير قطره

مشاركة الاخ مواسي الطعوس
لاعدمنا الفوائد!!!!!!

عندي مشاركه بسيطه معكم وهي طريقة صيانة السياره وانت عند البيت وهي :

1/افتح السويتش (يعني تولع لمبات الطبلون) ثم اطفه بدون نزع المفتاح
2/ اضغط الزر الموجود على الحاجز بين الغمارتين 10 مرات
3/ ولع السوتش بدون نزع المفتاح (تسمع بوري قبل مايبداء بالفحص..كانك قافل الموتر بالريموت) بعدها يفحص الموتر نفسه (كل الكهرباء)

**********************************

لالغاء الصوت عند فقل السياره بالريموت اتبع:

1/ افتح الموتر بالريموت
2/ اقفل الموتر بالريموت ..ولاترفع اصبعك عن الزر ثم اضغط معه زر الفتح لمدة 4 ثواني تقريبا

يلتغي الصوت....لاعادته افعل كما سبق


والباقي بالمشاركات القادمه ان شاء الله

تسأل من الاخ سليطين
انا اطلب زيت قير تماتيك للباث2006 قال الوكيل مانبيعه ولايوجد لة فلتر قير ...
فقط نغير عندنا بالوكالة لان زيته يختلف عن جميع الزيوت ....
ياجماعه هل الكلام هدا صحيح ولالا ؟؟؟؟؟؟؟
الجواب من الاخ2008
بالنسبه لزيت القير لايوجد الا في الوكاله فقط او في محلات ون ستوب لانه زيت مخصص لاتحط من البناشر يخبط القير على طول انصحك روح بسرعه وحط زيت اسمه جي متك ولايوجد الا في الوكاله او في محلات ون ستوب التابعه للحمراني



مشاركة اخونا فهد ابو يزيد
صباح الخير للجميع---- بالنسبه لمكيف الباث فيه طريقه لتنظيف فلتر المكيف--بس هذه الطريقه يجب المداومه عليها باستمرار وهي كالتالي---- اذا جيت تطفي المكيف افصل الكبرسر فقط واترك المروحه تطرد الهوا البارد حتى يطلع الهواء الحار العادي--- يعنى هوا مروحه :لان الهوا البارد المتبقي في المواصيريتحول الى ماء ويترسب في فلتر الهواء مع الغبار الداخل ويكون مثل الطين وهذه من اسباب تجمع الاوساخ-- ملاحظة-- يجب اطفاء الكبرسر قبل اطفاء السياره بحوالي ثلاث الى اربع دقائق
صباح الخير للجميع---ننبه اليوم ملاك باث2007 لمستخدمي الدبل بعدالانتهاء من التطعيس وعند فصل الدبل لايفصل ----- العمل في هذه الحاله وضع التعشيق على الريوس والرجوع قليل ثم الى الامام ---بهذه الطريقه يفصل الدبل معك------- تحياتى للجميع



مشاركة اخونا نفود الطوقي
فائدة وتنبيه
لكن يجب التنبه أن تلبيسة الطبلون
لا تصمغها بالطبلون ، بل خل العامل يركب تلبيسة الطبلون بالكبس
لأن الصمغ بيخرب عليك الايرباق
والله يوفقنا واياك
توضيح من ابو ناصر
بالنسبة للزيت الباثفاندر فهو كالتالي
4 علب+ثلثين علبة (بدون سيفون)
5علب+ربع علبة (بالسيفون)
استفسار من احد الاخوه
الله لا يهينكم عندي اسفتسارات

انا معاي باث فندر 2006 se

عندي لنبه والعه في الطبلون يسار لونها اصفر زي علامة التعجب (!)

ولنبة الايرباق تأشر دائم

وعندي ابي اركب مساعدات وسعرها بالوكاله 480 ريال للواحد

ودي اعرف المساعدات الاستراليه كم سعرها عند الرمايه افيدوني جزاكم الله خير

اللمبة الصفراء اللي فيها علامة تعجب تعني أن في أحد الكفرات أو كلها ضغط الهواء فيها أقل من 35 أو أن أحد حساسات ضغط الكفرات لا يعمل

ولمبة الايرباج لها طريقة برمجة تسويها أنت بنفسك ويمكن تلقاها مكتوبة بالكاتلوج

وهذه طريقة البرمجة وهي من إعداد أخونا المبدع بدر في رابطة الباث بمنتدى السيارات :

أغلب السيارات ماراح تنحل الا عن طريق جهاز (Scanner) يقوم بتصفير (Reset) للكمبيوتر
النيسان والانفينيتي لهم طريقه تصفير تعمل بشكل يديوي ... اذ ماتفع لازم تروح لآي محل في جهاز السكانر
طيب ابي تمشي معي خطوه خطوه بشكل دقيق جداً واكرر بشكل دقيق

أولاً: حرك مفتاح التشغيل من وضع السكون (Off) الى وضع الاستعداد (Acc) راح تولع جميع اللمبات في الوحه الوعرض (الطبلون) ابي تركيزك يكون على لمبه الكيس الهوائي فقط

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 700x403 وحجمها 54 كيلو بايت .


