***^^^^&&&& رابطة ملاك الونشات *** &&&& ^^^^

[فهد الميهوبي]

سلام عليكم ورحمة الله وبركاااااته
سؤااالي ياخوان انا ناوي اشتري ونش 5طن او 5ونص وابي اركبه على جيب العشه ونويت على ورن يمدحونه لكن المشكله انها موديلات وش تنصحووني فيه وكم سعره في بعض الشباب يقول كل ما كثرت البكره تريح الونش البكره انا اشتريها ولا تجي مع الونش تروني غشيم بالونشااات ههههه ولتركيب هل يتلحم او بمسامير يتثبت ولافضل ايش وهل استطيع انا اركبه يعني اشتريه واركبه انا وانا ما شريت لحد الحين خلال اليومين ذي انشا الله ومخاااااااااب من استشااار انتضر الردود علمن انا من سكان تبوووك

يااااشباب لي اسبووع انتضر الرررد

[برج الخير]

وينكم يا شباب الرجال يبي المشورة

وشوري عليك خذ من الاخ سنافي ونش تقريبا على ما اظن 3 و نص طن كفاية ما شاء الله

اما البكرة فتحصلها عند السليماني .............

[راعي الطلعات]

سلام عليكم ورحمة الله وبركاااااته
سؤااالي ياخوان انا ناوي اشتري ونش 5طن او 5ونص وابي اركبه على جيب العشه ونويت على ورن يمدحونه لكن المشكله انها موديلات وش تنصحووني فيه وكم سعره في بعض الشباب يقول كل ما كثرت البكره تريح الونش البكره انا اشتريها ولا تجي مع الونش تروني غشيم بالونشااات ههههه ولتركيب هل يتلحم او بمسامير يتثبت ولافضل ايش وهل استطيع انا اركبه يعني اشتريه واركبه انا وانا ما شريت لحد الحين خلال اليومين ذي انشا الله ومخاااااااااب من استشااار انتضر الردود علمن انا من سكان تبوووك

وعليكم السلام والرحمة

يا هلا فيك اخوي فهد

اخوي فهد اختيارك لمنتجات وارن اختيار ممتاز وبالنسبة لجيب العشة ونش خمس ونص راح يكون كبير وثقيل على الجيب وخاصه انه حجم الجيب صغير مقارنة مع الجيوب الحديثة لكن هذا طبعاً لا يمنع من تركيبه او شرائه

طبعاً قووي لكن هناك مشكلة انه اذا كنت بتسحب سياره متعلقه بقوه في طين او ما شابه بدال ما تسحب السياره يصير الونش يسحبك للسياره الاخرى إلا اذا ربطة الجيب في شجرة او سياره اخرى ( واقولك هذا الشي من مشاهدة ) لكن عندك مثلاً حجم ثلاثة ونص طن او اربعه ونص طن هذا جداً جداً مناسب

اما بخصوص البكرة هذي تجي قطعه لحالها من نفس الشركة كذلك ولها اوزان من 200 إلى 300 واكثر حسب ما اخبرني العامل بمحل السليماني وتعطي قوة سحب كبيرة وتخفف الحمل او ثقل السحب على الونش نفسه

يعني ونش بقوة سحب اربع ونص مع البكرة تعطيك قوة ثمانية إلى تسعة طن زيادة

بالنسبة للتركيب شبه سهل لكن يحتاج فقط المكان المناسب وقوة التلحيم للقاعدة التي راح يثبت عليها الونش في شاصي السيارة وطبعاً الكهرب لبد من وضع السالب مع السالب والموجب مع الموجب هكذا افظل واضمن وليعطي الونش قوة في الاداء

للاسف لا اعرف اي ورش في تبوك ولا كان دليتك وطبعاً التركيب يأخذ يوم كامل ففط ويمكن نصف يوم

هذا ما لدي واتمنا ان اكون افدتك لو بالقليل

وتمنياتي لك بالتوفيق

[zyarahmy]

يا شباب اللي يعرف ورشه في الشرقيه تركب ونشات يدلنا

انا ابي اركب على الجيب اللي في التوقيع يعني بيقص صدام الحديد ابي واحد شغله 100/100

[فهد الميهوبي]

سلام عليكم ياراعي الطلعات لاهنت الحين ونش وورن يجي موديلات ايهم افضل من تجربتك اي موديل

[ابو سلطان1234]

يا شباب اللي يعرف ورشه في الشرقيه تركب ونشات يدلنا

انا ابي اركب على الجيب اللي في التوقيع يعني بيقص صدام الحديد ابي واحد شغله 100/100

والله شوري عليك بما ان صدامك حديد ركب دعامة خارجية جاهزة وعليها الونش تلقاها عند السليماني احسن لك من قص الصدام وتخريبه

