السلام عليكم
ياليت اللي مركب الونش علي تاهو الشكل الجديد يصوره لنا لان واحد من الشباب وده يركبه لكن وده يشوف شكله عليه وشكرا
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
ياليت اللي مركب الونش علي تاهو الشكل الجديد يصوره لنا لان واحد من الشباب وده يركبه لكن وده يشوف شكله عليه وشكرا
بشرى لاهل الجموس والدينالي
انا ركبت ونش على دينالي 2010 مخفي وبدون فك الصدام الامامي
بصراحة التركيب كان بطريقة احترافية وشغل صح
نوع الونش وارن امريكي 4.5 طن (تشغيل بريموت + تشغيل بكيبل )
راح انزل لكم الصور قريبا .....
لاتستعجلوووووووووووون.......
الركبي
السلام عليكم ورحمة الله وبركاته
اقدم لزملائي وأخواني عشاق تركيب الونش وعشاق الدينالي خطوات تركيب الونش على سيارتي الدينالي 2010 ...
مقدمة بسيطة :
بعد شرائي لسيارتي المفضلة الدينالي 2010 رغبت في تركيب ونش وذلك لرغبة منى بأخذ الاسباب وجميع الاحتياطات خصوصا أني من عشاق الكشتات وطلعات البر ..
في الحقيقة ترددت كثيرررررررر في تركيب الونش وذلك بسبب رؤيتي لصوررر كثير من الزملاء وهم يفكون صدام سياراتهم الجديدة وتعرفون يا أخوان ما يعني فك صدام السيارة وخصوصا اذا كانت جديدة . بدأت أبحث عن طريقة افضل للتركيب وبعد بحث مضني في النت وجدت أن أفضل ورشة لتركيب الونشات في المملكة هي ورشة السليماني اللي في الرياض
بعدها عقدت العزم وقلت يا ولد مافيه الا توكل على الله وتشوف شغلهم بنفسك يمكن فيه طريقة افضل من بعض الصور اللي ارفقها بعض الزملاء وعند وصولي الي الورشة ( طبعا شديت الرحال من الشرقية ) تفاجأت انهم استطاعوا تركيب الونش وبدون فك الصدام وبلا وجع راس والشغل كله من تحت الهيئة الامامية وبطريقة احترافية
ما أطول عليكم واترككم مع الصور ...
ابدأ أولا مستعينا بالله وأرجو من ألأخوة الزملاء عدم الرد حتى تكتمل الصور راجيا من الله الفائدة للجميع :
المرحلة الأولى : طلع الونش ياولد من الكرتون وتفقد اغراضك شيك عليها وتكفى تأكد كلها موجود .... هاه دير بالك لايكون فيه شي ناقص ( طبعا الونش ماركة وارن امريكي 4.5 طن يعني ما شاء الله المسكت واذكروا الله يا أخوان)
الخطوة الثانية : فك الربلة اللي اسفل المكينة ( الواقي )
الخطوة الثالثة الفني يشرح لي مكان تركيب قاعدة الونش وهي مثبته على صاج سميك ومثبته على الشاصي ببراغي مخصصة لذلك ( طبعا اكتشفت ان شاصي الجمس معمول فيه فتحات مخصصة لهذا العمل رهيييب يالامريكي)
المرحلة الرابعة : تجهيز قواعد الصاج حامل الونش (الزوايااللي يركب عليها الصاج وهي على شكل حرف ال بالانجليزي )
المرحلة الخامسة ..تابع تجهيزالقاعدة
صورة تبين سماكة حامل القاعدة - الصاج
المرحلة السادسة : فك الاطار اللي خلف اللوحة
المرحلة السابعة : اخذ مقاسات عمل فتحة لبكرة الونش ( المخرج )
المرحلة الثامنة عمل فتحة بمقاس مخرج الونش وبطريقة احترافية ( طبعا انا اخترت موقع الونش يكون مخفي خلف اللوحة حتى لايكون فرصة لكل واحد يشوفه يتعبث فيه )
المرحلة التاسعة : تجهيز الونش
المرحلة العاشرة : تركيب الونش واخذ الوزنيات اضبط الشغل يا ولد
المرحلة الحادية عشرة : التأكد من الوزنية قبل التركيب النهائي للونش بصراحة شغل نظيف . الفلبيني هذا بصراحة لمساته ماشاء الله عليه شغل وكاله
المرحلة الثانية عشرة: نركيب وتثبيت الونش على القاعدة بشكل نهائي
المرحلة الثالثة عشرة : تركيب كهرباء الونش ووصله بالبطارية (الكيبل و الكنترول)
المرحلة الرابعة عشرة : الونش بعد التركيب وهو خلف اللوحة مخفي وغير ظاهر يا جماعة اذكروا الله وقولوا ماشاء الله تبارك الله
طبعا لازم نحط شعار الونش وارن بالخلف ( رابطة اصحاب الونش هاه وش رايكم )
واخيرا الحقيقة احب اشكر ادارة ورشة السليماني الرياض ( شارع العزيزية ) على تعاملهم الراقي وخصوصا الاخ عبدالله السليماني الذي غمرنا بأخلاقة العالية والراقية ويعلم الله أنه لاتربطني بهم أي معرفة سابقة وهذه ليست دعاية لهم ولكن مشاركة مني لاخوني في منتدانا الحبيب مكشات
ملاحظة : تم تركيب الونش قبل ثمان شهور وتم تجربته عدة مرات وبصراحة جباااار واعتذر عن التأخر في تحميل الصور خصوصا لارتباطي وانشغالي كثيرا عن المنتدي
مع تمنياتي لكم بالاستمتاع بالمشاهدة
يا أخوان انا لااسمح ولا أبيح من ينقل الصور بدون ذكر المصدر حسب قوانين منتدانا العزيز وبارك الله فيكم
الركبي
ما شاء الله.. شغل نظيف و مرتب..
