***^^^^&&&& رابطة ملاك الونشات *** &&&& ^^^^

[مهندس مصمم]

مشكورين على على الموضوع والمشاركات المفيدة
وابي رايكم بالونش هذا من بريطاني من موقع eBay ومشكلة تكلفة الشحن
http://www.ebay.co.uk/itm/RECOVERY-W...ht_8180wt_1137

[قناص مزاجي]

السلام عليكم

[والد سعيد]

اوطالب بتثبيت هذا الموضوع لماله من اهميه
ارجو من الاداره تثبيته ودعمه

[دانفوس]

وينكم ياهل الونوش نايمين


عطونا ملاحظاتكم بعد الاستعمال وماهو الونش الذي استعملته


نورونا الله ينور قلوبكم بالايمان

[راعي المقرات]

السلام عليكم ورحمته وبركاته : الله يمسيكم بالف خير


يشباب عندي مشكله بالونش حق الجيب حق الوكاله جيب شاص 2010يهرب زيت احمر مدري وش المشكله وهل لها حل وهل يضر اتهريب مع شغل الونش
نورونا الله ينور عليكم

[MماونشيM]

عندي ونشين تويوتا بدون قاعده
واحد بريموت

[جنط]

السلام عليكم ورحمه الله وبركاته

الله يمسيكم بالخير

عندي استفسار لا هنتو عن الونش الصيني 4 طن اللي يورد من الامارات ما رأيكم فيه وهل هو عملي او لا وكم سعره جديد وهل يوجد بالرياض

ونا صراحه ودي اركب ونش ما ذا تنصحوني فيه علمن بأن ودي اركب 4 او 5 طن ع البطاريه وهل يفرق الثلاثه ونص عن ال4 و اللي يخبر لي شي زين يبلغني

عذرا ع الاطاله
تحياتي لكم

[(((.ابوتميم .))))]

السلام عليكم ورحمه الله وبركاته

احيي من في هذه الرابطه المباركه باهلها
معي جيب شاص 2012 بدون ونش وافكر اركب ونش
والي مخليني متردد
انه هل فيه تجريح اسلاك او فتح الضفيره
ام مجرد افياش وتوصيلات
هل فيه ضرر على الموتر او احد اشتكى
وتتوقعون في قص ولحام واجد في الشاصي
طبعا النيه على وارن
اتمنى احد يجاوب على الاسئلة وله دعوة

[NissaN 1990]

عندي ونش حق جيب فكسار موديل 2005 هل أقدر اركبه على نيسان باترول موديل 1998

[TwisToOoO]

السلام عليكم ورحمة الله وبركاته

اقدم لزملائي وأخواني عشاق تركيب الونش وعشاق الدينالي خطوات تركيب الونش على سيارتي الدينالي 2010 ...

مقدمة بسيطة :

بعد شرائي لسيارتي المفضلة الدينالي 2010 رغبت في تركيب ونش وذلك لرغبة منى بأخذ الاسباب وجميع الاحتياطات خصوصا أني من عشاق الكشتات وطلعات البر ..

في الحقيقة ترددت كثيرررررررر في تركيب الونش وذلك بسبب رؤيتي لصوررر كثير من الزملاء وهم يفكون صدام سياراتهم الجديدة وتعرفون يا أخوان ما يعني فك صدام السيارة وخصوصا اذا كانت جديدة . بدأت أبحث عن طريقة افضل للتركيب وبعد بحث مضني في النت وجدت أن أفضل ورشة لتركيب الونشات في المملكة هي ورشة السليماني اللي في الرياض
بعدها عقدت العزم وقلت يا ولد مافيه الا توكل على الله وتشوف شغلهم بنفسك يمكن فيه طريقة افضل من بعض الصور اللي ارفقها بعض الزملاء وعند وصولي الي الورشة ( طبعا شديت الرحال من الشرقية ) تفاجأت انهم استطاعوا تركيب الونش وبدون فك الصدام وبلا وجع راس والشغل كله من تحت الهيئة الامامية وبطريقة احترافية

ما أطول عليكم واترككم مع الصور ...

ابدأ أولا مستعينا بالله وأرجو من ألأخوة الزملاء عدم الرد حتى تكتمل الصور راجيا من الله الفائدة للجميع :

المرحلة الأولى : طلع الونش ياولد من الكرتون وتفقد اغراضك شيك عليها وتكفى تأكد كلها موجود .... هاه دير بالك لايكون فيه شي ناقص ( طبعا الونش ماركة وارن امريكي 4.5 طن يعني ما شاء الله المسكت واذكروا الله يا أخوان)


الخطوة الثانية : فك الربلة اللي اسفل المكينة ( الواقي )

الخطوة الثالثة الفني يشرح لي مكان تركيب قاعدة الونش وهي مثبته على صاج سميك ومثبته على الشاصي ببراغي مخصصة لذلك ( طبعا اكتشفت ان شاصي الجمس معمول فيه فتحات مخصصة لهذا العمل رهيييب يالامريكي)