[zyarahmy]

والله شوري عليك بما ان صدامك حديد ركب دعامة خارجية جاهزة وعليها الونش تلقاها عند السليماني احسن لك من قص الصدام وتخريبه

الله يعطيك العافيه بس تعرف أسعارها ؟

[AMERALNET]

ماعتقد ان فيه موديلات
اللي تختلف فقط القوه بحكم تجربتي للنوعيه هاذي الجباره الامريكي وارن

[جوال79]

السلام عليكم ورحمة الله
انا عندي جي اكس 2 م: 2009عليه ونش شد بلده جديد سحبت فيه السيارة خمس مرات في وقت واحد وكانت تغريزه قويه وبعد فترة بسيطة إلاهويخر الزيت ورحت الوكالة وبعد 12 يوم غيروه لواحد جدييد ة ولاشغلته من بعدهأ
ولكن لي تجربة سابقة مع وارن على جمس حوض غمارتين لأكثر من ست سنوات ولامر علي اي عطل فيه مع اني كنت استخدمه بكثرة لأن الونيت طويل وسهل التغريز وياحبذا اضافة موضوع سابق وهو (استخدام الونش بين الإحراج والضرر) او قريب من هذا العنوان لأن فيه تعليمات جيدة ومفيدة

[اسير الغضا]

هنا انواع واشكال الاوناش
http://winchline.com/winch.htm

[سنافي وبس]

اشكر كل من رد او تفاعل ... فكلنا لبعضنا ... ومن يعرف اي معلومة او استفسار لاي رد فلا يبخل علينا حتى لو كان الكلام موجه لصاحب الموضوع ... بانتظار اصحاب الونشات الجديدة

[D8109]

السلام عليكم

الصراحه كنت تو افكر بهالموضوع... اخوي يقول ركب ونش على سيارك (هايلكس) والصراحه عجبتن الفكره... حبيت اشوف كان احد معه هايلكس ركب عليه ونش واكسب خبرته او اذا واحد يعرف له احد ركب ونش عشان ودي اعرف وين احسن مكان عشان يصير الحمل متناسق على الشاص كله.


السياره هايلكس دبل 2010... ودي بونش زين الصراحه ما سألت اخوي وش النوع الزين وإلى الحين ما تفرجت بالنت عن انواعهن ومقاساتهن فـ لو تعطونن فكره عن افضل الموجود يعني كم طن يتحمل وشو المناسب ماودي بشي قوي ما احتاجه ولا شي ضعيف لامن بغيته ما استفيد منه. طبعن لو واحد مركب واحد وقاضي يكون حلو عشان اقدر اشوف وشلون بس احسن لو الجميع يساعد بخبرته.

و ايضا وش نوع الحمايه اللي اقدر اركب عليه؟ يعني عن المطر وكذا هل ارهم له غطا ولا شلون؟ واهم شي الورش اللي تمدحونهن للتركيب عشان امرهم واشوف وش اسعارهم. مع الأسعار المتوقعه لشغل اليد وانواع الونوش.


انا إلى الحين ما مشيت على الموضوع بمشي عليه ومتأكد مجموعه من التسائلات راح القى لهن إجابه بس حبيت آخذ الأجوبه من ناحيه واحد مركبه على هايلكس عشان اشوف هو يمدحه ولا لا.

وشاكر لكم مساعدتكم

[kmn]

السلام عليكم
عندي سؤال عندي وينش وفيه مشكلة الوزنية مع البكرات وحلها يا انك تشق الصدام وتنزل البكرات وهذا احس انه حل تعبان اما الحل الثاني هو انك تفل الواير كله وتخليه يلف عكس يعني يصير زرار اللي يسحب يصير يفل الكلام اللي رادني هو هل اذا فليته وخليته يلف بالعكس بتصير لفته قوية يعني ( يسحب ) وسبب السؤال وعدم التجربة هو ان الواير اذا فليته ما اقدر اطويه زي الوكالة ويصير يحط باللي حولة ويمكن يكسر لي شي فلذلك علموني افله ولا ما افله علشان لا اتوهق فيه طويتة .

[سنافي وبس]

بانتظار جديدكم

[أبو ثبوت]

بعد التحية أنا ما سجلت في هذا المنتدى الا عشان استفسر في هذا الموضوع الرائع و لا تهون باقي المواضيع
السؤال/معي ربع 2010 بدون ونش و ودي اركب ونش وكالة نظرا للاهتمام بالشكل لكن الوكالة غالية
باختصار ما ادري وين القاه و بكم سعره و وشلون و وين اركبه ويهمن انه يكون جددددددددديد
ارجو الافادة سنين ابحث عن الجواب هههههه (ما تجي)
مشكورين على الموضوع