اخوي كم كلف الشغل كامل مع سعر الونش؟
وفي شغلانة لو يسووها بس.. القاعدة التفصيل لو يسوو ليها بوادر كوتنج عشان يمنع الصدأ.. يطلع الشغل مية مية..
اشكرك اخوي MohsinSk
الشغل تقريبا كلفني حوالي خمس الاف ريال ( طبعا انا طلبت بالاضافة الى الكيبل حق التشغيل ريموت تشغيل عن بعد وتم تركيبه ايضا في مكان داخل السيارة مفتاح غطى الماكينه ( الكبوت )
اقتراحك جدا رائع واحتمال بعد اسبوعين اروح مع واحد من اخوياي راح يركب نفس الونش على يوكن اكس ال 2007 لانه اعجبه الشغل . راح احاول انقل اقتراحك وتسلم لي يالغالي
ودي اقترح على الاخوان المشرفين نقل رابطة ملاك الونشات الى السيارات وتجهيزها لانها قسم من تجهيزت السيارات وليست في قسم السيارات ( اتمنى التفاعل )
الركبي
ماشاءالله تبارك الله الله يعطيك من خيره ويكفيك شره
شغل مرتب ومضبوط صراحه
تسلم ياخوي راعي الطلعات على التفاعل
الحقيقة الونش مهم لكل واحد راعي طلعات وبر مقناص المواقف اللي تحصل في البر كثيرة واحيانا خطيرة
الحقيقة فيه مقطع في اليوتيوب اثر في كثير وهو بعنوان ( تغريس الثمامة ) وفيه تغريس سيارات كثيرة وما استطاعوا يطلعون السيارات الا عن طريق واحد معه ونش وبدون جهد كبير على السيارة
الونش يحفظ سيارتك وخصوصا القير ويساعدك في الخروج من مهالك كثيرة
شاكر لك التواصل وانا حاضر لاي استفسار
الركبي
بيض الله وجهك يا الركبي
لكن لو تعطي تفصيل للسعر لا هنت
لان للي خوي براء الرياض ووده يجي لهالشغله وشغلات ثانيه
ووشرايك بالثلاثه طن وشكرا
هلا ومرحبا اخوي كاشت المدن
بالنسبة لتفاصيل تركيب الونش في كالتالي :
1) سعر الونش 4 طن ثلاث الاف وسبعمية ريال ( 3700 ريال)يجي معه كيبل التشغيل
2) سعر القاعدة مع التركيب الف ريال ( 1000 ريال )
3) سعر الريموت ( اضافي ) الامريكي (وارن) 310 ريال والصيني 120 ريال
بالنسبه لسؤالك عن ال3 طن ممتاز ولكن انا اخذت ال 4 طن زياده في الاحتياط وتحسب لسحب سيارة كبيره ومحملة ( وهي في وضع تغريس ثقيل يعني على بطنها )
وتقبل تحياتي
الركبي
للتصحيح يا اخوان
الفرع اللي ركبت فيه الونش هو السليماني اللي في حي المرسلات شارع الملك عبدالعزيز بجنب الدفاع المدني الرياض ورقم الورشة للاخوان اللي يبون تفاصيل اكثر 014541230 ( شفيق )
الركبي
السلام عليكم
وش رايكم بالونش الاسترالي الموجود عند السليماني ٥ طن غير وارن
ميزته ان سعره ٣٠٠٠ ريال والرموت حقه واير لس
وهل وارن له ريموت واير لس او لا
وشكرا
- للرفـع جزاكم الله خير
هل يفضل لي تركيب الونش الخلفي ام الامامي
وانا خصوصآ اني ماحتاجة الا قليل
لذآلك قررت اركب الخلفي لاكن ابيكم تسعفوني بالاسعآر
؟؟
هلا ومسهلا با خوي كاشت المدن ....
والله وانا اخوك انا ما جربت الاسترالي لكن من خلال تجارب الناس والمواقع المتخصصة بالاوناش ومنها الامريكية والاوروبية الاغلب ينصح بوارن صح ان قيمة اغلى من الصيني أو الاسترالي ولكن الشيء الزين يستاهل ثمنه
وعلى فكرة وارن له ريموت ( انا عندي الكيبل ( يجي مع الونش اساسي واشتريت وايرلس ريموت قيمته الاصلي ب 310 والصيني ب 120
والاخوان ممكن يفيدونك اكثر
الركبي
تسلم يا اخوي مكشاتي للاخر ....
والحقيقة السليماني شغلهم ممتاز وهذا اللي يخلي اسعارهم اعلى من السوق بس يستاهل الشغل النظيف
اما بخصوص سؤالك تركيب الونش من قدام أو من خلف الحقيقة اغلب الونشات تتركب من قدام لكن فيه بعض الاخوان استطاع انه يعمل له توصيله يقدر يركبها من قدام او من خلف لكن بصراحة ما ادري هل فيها مشاكل ولا لا
ان شاء الله احد الاخوان يقدر يفيدك
الركبي
الذين يشاهدون الموضوع الآن: 1 (0 من الأعضاء و 1 زائر)