تصحيح *** صور صيد ممتع في السودان

[الفيتو]

بسم الله الرحمن الرحيم
السلام عليكم ورحمة الله وبركاته
الحقيقه يا اخوان لصقت صور فروخ الحباري مكان صور البهاب صلحنا الخطا والعذر والسموحه
وهذا الموضوع بالصور الصح
قبيلة البجا في الاقليم الشرقي ( الهدندوه ) يسمونه ( بهاب ) وقبيلة الرشايده يطلقون عليه اسم ( غنم سلمى ) سلوكه الفطري يختلف عن الظبا وهو من فصيلتها لكن كل انثى لها ذكر يتواجد في( الحشاش )
جبيلات صغيره تكون تحت الجبال الكبيره في مسايل الأوديه وخاصةًاللي فيها راك فيه سرعه
تفوق سرعة الأرنب وأقل من سرعة الظبي أصنافه كثيره وأفضلها عندي اناالمتواجد في
شرق السودان والسبب انه أجملها واصغرها حجما وقليل الحذر( ما حافته الجيوب الشرع هههه )
وطريقة صيده سهله بس تعرف موقعه بالأثر( والمصان ) وتدوج في المسايل بين الهضيبات ولا تدري
الا وهومتذيربين ايديك .. متعه للبوارديه سريع المراوغه وقد صدته بالكشف اكثر من مره والشوزل لا تنشد وفي الليل يخرج في البراح يرعى السمر هد السلق وشوف الطرد وناسه لا توصف يحدث صوت لا طرده
السلوقي( صفير ) ما ينقطع ومره خرب المتر وحنا نطرده وراحت السلق في جرته على صوت
صفيره المتواصل وحطة الرد على الرد وطرحته أماكن تواجده لا تروح بعيد غرب من
سواكن 40كم منطقة( الكموسانه ) وغرب من سنكات تقريبا 20كم قريه داخل
الجبال إسأل أهل القريه اللي هناك عن البهاب وهي افضل من الكموسانه
اترككم مع الصور وعساها تعجبكم..........,

هذا هو محمول بين الأخوان يبدوا للوهله الأولى انه ارنب


هذا هو قريب من راس الوعل ولا حظوا ما ش فرق


هذا هو بين الأرانب والظبي


هذا هو بين اليدين

والسلام
الفيتو
الحجاز - السبت - 11 - شعبان - 1425هـ

[سيف حسنا]

صور حلوه والظاهر عنوه السودان قريبه. بس لو يرسلون لنا شوي

[العودالازرق]

يا الفيتو الصور جديده ولا قديمه لان حسب معلوماتي البسيطه ممنوع الان ارجو الرد وسلا متكم

[جميل المغازي]

يليت بينا وبين السودان تمهيده

[ابو عايد]

السلام عليكم ورحمة الله وبركاته

أخوي الفيتو تسلم على هالصور الي تشرح الصدر ما قصرت

وتقبل تحياتي // العاشق الولهان

[طحنون]

تسلم اخوي الفيتو خليتنا نشوف شي ماشفناه
وفعلا نوعيه صغيره الحجم من انواع الغزلان
سبحان الله
مشكور يالفيتو
اخوك طحنون

[هاوي مقناص]

الأصل كُتب بواسطة طحنون

تسلم اخوي الفيتو خليتنا نشوف شي ماشفناه
وفعلا نوعيه صغيره الحجم من انواع الغزلان
سبحان الله
مشكور يالفيتو
اخوك طحنون

[بــرق الشمال]

واااافي والله اخوي الفيتو والف شكر لك سواء لهذه المشاركه او السابقه
والله يكثر من امثالك....لتعم الوناسه على جميع مطلعي الصور الرائعه

[ميراج]

السلام عليكم ورحمة الله وبركاته

اخوى الفيتو مشكور على الصور أنا اول مره اشوف مثل هذا الحيوان

سبحان الله الظاهر من فصيلة الظبى

تحياتى

[عاشق القطا]

الأصل كُتب بواسطة ميراج

السلام عليكم ورحمة الله وبركاته

اخوى الفيتو مشكور على الصور أنا اول مره اشوف مثل هذا الحيوان

سبحان الله الظاهر من فصيلة الظبى

تحياتى

[الفيتو]

السلام عليكم ورحمة الله وبركاته

مساء الخير يا جماعه

الأخ العزيز * سيف حسنا *
تسلم , السودان مهوب مثل غيره شد حيلك واي استفسار انا في خدمتك حسب معرفتي

الأخ العزيز * العود الزرق *
مرحبتين واسف على التأخير الصور لها 3 سنين السودان الظاهر مهوب ممنوع الآن تشكلت لجنه
من البيئه والتجاره ومدري من بعد مسح لكافة مناطق السودان لتحديد المواقع اللتي تصدر عليها
تصاريح صيد حفاظاً على الصيد من الأنقراض . وانتهوا قبل عشرين يوم تقريباً . وسلموا التقارير
لمسؤلين السودان وعليها يتم انشاء الله السماح بالمقناص هذي السنه ,,هذي علوم اخذت
من مدير حرس الصيد الجديد اللي جاء مكان العقيد حامد .

الأخ العزيز * سواق الحراثه *
تعيش لو بيننا وبين السودان تمهيده ما لقينا عقبكم شي حتى الحره ما سلم صيدها
بعدين هذي الجره اللي في التوقيع عارفها جرة ابو عساف . قعطبة قنوص
وا حلالاه من حط واحد من تيوس ابو صاطي في ذالقدر وهوما يدري
سلامي للجميع

الأخ العزيز * أبو عايد *
تعيش وتسلم يا طويل العمر اهم شي يجوزلك ما سوينا

الأخ العزيز * طحنون *
تسلم وفيه نوع من الظباء بنزل فيه موضوع قريب بعد اتوقع محد شافه بيونسكم
بس المقناص با شرنا يمكن انزله في رمضان ان شاء الله . سرني مرورك

الأخ العزيز * الخشف *
مرحبتين والجاي اكثر انشاء الله تسلم

الأخ العزيز * برق الشمال *
الوفاء من طبعك يا طويل العمر مشكور على هالاطراء

الأخ العزيز * ميراج *
العفو يا طويل العمر نعم من فصيلة الظباء حسب علمي . بس مدري بيهد عليه الطير ؟
هههههه يمكن تهيض وتمشي للسودان . سرني مرورك يا بوطارق

الأخ العزيز * عاشق القطا *
تسلم يالغالي والعفو , ترى رميه فيه بورده يمكن يناسبك .

والسلام
الفيتو
الحجاز - الاثنين - 13 - شعبان - 1425هـ

[بدوي متحضري]

أخي الفيتو
السلام عليكم ورحمة الله وبركاته:
هذا الصيد اللي ينعنا له بالهناء والعافية ، لكن مثل ماذكر بعض الأخوة سمعنا أنه بعد الفتك اللي حصل بصيد السودان عملوا بعض الأنظمة بقصد الحفاظ على ماتبقى فإذا كان لديك علم بذلك فأفدنا بارك الله فيك...

[طير رمان]

السلام عليكم ورحمة الله وبركاته...

الله يعطيك العافية أخوي الفيتو على هالصور الرائعة...

[المتمرد]

ما قصرت الله يعطيك العافية