أجود البنادق التركيـة stoeger model 2000 موضوع كامل

[باترول_94]

الله يجزاك خير ع الجهد الرائع

[يازين البر]

شكرا لك على الصور بس ابيها كامله ممكن
وثانيا من مميزاتها انه رجفها خفيف مثل النص مثل ماقال اخوي برااونغ الله يجزاك ويجزااه كل خير واخوانا المسلمين

لا لا لا توهق عمرك يا ابو هيا اللي قال لك رجفها مثل النص ما أصاب في الوصف

خذها من أخوك شريتها جديدة بقراطيسها وصرفتها ما كملت نص دستة

أنا يوم جيت أرمي بها متوقع اني أبلقى نفس اللي بالمقطع يلعب بها الرجال وهو يرمي !! هذي المقاطع دعايات يرمون بضغط خفييييف مرررة الظاهر ولا ضغط 18 ويلعبون على الناس

إلا ترجف ونص عورت كتفي وحتى خدي عورني منها بندق غريبة تضرب الخد !!

وكذلك أحد زملائي اشتراها وما أبطت معه باعها يقول ترجف وتعور الخد

صحيح البندق خفيفة ورميها حلو ومكينتها سلسة ( مع انها كانت تفوت في الطلقة الثانية ) لكن مسألة الرجف معليش فيها مبالغة

[يازين البر]

مشكورين اخواني على المرور وحبيت أعلق على كم رد بالموضوع
اخوي يازين البر يالله حيه كيف حالك عساك مرتاح .. بالنسبه للندف والله رميت فيها 36 رقم 0 ورميت فيها 40 قرام رقم 7،5 وبالعكس ندفتها عاديه نفس ندف البنلي ,, وانت هوّلت فيها تقول كرهت البندق بسبب الندف ؟ يعني تبي تبيّن لنا ان ندفها نفس ندف البراونق اوتو فايف وام حبه .. بالعكس اخوي هي نفس ندف البنلي وخفيفه جدأً مادري عاد اذا انت حسّاس انصحك تشتري اكستريما تو عشان نظام الكيك اوف وتربط على كتفك شماغ او تحط فوطه واسمحلي على الأطاله طال عمرك

أبشر يا طويل العمر

[يازين البر]

الفئات الأخيرة من البنادق التركية جيدة بصفة عامة (ستوقر- بلاك وولف - akm - رد وولف - بريدوس- إيسكورت ) ورميهن طيب وتقريبا واحد ما فيه فرق , إلا التوماهوك بندق فاشلة كلها خرابات

[اهل الردات]

انا اقول كلامك عين العقل بس ماترمي اضغوط به تنكسر

[القناص 200]

صراح شجعتني اني اشتر مثلها
تقبل مروري

[براوينغ]

مشكورين ياجماعة الخير على هالردود اللي تشجع الواحد بأنه يجتهد وينزل مواضيع وانتم تستاهلون كل خير والله اخوي ابومقعد نعم البندق تقبل مخزن اضأفي ،،، اخوي يازين البر طبيعي كل بندق لا جات بكرتونها جديده يبيلها تليين عشان تلين اجزائها ,, وهذا مو كلامي كلام ناس اخبر مني بعالم السلاح ,, ولازم كل بندق تشتريها جديده بالكرتون تليينها بفشق قوي مثل 40 قرام 36 وترمي فيها 4 دستات على الاقل ,, على شان ترتخي اجزائها ويخف ندفها بنسبة 180 درجه ,, وياليت تسأل عن هالمعلومه وان شاء الله بيفيدونك اللي اخبر مني ومنك بمجال الاسلحه ,, وارجع اكرر شكري لكم ياجماعه والله يعطيكم العافيه على المرور

[بن عيد1]

براوننق طلبتك لاعاد تكتب باللون الاحمر او البرتقالي .....

[بارود برنو]

تم حذف الردود المخالفه



يمنع منعا باتا عرض وطلب الاسلحه الناريه او الهوائيه


او اجزائها او الاستفسار عن اسعار الاسلحه او الفشق او الاستفسار عن اماكن بيعها في منتديات مكشات



القوانين الأساسية لخيمة أدوات الصيد

[S-A-L-E-H]

لا لا لا توهق عمرك يا ابو هيا اللي قال لك رجفها مثل النص ما أصاب في الوصف

خذها من أخوك شريتها جديدة بقراطيسها وصرفتها ما كملت نص دستة

أنا يوم جيت أرمي بها متوقع اني أبلقى نفس اللي بالمقطع يلعب بها الرجال وهو يرمي !! هذي المقاطع دعايات يرمون بضغط خفييييف مرررة الظاهر ولا ضغط 18 ويلعبون على الناس

إلا ترجف ونص عورت كتفي وحتى خدي عورني منها بندق غريبة تضرب الخد !!

وكذلك أحد زملائي اشتراها وما أبطت معه باعها يقول ترجف وتعور الخد

صحيح البندق خفيفة ورميها حلو ومكينتها سلسة ( مع انها كانت تفوت في الطلقة الثانية ) لكن مسألة الرجف معليش فيها مبالغة

فعلا كلامك صحيح ترجف وخاصه سالفة الخد ^_^
اول ماشريته طلعت على غطاط وبثالث رميه دخلت وتركت الجول
من شدة ضربها لي مع الخد
شوي إلا براطمي مترين وارمات ههههههه
طبعا أنا عرفت وش المشكله ماكنت مثبتها بالشكل الصحيح بكتفي

[شاهين12]

مشكور اخوي على هال الجهد الطيب ويعطيك العافيه ..

لاكن ترى فيه مبالغه شوي فيها ..حتى وهقت الشباب بالرجف ...هههه

اقل البنادق بالرجف تمتلكها شركة بريتا الايطاليه..
وليست البنلي..........

[الباثفايندر3]

ياجمااااعه صحيح انها ترجف اقوا من البلاك اوولف

[جهق//حايل]

جزاااااك الله الف خير
صرآحه موضوع كامل والكامل الله
وانا معروضه علي بس متوهق وعقب كلامك شاريه شاريه والله لايعوق بشر
تحيآآآآآآآآآآآآآآآآآتي للكاتب الكبير ((براوينغ))

[فارس556]

السلام عليكم


قبل يومين شريت لي ستوقر2000


وتم تجربته مع فشق ارسي الاصفر 32/7.5


اقوول والله ياهي تطررررررررب وبتشوك رقم 2 بعد الفل تشوك


رميت على قيسيتين على نخله مسافه تقريبا 25 متر الى 30 متر

بين القيسيه والثانيه تقريبا اكثر من نص متر كل وطاحن كلهن طيحه موت


يالربع جربت البيكال والفيوجن والبنلي افضل مارميت به

الفيوجن ايفلوف +ستوقر 2000 (حراره رمي ماهي طبيعيه وكلهن تشوك رقم2)

[العبوب]

استوقر وبس بندق لايعلا عليها في جميع الاستخدام

استوقر استوقر استوقر