استفسار عن نوع زيت قير والدبل للجمس الحوض

[عبدالمجيد2003]

السلام عليكم شباب حبيت استفسر عن نوع زيت القير والدبل للجمس الشفر حقي .
انا توني موضب القير وحط الميكانيكي زيت مقاس 140 والدبل 90 وما ادري بصراحه في واحد من الشباب خوفني وقالي القير 90 والدبل 10 وممكن يخبط عليك القير مره ثانيه الله يستر بس وقلت مالي الى الشباب في المنتدى مكشات هم ان شاء الله بيساعدوني وبيفيدوني مع العلم ان القير عادي وموديله 2003 والله يعطيكم العافيه مقدما

[صحن قلابة]

140 ثقيل مره مره مره
ع العموم يسون هالحركة عشان ماتطلع القرة اللي في القير
كان عندنا ونيت شفر 2001 وظبت القير عند سوري بالصناعية وعطاني ضمان شهر ,, نفس الكلام حاط زيت اثقل من العسل مامشاني القير شهرين إلا وانا مركب واحد مجدد ,, نفس المشكلة خرب علي القير مره ثانية وبعته على وهو خربان

[عبدالمجيد2003]

والله من جد خوفتني شكلي بروح اتفاهم معه اليوم طيب بالنسبه للزيت حق الدبل

[لن أمل من العطاء]

ان شاء الله يفيدونك الشباب

وانا بابحث وارد لك خبر بالضبط

[أبوتركي الخالدي]

أخوي عبد المجيد

كل عام وانت بخير

كنك داري اني امر بهالمشكلة هالايام

طبعا زيت القير والدبل لازم يكون خفيف 90

بعكس الدفرنس لازم يكون ثقيل 140

طبعا لازم تنتبه لمقدار الزيت في القير والدبل بحيث لا يزيد عن حده

حتى ما يطلع الزيت من الصوف

الكلام هذا كله تجده في الكتاب الي يجي مع السيارة

عشان لو حصل مشكلة بينك وبين الميكانيكي تقدر تحاجه بالكتاب حق الوكالة لسيارتك

[mtc_959]

عزيزي عبدالمجيد
كيف حالك
ها بشر وش سويت مع القير
كم وضبته وووين وكم تكلفت القطع عطنا نبذه عن التوضيب اوتغيير

على العموم الزيت حق القير مالك الا حق الوكاله انا كنت نفسك احط 140 يوم قام يفلت القير وديته لميكانيك مضبوط فك القير ويوريني القير من داخل مستوي اسود
فالأفضل زيت الوكاله
وتحصله عن التوكيلات اذا انت من اهل الشرقيه وله رقم مثل رقم القطعه مايحضرني لكن اذا كان الكتاب حق السياره معك فاتوقع انك بتحصل رقمه

[صقر ا لفز عة]

بـــــــــــم الله ا لـرحـمـن الـرحـيـم
وبـا الله أهـتـدي وبـا الله أســتـعـيـن

الحـقـيـقـة أنـا ;
جـالــس اُرآقـبـكـُـم ومـخـلـيـكـُـم
تـدلون بـدلاآئـكـُـم حـتى نســـتـفــيـد ونـُـثـري الـنـقـآش .

لاكـن مـا ودي
وآحـد يـطـلـع مـن الـدوآم
ويـروح يـغـلـط / يـحـُط زيــت خـطـاء .

ا لـحـقـيـقـة بـعـضـُـكــُـم
أحـــســن يــــــوم قــال طـالــع
كـُـتــيــب الخـدمـة بـالــسـيـآرة
اللي يجي مع السيآرّه ( بـدُرج الـغـمـآرة ) .

لــــــكــن أن لــم يــكــُــن عـنـدك
كــُـتـيـب الـخـدمـة بـد ُرج الغـمـآرة ///
فـــأنــا بأذن الله أعــطـيــك الـحــل و أعـطـيـك
قـوآعـد تـمــشـي عــلـيـهـا ولــن تـنـدم بـأذن ا لله :

ألـــيـــك الـرآبــط هـذا ؛

مــا هـي الــزيــوت الـصـحـيـحـة لــســيــآرتـك ‘ لـلـمـُـحرك القير القابض

أقـول وبــالله
أتـوكل عليه وبــه الـتـوفـيق :

أولاً ؛
كـُـل زيـوت
نـوآقل الحـركة / القيور العآديّه
( منول ترآنزمشن Manul Transmission )

زيـوت نـوآقل الحـركة العـآدية
كـُـل زيـوتـهـا مـن الـعـيـآر = 80W-90 .
مـاعـدى حـق وكالتها فرُبما يختلف بسيط فقط أو 75W- 90 .
أذا مـا هـو حـق مـصـنـع الـسـيـآرة ولا مـكـتـوب عـلى عـُـلـبـتـُه
أو جـيـلـونـُه / نطآرتـُه ' عـيـار 80W-90 أو 75W - 90 فلا تـغـيـر مـنـه ُ .

عـيـآر 140 من غير 75W
للـــــشــآحـنـآت والمُعدآت الثقيلّه فـقـط /
وجـالسـيـن يـنـصـبون عليـكـُم البنشرية .
""" الـخـُـبـرة """ ...