المرحلة الرابعة : تجهيز قواعد الصاج حامل الونش (الزوايااللي يركب عليها الصاج وهي على شكل حرف ال بالانجليزي )

المرحلة الخامسة ..تابع تجهيزالقاعدة

صورة تبين سماكة حامل القاعدة - الصاج


المرحلة السادسة : فك الاطار اللي خلف اللوحة


المرحلة السابعة : اخذ مقاسات عمل فتحة لبكرة الونش ( المخرج )



المرحلة الثامنة عمل فتحة بمقاس مخرج الونش وبطريقة احترافية ( طبعا انا اخترت موقع الونش يكون مخفي خلف اللوحة حتى لايكون فرصة لكل واحد يشوفه يتعبث فيه )


المرحلة التاسعة : تجهيز الونش





المرحلة العاشرة : تركيب الونش واخذ الوزنيات اضبط الشغل يا ولد

المرحلة الحادية عشرة : التأكد من الوزنية قبل التركيب النهائي للونش بصراحة شغل نظيف . الفلبيني هذا بصراحة لمساته ماشاء الله عليه شغل وكاله


المرحلة الثانية عشرة: نركيب وتثبيت الونش على القاعدة بشكل نهائي


المرحلة الثالثة عشرة : تركيب كهرباء الونش ووصله بالبطارية (الكيبل و الكنترول)

المرحلة الرابعة عشرة : الونش بعد التركيب وهو خلف اللوحة مخفي وغير ظاهر يا جماعة اذكروا الله وقولوا ماشاء الله تبارك الله


طبعا لازم نحط شعار الونش وارن بالخلف ( رابطة اصحاب الونش هاه وش رايكم )



واخيرا الحقيقة احب اشكر ادارة ورشة السليماني الرياض ( شارع العزيزية ) على تعاملهم الراقي وخصوصا الاخ عبدالله السليماني الذي غمرنا بأخلاقة العالية والراقية ويعلم الله أنه لاتربطني بهم أي معرفة سابقة وهذه ليست دعاية لهم ولكن مشاركة مني لاخوني في منتدانا الحبيب مكشات

ملاحظة : تم تركيب الونش قبل ثمان شهور وتم تجربته عدة مرات وبصراحة جباااار واعتذر عن التأخر في تحميل الصور خصوصا لارتباطي وانشغالي كثيرا عن المنتدي

مع تمنياتي لكم بالاستمتاع بالمشاهدة

يا أخوان انا لااسمح ولا أبيح من ينقل الصور بدون ذكر المصدر حسب قوانين منتدانا العزيز وبارك الله فيكم

الركبي

ماشاء الله تبارك الله الله يعطيك من خيره ويكفيك من شره بس عندي ملاحظة بسيطه واستفسار في نفس الوقت

الونش مكانه لك عليه شوي يعني لاسمح الله لو ضربة بسيطه ممكن يتاثر << وجهة نظر

الملاحظة الثانية مكان تركيب كهرباء الونش ما كانه نازل ومكانه حساس ومعرض للظربات من تحت؟؟؟ بالنسبة لديرتنا ووضعها مع الامطار هل سيتاثر الونش مع الماء؟؟ وهل سيتاثر بوكسية كهرباء الونش ايضا بالماء؟؟

تحياتي لشخصك الكريم والله يبارك لك فيه

[hijack]

موضوع جميل ومعلومات طيبة بارك الله لكم لكن عندي سؤال ل ا الركبي
كيفه علي الدينالي معك هل لاحظت اي تغير او اي مرئيات في الموضوع وشكرا ؟؟

[NissaN 1990]

بعد البحث والتعب ركبت ونش VXR على نيسان باترول موديل 1998 ربع والحمد لله ناجح علماً بأني رحت للمراكز الكبار المعروفه بالترهيم وقالو مستحيل يركب ولو يركب راح ناخذ عليك 1200 ريال ورزقني الله بحداد ممتاز فصل قاعده 10 ملي وضبطه لي بدون تخريم او تلحيم كل شغله مسامير ب 250 ريال ورحت لكهربائي راعي ونوش وشبكه لي ب 100 ريال ،،،،

[mazn1424]

ركبت ونش على بليزر 95 من النوع التايوان وله سنه من اروع ما يكون

اخذته من جده من السليماني وانا اللي ركبته

وسلامتكم

[فيصل التميمي]

ماشاء تبارك الله وابطه مباركة
ارغب في تركيب ونش على جيب الشاص ولكن ابحث عن ونش زين وسعره معقول

[احلا خال]

كل عام وانت بخير
يا ريت تفيدوني عن افضل ورشة لتركيب الونش من ناحية السعر والجودة ولكم جزيل الشكر