ورشة باترول ( التركي)

[ا ل ح]

السلام عليكم
سمعت عن ورشة التركي الماخصصه في الباترول وطبعا رحت علئ وصف بعض الاعضاء قبل كم شهر وحصلت الورشه مفتوحه واعتقد تحولت الا مستودع

واليوم بالصدفه كنت عن ورشة مرات الصناعيه القديم و جاء سوداني يوزع كروت وقال هذا ورشة التركي القديمه تم نقلها وافتتحوها اليوم ومريت عليها بس نسي اصورها الموقع خل ورشة مرات علئ يمينك وبعد 200متر بتجيك الورشه علئ اليمين طبعا يقول الوحه بتتركب بعد يومين

وبعد كم يوم بمرهم لعلهم يزبطون صرفية البنزين

[تميم2222]

جزاك الله خير وما قصرت لكن المفروض يعيد النظر في اسعاره الناس صارت تكش منه

[فتك08]

اذا بيرجع بنفس اسعاره ضارب السماء مايصلح
سمعنا انه قفل قبل فترة
و رجع يفتح على كلامك

[ms662]

واهم شي اذا ماعرف علة الموتر يقول ماعرفت مهوب يخسر العالم

[اليامي قطر]

جزاك الله خيرر

[Last Nomad]

السلام عليكم

ياليت اخوي تحط الوصف زين

انا ما اعرف ورشة مرات وينها

وجزاك الله خير

بالنسبه للي يشتكي من أسعار التركي

اروح لواحد يدفعني مرة وحده

ولا اروح لناس تعلم في الموتر

واخسر اكثر بدون فايدة

[ابو وليد2200]

اخوي ليه حذفت ردي مع انه ماكان مخالف للاشتراطات والانظمة ولاقلت شي غلط

[أصيل حجآ زي]

اخوي ليه حذفت ردي مع انه ماكان مخالف للاشتراطات والانظمة ولاقلت شي غلط

بالعكس :

ردك مُخآلف لأنظمة الخيمة .

ممنوع أضآفة جوآلات أو هوآتف أو أي دعآية

ألتزم بأنظمة الخيمة .

.

.

.

قبل أن تكتب موضوعك ‘ أقراء : {{{ أنظمة الخيمة }}} .

.

.

لو لم تُضيف جوآل

لاكآن لم أحذفهُ .

.

.

.

[ابو وليد2200]

اخوي ابو صالح اخذ اكبر من حجمه فيه ناس فاهمين بالباترول افضل منه بكثير مثل الخضير والشقاوي والعثيم بالقصيم وفيه بالرياض مركز انا مريته يوم سكر ابو صالح قبل كم شهر اسمه المحرك الافضل والمشرف عليه شاب سعودي امين ونصوح اسمه الظاهر ابو صالح العقل متخصص بالباترول وفاهم فيه

[4200]

اخوي ابو صالح اخذ اكبر من حجمه فيه ناس فاهمين بالباترول افضل منه بكثير مثل الخضير والشقاوي والعثيم بالقصيم وفيه بالرياض مركز انا مريته يوم سكر ابو صالح قبل كم شهر اسمه المحرك الافضل والمشرف عليه شاب سعودي امين ونصوح اسمه الظاهر ابو صالح العقل متخصص بالباترول وفاهم فيه

يا ليت توضح وصف المحرك الافضل اي صناعيه ؟

[ابو وليد2200]

الصناعية القديمة حول ورشة ابو صالح الاوله خل وررشه ابو صالح الاوله على يمينك وامش تجيك بوجهك

[S A F A R I]

الله يبشرك بالخير.

[ا ل ح]

الي يبي رقم الورشة يبشر بس يعطيني خبر