دفايه سفــري ...الشتاء قرب .

[ترهيم]

السلام عليكم

المنتج شفته كذا مره بس لم يلفت انتباهي وتخبرون الشتاء قرب وفيه عندنا عامل وماودنا يلحقه البرد في الشتاء طرى في بالي هالمنتج قلت اجربه وانقل تجربتي لكم . وبكل امانه عملي جداُ ويدفي واستهلاكه قليل للغاز لاني جربته وانا مقصر علي الغاز ..
انصح فيه لاهل خيام .. التيربو .. والقاضي ... والتميمي .

المنتج موجود عند برق الحيا اكيد انه موجود لدي السنيدي واغلب اماكن الرحلات .
سعره 25 ريال .

اذا سبق عرضه فاعتذر مقدماُ .
صوره العلبه .

الصوره الثانيه للمنتج بعد اخراجه من الكرتون .. تراني شغلته قبل


الصوره هاذي تبين الممسك سهل التركيب والنزع وهو على الدافور .


هذي صورته وهو شغال علماُ بأن النار كانت قصيره دافي جداُ ..


اخيراُ ارجو ان يفيدكم الموضوع .. واعتذر على ردائة الصور كانت من الجوال .

[ابو وافي 444]

وان كان طره مطفوق برجله ؟؟؟ ينكب علينا ولا مثبت بشكل جيد وامن؟

مشكور اخي الكريم

[صقرحايل]

الف شكر لك لاكن لازم نحطه فوق الدافور او نقدر بدونه

[سطام vip]

بسم الله الرحمن الرحيم

السلام عليكم ورحمة الله وبركاته

الله يعطيك العافيه اخوي ترهيم

وشفتها عند برق الحيا وما اقتنعت

بس عقب التقرير منك صراحه أعجبتني

وانا اعرفك حريص ودقيق في كل شي

وان شاء الله تكون من ضمن العزبه قريباً

الله يعطيك العافيه وتقبل مروري والرد

دمت بحفظ المولى

[ترهيم]

وان كان طره مطفوق برجله ؟؟؟ ينكب علينا ولا مثبت بشكل جيد وامن؟

مشكور اخي الكريم

هي لها زوايا لتثبيتها من الوقوع بس والله ان طقها واحد وطاح الدافور اكيد بتطيح منه ..

مثلها مثل بيالة الشاهي ان طقها واحد انكب الشاهي

[ترهيم]

الف شكر لك لاكن لازم نحطه فوق الدافور او نقدر بدونه

هلا ومرحبا فيك اخي الكريم ..

شلون بدون دافور ؟؟ لازم غاز وشعله ..

تقنيتها مثل الدفايه الغاز (( راس فقط )) يعني لازم يكون عندك شغله بتشغلها على قز بتشغلها علي نفس القز الي في الصوره حقت العلبه او دافور اهم شي محيط النار يكون داخل الدائره .

[ترهيم]

بسم الله الرحمن الرحيم

السلام عليكم ورحمة الله وبركاته

الله يعطيك العافيه اخوي ترهيم

وشفتها عند برق الحيا وما اقتنعت

بس عقب التقرير منك صراحه أعجبتني

وانا اعرفك حريص ودقيق في كل شي

وان شاء الله تكون من ضمن العزبه قريباً

الله يعطيك العافيه وتقبل مروري والرد

دمت بحفظ المولى

هلا وغلا اخوي سطام ومبروك عليك الوسام . شكلي بتسلفه منك كم يوم بترزز فيه بالمنتدي ههههههه ..

الحمد الله ان مافيها فتيل ولا بتاخذ السبير حقه ههههههههههه

اخوي سطام هي عمليه وحلوه وخفيفه ماكنت اتوقع دفاها يكون بهادرجه وشوف كيف مجمر الشبك الداخلي لها شبكين داخلي وخارجي . خفيفه تقدر تركبها على الدافور وتقدر تركبها على اي عين تدخل داخل محيط الدائره .
الهواء الطلق ماتصلحله إلا اذا كنت جنبها اما داخل خيمه او مكان مغلق ممتازه جداُ كذالك للملحق .
سبير بالمنزل لو تعطلت الدفايه او شيء .

[عاشق الموطن]

اشكرك على طرحك اخوي
وبارك الله فيك

[ترهيم]

اشكرك على طرحك اخوي
وبارك الله فيك

الشكر لك اخي الكريم على تشريفك للموضوع وردك الطيب .

[هاوي البران23]

وعليكم السلام ورحمت الله وبركاته
شكرا لك على التقرير
تحياتي

[مسامرالليل]

يستحق الاقتناء
خصوصا مع قدوم بوادر الشتاء قريبا
وبارك الله فيك وفيما طرحت
من معلومة مفيدة
لاخوانك المكشاتية
وان شاء الله نلحق عليه
لايقضى من السوق
لصغر حجمه

محبك : ابو ثامر

[الناب]

الله يبارك فيك

الصراحه أني شفته كذا مره ولا مره أعطيته إهتمام

لكن الأن لازم نجربه

السؤال: هل يركب عى القزوز العنكبوتيه؟

موفق خير
أخوك
بن فهد

[أبو براك]

ماشاءالله ,, ماشاءالله

الله يعطيك العافيه اخي ترهيم

لهذا الموضوع والذي يهم الكثير من الاخوه

فكل الشكر لتواجدك معنا وما تقدمه

من مواضيع وردود , والهدف فائده الاخوه

موضوع وفكره تستحق الخمس نجوم

وايضا لصاحبه اخينا ترهيم

[faiz-111]

بارك الله فيك ماقصرت شرح وافي بصراحه فيه دفايات غاز شفتها اول السنه بالاردن يسمونها صوبا بس انها بالغاز يعني ارتفاعها متر وتدخل فيها اسطوانة الغاز وتحركها في اي اتجاه ونقلها سهل سواء للبر او بالبيت بصراحه حلوه وتدفي بشكل موطبيعي وسعرها معقول جداً في حدود 70 دينار يعنيي في حدود ال 350 ريال ان شاءالله لسافرت للاردن بشتري وحده وباعمل لها تقرير

[طعني وأفلح]

تسلم يأخوي ترهيم
فعلا أعجبتني الدفايه وسعرها معقول وتقضي اللزوم
والجميع يحتاج لها , عن قريب راح نضمها للعزبه
قواك الله
تحياتي