أجود البنادق التركيـة stoeger model 2000 موضوع كامل

[قطاع الارماس]

ماشاء الله تبارك الرحمن


مشكور ياخوي


الله يعطيك العافيه

[أبو غند]

يقولون انها ماترمي الا ظغط 36
واذا رمت 40 تنفجر كلام اشخاص هل هذا صحيح

[السنايبر]

مشكووووووووووووور
الله يعطيك العافية

[الكحيان]

الله يعطيك العافية مشكور وما قصرت وفيت وكفيت

[عضو مكشاتي]

الله يجزاكــ بالخيــر

[ابو هيا2010]

الله يعطيك العافيه
والف شكر على التقرير الرائع
ممكن صور خااصه من بندقك
او اي شخص عنده نفس البندق وشكرا

[عضو مكشاتي]

البندق ممتازه الحمد لله ونظمها غازي نفس البنلي ومكينتها قريبة لمكينه البرتا لاكن مشكلتها انها تندف بقوه عشان كذا رميها حار

[شوكة نحر]

يقولون انها ماترمي الا ظغط 36
واذا رمت 40 تنفجر كلام اشخاص هل هذا صحيح

رميت فيها اربع طلقات متواصله ضغط 38 ولله الحمد رميها ورجفها معقول

[ابو هيا2010]

شكرا لك على الصور بس ابيها كامله ممكن
وثانيا من مميزاتها انه رجفها خفيف مثل النص مثل ماقال اخوي برااونغ الله يجزاك ويجزااه كل خير واخوانا المسلمين

[ابو هيا2010]

قصدي في شهر 5/1431هـ

[يازين البر]

شكرا لك على الصور بس ابيها كامله ممكن
وثانيا من مميزاتها انه رجفها خفيف مثل النص مثل ماقال اخوي برااونغ الله يجزاك ويجزااه كل خير واخوانا المسلمين

مصدق أنت ؟!!

رميت فيها وكرهتها على طول من رجفها وقلت الله يهديك يا براونغ وين اللي ما ترجف

قلت يمكن الرجال متين شوي ما يدري عن الرجف مع العلم اني رميت بضغط 32

واللي في المقاطع نصابين الظاهر يرمون بضغط 10

[ولد دوارد]

سلام عليكم
انا معي رد وولف امخمس تدخل 8 رصاصات ممتازه وحلوة ماحسيت فيها شئ بس ياخي احس واوسوس ماتوصل
افيدوني عن الرش حقها ووش نوع الرصاص الزين لها؟
يمكن من رميي باطيار ماهوب ذاك الزود

[أبـو مـدمـر]

ياشباب تنصحوني فيها

والا في البيكال

انتظركم

[ابن عواض الحربي]

السلام عليكم ورحمة الله وبركاته

كنت من اشد المعجبين بهذي البندقيه وناوي اشتريها لكن هونت والسبب انفجرة على العيال في موسم الرهو ثنتين وبظغط 34 والحمد لله سلمو
غير الاكستريما 2 لا تدور جوده ومتانه وفعل بندق ترمي فيها وانت مرتاح وفي نظري انها اجود من البنلي والسبب
1-نظام الكيك اف ترمي اي ظغط بدون ندف يذكر
2-انسى ان البندق تهنق
3_ضد الصداء
والله يالربع حرقت بها حرق وفي مره رميت فيها بطنين ورى بعض 8 طلقات ضغط خمسين من اروع مايكون
.......لكن يبقى التركي تركي....

