ماهو أطيب اللحم بالحاشي

[قليقلان]

السلام عليكم ورحمة الله وبركاااته

ياشباب اذا جيت تشتري لحم حااااشي واش الجزء اللي تطلب من القصاب يقص لك منه

فيه واحد نصحني بالقويصله اللي هي لحم الظهر

صراحه طعمها لذييييذ لكن مشكلتها دهنها واااجد


اخوكم عليمي ونبي من اصحااااب الخبره افااادتنا بافضل لحمه للحاشي


طبعا اللحم يكون للكبسه


ومشكورين سلفا

[ابو عزو]

اكيد لحمه الظهر افضل لحمه

واللي هي الفقار

افضل بعدها لحمه اليد...

[رياض السنباطي]

الدويخلة وبعدها القويصرة وبعدها الكتف

[اورنس الشرق]

القويصررررررررررررره ما فيها كلام

[ابو نجود]

اطيب اللحم هو الفقار (الظهر) والاضلاع..ثم بعدها اليد..

[ضحية بيشة]

والله اطيب جزء هو الفقار وهو التقاء الكتف بالظهر وبعدها الكتف طبعا فيه ناس

تحب الهبر فياخذ من اليد او الرجل ومعروف ان الفخذ اقل كليسترول وناشفه تقريبا فهي

المفضله للمرضى ...واليد طبعا دسمه نوعا ماء والقصابين مشكلتهم يحسبون عليك

الشحم وبعضهم يكيسها ويضيف قطع من الرقبه ...انا بصراحه ما اشتري الا من

محطة حفر العتش عند دوار التنهاة طبعا اللي يجرب لحمتهم يعرف الفرق ومعي رقم

المصري رضا عمدة كفر العتش خخخخخ اتصل فيه ويقول لي موعد الذبح واروح

اخذ كميه لي واللي يوصيني ...واللي يبغى يروح له يعطيني خبر عشان يسلم من

الغش ...اما قصابين الرياض تكرم النعمه ابعدووو عنهم نصيحه

[السهلى 1]

افضل لحم فى الحاشى

1- الفقار

2- المقاديم ( وهى نهاية الظهر من الامام وبداية الكتف )

[رعد الصحراء]

يالله حيه
بالنسبه لي الفقار أطيب وألذ
وبالنسبه لك الخميعه ههههههههه
كل ما أشوف معرفك أضحك على سالفة الخميعه
الله يسعدك
’’تـقبل مروري’’

[النمر المرنقط]

اكيد لحمه الظهر افضل لحمه

واللي هي الفقار

افضل بعدها لحمه اليد...

ياعيني عليك

انت كذا



كلام سليم 100%

[دكتور بر]

يا عيني على الفقار وغيره لا تدور

[صقر السديرات]

الدويخلة وبعدها القويصرة وبعدها الكتف

كيفك أخوي وش الدويخلة والقويصرة الله يعافيك؟

[_ذيب ثهلان_]

عليك باليد وبالجنب والفقار والزوريه وغيره لا تدور

[قليقلان]

مشكوريين ياشباب على الردود واجمع الكل على لحمة الفقااار واليد

بالنسبه لك الخميعه ههههههههه
كل ما أشوف معرفك أضحك على سالفة الخميعه

رعد الخميعة لخفنا منها الين قلنا بس

هالحين نبي نغير

[الضاري]

ماشاء الله الشباب ما قصروا
قالوا كل اللي بخواطرنا وزياده

الله يعطيكم العافيه جميعاً

[الرجيلي111]

ماشاء الله الشباب ما قصروا
الله يعطيكم العافيه جميعاً