المبه راح تضل شغاله لمده سبع ثواني فقط بعدها راح تطفي اذ النظام سليم أو توشر اذ فيه خطاء بالنظام.
عند اول ما تبدأ اللمبه تأشر رجع مفتاح التشغيل بسرعة الى وضع (Off) ...
وعد من ( واحد الى خمسه ) اي خمس ثواني تقريباً
كرر العمليه ثلاث مرات فيه هذ الحاله يكون جهاز (كمبيوتر) الاكياس الهوائية عمل دوره فحص كاملة.
بعدها شغل السياره وراح ترجع الامور طبيعية إن شالله

بالنسبة للمساعدات تحصلها عند الرماية
بـ 750 للطقم
فائدة يجب التنبه لها جيداjust 4 u
الرديتر غيرته لانه دخل موية الرديتر على القير وهذا عيب مصنعي في الرديتر وانت وحظك يايمشي معك كويس ولا يخلط عشان كذا اقولك افصل ليات القير من الرديتر حق المكينة لان العيب فيه ووصلها بالمبرد حق القير الخارجي ويكفي لانه كبير
المرواح صوتها كذ طبيعي اما الحرارة الامريكي تجي كذا السعودي تكون على الربع وانا عندي على الربع لاني مركب البلف حق السعودي والرديتر حق السعودي بس مادام مافيه اي مشكلة في الحرارة لاتغير شي سوى فصل الليات الانه ماتدرى يمشي معك ولالا والعطل الي لوخلط عليك لاقدر الله تكلفة عالية جدااا وفصل الليات عند ابوابراهيم ب50 ريال فقط وبدون اي مشاكل
وبالتوفيق

[BBC]

السلام عليكم

من يعرف ورشة متخصصه في الدبلات بالرياض

[ابوشهاب 2]

السلام عليكم
عندي باثفندر 2006 من سنة اشتريتها والحمد لله الامور بخير غيرة طقم اطارات بريجستون2012 الاسبوع 32 2400درهم والحمد لله
يلي حاب اعرفوا انوا انا ماشي حوالي 25 الف كيلوا على السيارة والمالك القديم لم اساله متى غير الفحمات
سوالي كيفية معرفت انو لازم غير الفحمات وماهو العمر الافتراضي للفحمات

[ررراشد]

السلام وعليكم ورحمة الله

انا محتار بشراء سيارة
كنت مقرر اشتري برادو تويوتا بس لما شفت مواضيع كثيرة عن سرعة انقلابة تراجعت
وجيت اشتري اكسبلور ولقيتها ورق ما تستحمل وانا انسان رجلي حارة
وفكرت اخذ الباث فايندر ووجدت 2012 عند وكاله ايرو ستار وسعرها 140000
فل كامل.اعتقد لانها قير اتوماتيك وفتحة واربع شاشات
ومحتار اخذها ولا لا واتمنى تشورون علي بسرعة لاني عصر.اليوم بدفع عربون السيارة
وسمعت ان.2013 تغير شكلها جذريا هل بتنقص قيمتها كثير عند نزول الموديل الجديد

اتمنى تشورون علي اخواني

[بائع الحوض]

أخوي راشد

وعليكم السلام ورحمة الله وبركاته

انا شريت 2012 SE ابيض من العيسى بسعر 124،600

دبل + شاشة شد بلد + كاميرا +مكيفين وبقية مواصفات الـ SE

جاء معه هدايا قسيمة شرائية بقيمة 3 آلاف ريال من ألكترو للإلكترونيات
وايضا عازل حراري من شركة لومار الشهيرة
وايضا سنة كاملة صيانة مجانية وتغيير زيوت

يعني طلع علي الموتر بـ 119 ألف تقريبا

فرصة ذهبية لا تفوتها والجديد 2013 تغير جذريا وغير مناسب للبر حسب ما قرأنا من مواصفات .