[براوينغ]

مشكورين اخواني على المرور وحبيت أعلق على كم رد بالموضوع
اخوي يازين البر يالله حيه كيف حالك عساك مرتاح .. بالنسبه للندف والله رميت فيها 36 رقم 0 ورميت فيها 40 قرام رقم 7،5 وبالعكس ندفتها عاديه نفس ندف البنلي ,, وانت هوّلت فيها تقول كرهت البندق بسبب الندف ؟ يعني تبي تبيّن لنا ان ندفها نفس ندف البراونق اوتو فايف وام حبه .. بالعكس اخوي هي نفس ندف البنلي وخفيفه جدأً مادري عاد اذا انت حسّاس انصحك تشتري اكستريما تو عشان نظام الكيك اوف وتربط على كتفك شماغ او تحط فوطه واسمحلي على الأطاله طال عمرك
اخوي ولد حرب ,, بالنسبه للبندق اللي انفجرت ماظنتي بتنفجر من ضغط 34 لانه ضغط عادي وترميه حتى بندق الكسر وانا ياخوك والله رميت فيها 36 رقم 0 ورميت فيها 40 قرام ورمي متواصل كان على قطا النغاق خمس ورى خمس ما صار فيها شيء وماشيه معاي ويمكن البندق اللي معاكم فيها عيّب مصنعي او سوء استخدام .. وانا سمعت بعد عن ناس انفجرت فيهم بنلي وانفجرت فيهم بيكال روسيه ؟ وتقدر تبحث بالمواقع وتشوف الانفجارات ووياليت تسأل خويك عن سبب الانفجار وتعلمنا ,,
وياخواني والله انا يوم نزلت الموضوع ابي الفايده لكم لاني جربت بندق زينه وعجبتني وحبيت اخواني يجربونها ويستانسون مثل ما انا رميت واستانست فيها ,, وماراح احصل ربح وراها ان شريتوها او ما شريتوها .. بس بعض الناس يجي يقول ( تركيه تركيه ) انحش انحش .. ومع ان فيه بنادق تركيه زينه واغلب الناس تشتريها مثل ريد وولف وبلاك وولف والميراج اللي هي akm وهي خفيفه وحلوه وتسوق وماعليها .. وانا حبيت أعلمكم عن الستوقر اللي هي شركه تابعه للشركات قروب برتا ..واللي يشرفون على صناعتها مهندسين من شركة بنلي والصناعه بتركيا .. والبندق نفس نظام بنلي بالضبط ويركب عليها قطع بنلي وانا عندي بنلي السوبر سبورت وارمي فيهم اثنينهم ورمايتهم حلوه ولكن انا يوم نزلت الموضوع عشان بعض الناس ما يقدرون يشترون البرتا او البنلي اللي اسعارهم وصلت الـ ؟ فـ يشترون التركيه اللي بـ بدال الروسيه اللي يرهمون لها شوكات وإلخ ,, واخوي ولد حرب انت تقول برتا برتا معروفه على مستوى العالم وادائها ممتاز جداً ولكن حنا ما نقارن التركيه بالايطاليه .. ولكن نقارن المرمي كلهم نفس المرمى ولكن مو نفس الجوده ,, بس فارق السعر شوف يعني التركيه والبرتا بـ وما ادري اذا اغلى يعني بسعر البرتا تاخذ بندقين ؟ والتركيه توفي بالغرض هذي هي صار لها عندي 4 سنوات وللحين ترمي وما فيها شيء وللعلم ترى الموسم كله ماتوقف رمي اربعه وعشرين ساعه رمي حاطها بالمزرعه واي واحد من اخواني يروح او من الجماعه ياخذها ويرمي فيها والبنلي السوبر سبورت شاريها حق رماية الاطباق ورماية الفري/السمان .. بالليل على الجهاز ,, اما حق الكرف والله اكرف التركيه وانا يوم حطيت الموضوع ماقصدت ان التركيه أفضل من برتا ولكن اللي ماعنده الماديه الكافيه لشراء بنادق مثل برتا وبنلي يقدر يشتري الستوقر والمرمى والله قريب جدأً من مرمى البنلي وللأمانه ماجربت البرتا عشان احكم ولكن البنلي معروفه والكل يمدح بمرماها وخاصه الرافيلو والام تو واسمحولي ياشباب.. ان أصبت فمن الله ومن أخطئت فمن نفسي والشيطان .. واسمحولي على الاطاله اخواني