رابطة ملاك باثفاندر الجيل الجديد

[ابوناصر426]

يا اخوان من يقدر يفيدني وين افضل محل تلبيس ارضيه و طبلون للباث 2008 في جده
وش افضل مقاس في البلاستيك 5مل او 3 مل
و الف شكر

ماعندي خبر، يجيك الخبر من اهل جدة

[ابوناصر426]

صباح الخير للجميع---- بالنسبه لمكيف الباث فيه طريقه لتنظيف فلتر المكيف--بس هذه الطريقه يجب المداومه عليها باستمرار وهي كالتالي---- اذا جيت تطفي المكيف افصل الكبرسر فقط واترك المروحه تطرد الهوا البارد حتى يطلع الهواء الحار العادي--- يعنى هوا مروحه :لان الهوا البارد المتبقي في المواصيريتحول الى ماء ويترسب في فلتر الهواء مع الغبار الداخل ويكون مثل الطين وهذه من اسباب تجمع الاوساخ-- ملاحظة-- يجب اطفاء الكبرسر قبل اطفاء السياره بحوالي ثلاث الى اربع دقائق

انا افضل انك تغير فلتر المكيف

[ابوناصر426]

ابو ناصر انا وراك وراك هنا وفي منتدى السيارت بس هناك باسم ثاني (دورني عاد )

اخوي ذيب المطلاع

ياليت تفيدنا عن اليايات الاستراليه الي انت مركبهن (رقم القطعه و الارتفاع)

انا معي باث 2009 وودنا نستفيد منك

ابو ناصر ان قلت لي كعكات ترا ابتفاهم معك

ترى ابو منار (في الرابطة الثانية حقت منتدى السيارات) مركب له ياي استرالي، ويقول انه رفع الموتر رفعه مهيب سهلة، يقول ماتقدر تركب السيارة الا بسلم المهم الرجال ودا سيارته للورشة قامو قصو من الياي لفة او لفتين، ونزلت السيارة بارتفاع مقبول، بس صارت السيارة قاسية كانها شاص، اسأل ابو منار ويقول لك كل شي.

بس انصحك في الـ ك ع ك ا ت

[نفود الطوقي]

يا اخوان من يقدر يفيدني وين افضل محل تلبيس ارضيه و طبلون للباث 2008 في جده

وش افضل مقاس في البلاستيك 5مل او 3 مل
و الف شكر

انا ملبس الموتر الباث الجيل الجديد
تلبيسة أرضية ـ بالرياض بالغرابي عند محل السماعيل
ب 250 ريال
أما السماكة صراحو أني ناسي كم سماكته لكن أتوقع أنه كل ما كان أسمك صار أحسن

ولبست الطبلون من محل جنبه ب 50 ريال
لكن يجب التنبه أن تلبيسة الطبلون
لا تصمغها بالطبلون ، بل خل العامل يركب تلبيسة الطبلون بالكبس
لأن الصمغ بيخرب عليك الايرباق
والله يوفقنا واياك

[نفود الطوقي]

صباح الخير للجميع---- بالنسبه لمكيف الباث فيه طريقه لتنظيف فلتر المكيف--بس هذه الطريقه يجب المداومه عليها باستمرار وهي كالتالي---- اذا جيت تطفي المكيف افصل الكبرسر فقط واترك المروحه تطرد الهوا البارد حتى يطلع الهواء الحار العادي--- يعنى هوا مروحه :لان الهوا البارد المتبقي في المواصيريتحول الى ماء ويترسب في فلتر الهواء مع الغبار الداخل ويكون مثل الطين وهذه من اسباب تجمع الاوساخ-- ملاحظة-- يجب اطفاء الكبرسر قبل اطفاء السياره بحوالي ثلاث الى اربع دقائق

الله يعطيك العافية وما قصرت

[نفود الطوقي]

اخوي ابو ناصر426
انا ودي ارفع موتري
وانت تنصح بالكعكات
هل حسيت بارتفاع الموتر يوم حطيتهن
لأنك تقول انها ترفع الموتر ارتفاع خفيف

ووين القاهن وبكم سعرهن

فيه سؤال ثاني
اليس ترفيع الموتر فيه خطورة
لأنه يكون معرض للقلبات
خصوصا بالبر والطرق السريعة
أو أن الارتفاع الخفيف ما يضر
يعطيك العافية

[ابوناصر426]

انا رفعت الموتر من الخلف 2سم ونصف ومن الامام 1سم ونصف
الموتر ارتفع ارتفاع زين، وجايز لي
وبالنسبة للمحل اللي سويتها عنده فانا اشهد انه فنان، اسال ابن صقيه ويوصف لك المحل لاني ماعرف اوصف انا رحت للمحل مع بدر وبدر سبق وراح له مع ابن صقيه.

[نفود الطوقي]

يعطيك العافية

[ابن صقيه]

السلام عليكم

تسجيل حظور ومتابعه لرابطتنا العزيزة

يوجد لنا رابطة قديمة في نفس هالمنتدى على هالرابط

http://mekshat.com/vb/showthread.php?t=143674



ويوجد أيضا رابطة نشيطة لملاك الباث ( الجيل الجديد ) في منتدى السيارات على هالرابط

http://assayyarat.com/forums/showthread.php?t=133936




وبارك الله فيكم جميعاً

[ابوناصر426]

لاتستعجلون بتركيب كفرات للباثفاندر، سوف نقوم بتجربة كفرات من نوعين مختلفين، باث 2007 مركب عليه كفرات دنلوب وباث 2009 مركب عليه كفرات هانكوك، سنقوم بتجربتها في الخط و النفود، ونضع لكم تقرير باي الكفرين افضل من الاخر.

[ابوناصر426]

السلام عليكم

تسجيل حظور ومتابعه لرابطتنا العزيزة

يوجد لنا رابطة قديمة في نفس هالمنتدى على هالرابط

http://mekshat.com/vb/showthread.php?t=143674



ويوجد أيضا رابطة نشيطة لملاك الباث ( الجيل الجديد ) في منتدى السيارات على هالرابط

http://assayyarat.com/forums/showthread.php?t=133936




وبارك الله فيكم جميعاً

توني انتبه لهالرابطة اللي بمكشات

زين نبهتنا

راح ندمج هالرابطة مع الرابطة السابقة، لجل الفائدة

[ابن صقيه]

^^^


الله يقويك يا أبو ناصر


وأقترح تغيير اسم هذه الرابطة إلى **(( رابطة ملاك وعشاق الباثفندر الجيل الجديد ))**


وعساك على القوة

[ابوناصر426]

^^^


الله يقويك يا أبو ناصر


وأقترح تغيير اسم هذه الرابطة إلى **(( رابطة ملاك وعشاق الباثفندر الجيل الجديد ))**


وعساك على القوة

راسلت الادارة لجل يدمجون هالرابطة مع رابطة الاخ فارس العمور لان رابطته هي الاقدم، وطلبت تغيير اسم الرابطة.

[ابن صقيه]

كثر خيرك يابو ناصر

آمل متابعة الموضوع مع الادارة والحرص على تغيير الاسم

بارك الله فيك

[نفود الطوقي]

راسلت الادارة لجل يدمجون هالرابطة مع رابطة الاخ فارس العمور لان رابطته هي الاقدم، وطلبت تغيير اسم الرابطة.

جهد تشكر عليه
جزاك الله خير