[مشاري الصخري]

صبحكم الله بالخير
يا الوجيه الطيبه
يا الربع ابي مشورتكم ورايكم في البايث
من٢٠١٠ ونازل
لاني ودي اخذ واحد بس والله محتار وما ابي سياره
تغثني و تطلع البرجين الباقيه في راسي
انا مجرب الجيل القديم و في نظري انه ممتاز
بس العيال كبروا وابي سيارة وسيعه شوي
وتخبرون طلعات بر وكذا
قرات ان المبر يخلط ميوه مع القير وغيره
بس بالله عليكم
تنصحوني فيه ولا احد يبخل علي
اهم ما عندي انه يكون فيه مكيف خلفي
تكفون يالرع تكفون الجود
ابي عيوبه ومميزاته
طبعن الاستخدام ما عندي الا مكده ولاعن ثوه
انتظر مشاركة الجيع
وناسف علي الاطاله

[مشاري الصخري]

ايه ابي استفسر
عن المساعدات الاماميه هل هي
راكبه مثل الجيل القديم علي الرفرف
والا علي الشاش
وحبذا لو احد يصورها و يورينا شكلها
ودمتم

[aburyyan]

صبحكم الله بالخير

يا الوجيه الطيبه
يا الربع ابي مشورتكم ورايكم في البايث
من٢٠١٠ ونازل
لاني ودي اخذ واحد بس والله محتار وما ابي سياره
تغثني و تطلع البرجين الباقيه في راسي
انا مجرب الجيل القديم و في نظري انه ممتاز
بس العيال كبروا وابي سيارة وسيعه شوي
وتخبرون طلعات بر وكذا
قرات ان المبر يخلط ميوه مع القير وغيره
بس بالله عليكم
تنصحوني فيه ولا احد يبخل علي
اهم ما عندي انه يكون فيه مكيف خلفي
تكفون يالرع تكفون الجود
ابي عيوبه ومميزاته
طبعن الاستخدام ما عندي الا مكده ولاعن ثوه
انتظر مشاركة الجيع

وناسف علي الاطاله

**

هـــــــــــــــلا وغـــــــــــــلا

الباثفايندر

أنا أستخدم موديل 2006 إستخدام أمريكي وأخذمعي فترة طويلة

ماشاءالله سفروبرماعليه ملاحظات

وبعده فكيت 2010والآن معي والحمدلله ممتاز

حتى الصيانة مامريت الوكالة ولا أحتاجهم إن شاءالله

يبي يكمل 3سنوات ،، وأسافر عليه دائما ...

ومريح بالطريق .. وكأنك تسوق سيارة صغيرة

الله يوفقك

[مشاري الصخري]

**

هـــــــــــــــلا وغـــــــــــــلا

الباثفايندر

أنا أستخدم موديل 2006 إستخدام أمريكي وأخذمعي فترة طويلة

ماشاءالله سفروبرماعليه ملاحظات

وبعده فكيت 2010والآن معي والحمدلله ممتاز

حتى الصيانة مامريت الوكالة ولا أحتاجهم إن شاءالله

يبي يكمل 3سنوات ،، وأسافر عليه دائما ...

ومريح بالطريق .. وكأنك تسوق سيارة صغيرة

الله يوفقك

يعطيك العافيه اخويبس انا صرفت نظر عنه خلاص من الاسباب الا
خلتني اغير راي فيه صراحه رابطكم بالحيل ميت
اما عاد القديم شاهتي فيهم مجروحه
اشكرك اخوي و سلام عليكم

[إ المطرودي]

السلام عليكم
اللي يبي مساعدات لباب الشنطة جديدة وكالة موجود عندي سغرها بالوكالة 580 وعندي 430 باكياسها مافكت والموجود اربع اطقم

[فارس الديار1]

معي باثفندر 2009 هل يوجد محل بالقصيم يقوم بفصل الاديتر عن الجرابكس لان احد المحلات المختصة يقول لابد من تغيير الاديتر وتغييرة يكلف 3000 ريال وتغيير الزيت حق الجربكس حول 1000 وبعد الخصم الاجمالي 3500 والشباب قالولي فيه واحد في الرياض يقوم بالفصل اسمه ابو ابراهيم والمجموع 190 ريال . هل يوجد في القصيم ورشة مختصة بهذه الشغلة ارجو الافادة

[ابوعبدالله البدراني]

الله يجزاكم خير
ياليت من لديه سياره باثفيندر ٢٠١٢ او ٢٠١٣ وفيها ملاحه ينسخ لنا cd

[ابوتركي83]

السلام عليكم ورحمة الله وبركاته
اخواني ياليت اللي يعرف ورشه متخصصه تربيط للباثفندر في الغربيه يدلني عليها عندنا باثفندر 2002 ونبغى نسويله صيانه وتربيط
والله يحفظكم ويرعاكم

[ابوعبدالله البدراني]

الله يجزاكم خير
ياليت من لديه سياره باثفيندر ٢٠١٢ او ٢٠١٣ وفيها ملاحه ينسخ لنا cd
لأنه غير متوفر لدى الوكيل ولايوجد له نسخه في السوق ولايمكن تحديثه يعني نشبه