نبشركم ونطلب شوركم

[بليزر]

نبشركم ان الولد تعين مدرس بإدارة تعليم المجمعه مدرس دين
وعند مراجعتها طلبو منه تحديد الرغبه بالمجمعة او الإرطاوية فسألني وش الرأي قلت والله ما ادري فبودي بمعلومات عن المحافظتين من حيث الكبر وتوفر الخدمات وتوفر الأجار والجو والكشتات واي فائدة تعين على تحديد الرغبة
ولكم مني جزيل الشكر

[أبو إبراهيم !!]

ماشاء الله تبارك الله
يا عله بلمبارك والله
والله يعينه على حمل الأمانه
واشوف انه كله واحد وأهل الديرتين طيبين بلحيال
والخدمات متوفره على ما اعتقد في كل المحافظتين
هذه وجهة نظري وبتوفيق للجميع يارب

[بليزر]

جزاك الله خير اخ بسام وعقبال الاولاد عندك

[ابو منقاش]

اخوي بليزر اعتقد مافيه مقارنه بين الارطاويه والمجمعه00 المجمعه تعتبر مدينه وبها كل شي اما الارطاويه فهي تعتبر قريه كبيره او مدينه صغيره لكنها اقل تحضرا ومدنيه واهم شي القرب منكم واين تسكن هتى يسهل عليه زيارتكم والله يوفقه ويطرح فيه البركه وييسر امره 000 ولك تحياتي

[الجمس]

اخوي بليزر
مبروك والله ينفعبه ويسهل اموره
اعتقد بما انك في الرياض (حسب معرفك)ان المجمعه افضل لقربها كما انها اكبر حسب علمي , والله اعلم.
اكيد يبون يزعلون علي هل الارطاويه.... لكن الله يعين

[الجمس]

اخوي بليزر
مبروك والله ينفعبه ويسهل اموره
اعتقد بما انك في الرياض (حسب معرفك)ان المجمعه افضل لقربها كما انها اكبر حسب علمي , والله اعلم.
اكيد يبون يزعلون علي هل الارطاويه.... لكن الله يعين

[بليزر]

الاخ ابو منقاش والاخ الجمس
الله يجزاكم الخير ونشكر لكم مروركم
لكن اخوي المسافه بين الارطاوية و المجمعه ليست بالبعيدة ولا ينشال همها لكن اتمنى بس اعرف توفر الشقق و رخص الاجار سمعت ان الاجار في الارطاوية اقل وامكانية السكن بالقرب من المدرسة سهل و عليه فإن عملية التنقل تكون ايضا سهله واعداد الطلبة اقل ودي احد من الأعضاء ياكد لنا دلك

[wrs3975]

ألف مبروك أخوي الغالي بليزر وعسى الله يوفقه ويبارك فيه ....

[بن محفوظ]

لا يغير عن المجمعة .... ولو حصلت لي رحت لها ...


لكن انا هالسنة حطوني بنص الصمان ...