أفضل أنواع السنارات؟؟؟؟؟؟؟؟؟

[السندباد 9]

أرجو منكم أيها الأجوة أن تدلوني على أفضل أنواع السنارات وشيء من أسعارها بمدينة جدة::::::::::::::وأرجص المحلات:::::::تحياتي

[shark]

السلام عليكم ورحمة الله وبركاته
عندك مثلا البنقلة اول ما تخشها على يدك اليسار محل اسمه الجدعاني عندو سنانيير رخيصة ب50 ريال
فايبر جلاس ممتازة بس بدون مكينة

[الغربي]

افضل سناره الايوا والجي ام اس وعندك الشاينا مهي ببطاله



فيه محل اسمه السنبوك

[طحنون]

السلام عليكم ورحمة الله وبركاته
هلا اخوي
السندباد9
انا ما ادري وش تقصد علشان افيدك تقصد بالسنانير يعني الميادير اللي يركب فيها الطعم
اوالعصا يعني القصبه اللي يركب فيها الخيط والطعم والمكينه
عموما افضل نوع بالنسبه للميادير(( اللي يركب الطعم فيها)) الفرنسي ستانلستيل قوي جداومسنن يني
حاد جدا بس عيبه اذا شار الخيط راحت عليك ((يعني اذا علق بصخور او خلافه))
اما بالنسبه لل العصا عندك المتشل الفرنسي اذا كان اصلي لايفوتك بس سعره مرتفع
والسوق كله كوري نوعيه لابأس بها بس تأكد من جوده الحلقات ونوعيه العصا ويفضل
الكربون افضل من الفيبر لمرونته الممتازه

* ملاحظه
طبعا العصا تعتمد على نوعيه المنطقه اللي بتصطاد فيها حسب الطول 3 متر او5 او4 على حسب
الطعم
او حسب طريقتك تبي تصيد سمك كبير اوصغير
الكلام يطول وكل شخص له طريقته
هاذا وجه نظري
واتمنى اني افتك
اخوك طحنون

[mox600]

الشاينا هي ممتازه وسعرها زين هذه العصا
اما سنانير ميتشل ما انصح فيها ابدا
القديم الاصلي زين بس الجديد ما ينفع مرررره


وبالنسبه حق المكاين ما فيه الا (دايوا) ممتازه ميه ميه

وبعدها الميتشل .


تحياتي

[lone]

انا اتفق مع كلام اخوي طحنون 100%... قصبات الكربون ما فوقها فوق...

وبالنسبة للمكاين ... تأكد ان تروس المكينة (يعني عدة المكينة من داخل) تكون ستيل... علشان حتى اذا جاها ماي او طاحت في البحر ما يظرها...

اخوك
Lone

[نوخذة بنيدر]

السلام عليكم ورحمة الله وبركاته

بالنسبة للمكاين في نوعية ممتازة سعرها معقول وعندي منها اربع مكاين وصارلهم خمس سنين شغالات

وقوية نوعيتها.. باندو 700

وانا انصحك فيها ..

اما القصبة فا الميتشل القديم 4.5 متر

والسلام عليكم ورحمة الله وبركاته

[عاشق الكنعد]

اخوي السندباد 9

صباح الخير

خذها مني انا عصا دايوا 4.5 م + ماكينة بانكس = قوة ومتانة وتحمل

والله يوفقك .

[القبقب]

أفضل نوع ميتشل الفرنسية أشتريها وانت مغمض

[بورهف]

حيالله اخوي السندباد
انا من ناحيتي عندي عصا جي ام سي كربون 4.5 ولا احلى خفيفه ومرنه
والماكينه باناكس 4000 برضو خطيره الحين لها سنه ونص ولا اشتكت من شي
بورهف

[أبو وداف]

أخوي السندباد تبغاتاخذ سنارة بجدة خذ نصيحتي وروح فيفة