مـــن و مــثــل هــذولي : وزي حــق
بــالــبــيـد عـيـار 80W-90 أو أي
شـركة مـعروفة مثل شل أو جي أم :

هــذا عـيـار 94 يـصـلـُح لأنـه ُ
للــلاندروفـر وقـريب من أبو 80W=90 :

و أمــــــــــــا :
زيـوت نـوآقل ا لحـركة التمـآتك كـُـل
زيـوتـهـا مـن ا لـعـيـآرالمكتوب عليه ATF
( Automatic transmission fluid (ATF)
= مثل أحسن نوع لشركة شفرون /
دكــسـتـرون 2 أو دكـــسـتـرون 3
DEXRON®-III or DEXRON®-II fluids.
أو مــا يــُــعــادلـُه مـن حـق الـشـركة
الـمـُـصـنـعـة لـنــــــــــــفــس سـيــآرتك .





مـاعـدى حـق وكالتها
فرُبما يختلف بسيط فقط.

وأمــا ز يـــوت
مــُــســاعـد الـطـارة
( الـبـاور أسـتـيـرنق Power Steering ) :

فــتستخـدّم نـفـس
زيتتت القير التماتك :

و أمــا مــُـحـرك ا لــســيــآرة :
فـــــــــيـــــــــسـتـخـدم زيـت عـيــآر 20W- 50 لـمـُـعـظـم ا لـسـيـآرآت بـا لـمـمـلـكـة
و عـيـا ر 10W- 30 لصوآلين التـآهـو ( شفر) وشــبـيـهـآتـهـا مـثـل الـيـوكن والجمس الجديد :
أو زيــوت الــــــــــــشــركـة الـمـُـصـنـعـة لـلـسـيــــآرة :
و أ فــضــل زيـوت ا لـمـُـحـركـآت (سـيـارة) زيـت طبيـعي
(ما أقصُد الصناعي /// سنثتك )
بـتـرومـيـن ألــتـرا 7 Ultra
وسوبر بترومين عيآر 10W - 30 :

و أ مــا زيـت الـفــرآمل وزيـت
قــابـض ( كلـتـش) الـقـيـر ا لـعــآ دي :
فـهـو زيـت فـرآمل (وقـابض) مـن النـوع الـمـكـتـوب
عـلـيـه دوت 3 أو دوت 4 ---- DOT3 or DOT4 .

أو زيــت الــــــــشـركـة
الـمـُـصـنـعـة لسيآرتّك
أفضل فــقــط لا غـــيـر .






زيوت
دفرنش السيآرّة
الدفع الأمآمي FWD
المسمى بالعنكريزي ؛
ترآنز أكشل TransAxel
لأنــهُ مجموع في
هيكّل / جـُرم وآحد ( علبه )
هو نفس زيت القير .

،
،
،

تــابـع دروسي
دروس الأصيل الحجآزي
تجد بـها مـا يـثـلـج صـدرك ،،،،،

ويــــحــّـــل
كـثـيـر مـن مـشـاكل
سـيـارتك أن شاء الله
أليـك الرآبـط ،،،،،،، ؛
،
كـيـف تـُـصـبـح مـُهـنـدس سـيـآرآت وكـهـربائي سياآت ومـنـآزل ؟؟؟

تحـــيــآتــي
بلآ سدووود ولا حدود .

[عبدالمجيد2003]

االله يعطيكم الف عافيه جميعكم انا توني جاي من عند المكانيكي وتفاهمت معه صار ما عنده سالفه سوري ورشته في محطه الدريس على طريق التخصصي بالرياض في حي النخيل وغيرلي الزيت القير الى 90 .
طيب السؤال الى الآن محد جاوبني الى الآن الزيت الدبل هل هو صحيح 90 ولا لا

[عبدالمجيد2003]

اخوي mtc959 غيرلي
طقم نحاسات الهلالات
وغير لي من التشليح الترس 3
والترس 5 وكلف اجمالي 3000 ريال .
وشكرا على اهتمامكم اخواني

[jallo]

اخوي الي علبة فيها تروس زي القير والدبل والدفرنس معروف ان زيتها 90
والمكينة على حسب نوعها وحجمها ووقودها وهذا يحددة الصانع
والله الموفق . ض.صيانة

[راعي الفزعه]

المعلومات هذه مأخوذة
من دليل مالك السيارة
جمس من موديل 2000 - 2006

1- زيت القير العادي : SAE 75W-90
2- زيت القير الاتوماتيك DEXRON III
3- زيت الدفرنس الامامي SAE 80W-90
4- زيت الدفرنس الخلفي SAE 75W90
5- زيت الدبل اسمه AUTO-TRAK II FLUID ولونه اخضر
6- زيت المقود POWER STEEING FLUID ولونه شفاف
7- زيت الفرامل DOT-3

واغلب هذه الزيوت تحصلها في الوكالة او الوكلاء المعتمدين
مثل بالبيد والتقوى والسبيعي والمغلوث وباقادر (وكلهم في الصناعية القديمة) بالرياض

[أصيل حجآ زي]

المعلومات هذه مأخوذة
من دليل مالك السيارة
جمس من موديل 2000 - 2006

1- زيت القير العادي : SAE 75W-90
2- زيت القير الاتوماتيك DEXRON III
3- زيت الدفرنس الامامي SAE 80W-90
4- زيت الدفرنس الخلفي SAE 75W90
5- زيت الدبل اسمه AUTO-TRAK II FLUID ولونه اخضر
6- زيت المقود POWER STEEING FLUID ولونه شفاف
7- زيت الفرامل DOT-3

واغلب هذه الزيوت تحصلها في الوكالة او الوكلاء المعتمدين
مثل بالبيد والتقوى والسبيعي والمغلوث وباقادر (وكلهم في الصناعية القديمة) بالرياض

مــا قـصـرّت
يــا رآعي الفــزعــّـه

يعطيك العآفيه .

،
،
،


،
،
،
،