عطل غريب بقير كامري 2010

[شبل حرب]

السلام عليكم ورحمة الله وبركاته....
وكل عام وانتم بخير .

سيارة كامري موديل 2010 ماشيه 98 الف القير تماتيك

اذا عشقت السياره d تمشي تمام بالنمره الاولى يوم يبدل القير لثاني تنتع السياره وكنها على الفاضي
وديتها وكشفت كمبيوتر قالوا بريك سوتش وقالوا لي القير يبغاله توضيب بالاول قال غير الزيت والفلتر وطلعت نفس الحكايه
وقالوا لي يبغالها توضيب . مع العلم ان الريوس سليم .
فهل ياترى كلامهم صحيح بحكم خبرتكم .

والله يوفق الجميع

[مسير عليكم]

اخوي الطقه هذي بسبت تاخرك ماغيرت زيت القير
وبعدين لمن تغيره لا تدعس عشان تجرب اصبر يومين علي الموتر ومش عليه كنك تمرنه الين يسلك الزيت مع الكلتشات لمدت يومين
واذا ماراح الفضاوه شيك عليه عند اكثر من واحد و98 ماطلع من الضمان

[زياد علي]

الورشة اللي مريت عليها خراطين مافي شي توضيب لاول اساسا كله يجي طقم كلتشات كامل اذا ماسبق وغيرت زيت القير وفلتر قير غيره المفروض من 40000 الاولى مغيره او ودها الوكاله باقي على الضمان

[ع2ل4ي6]

دامهم قالوا بريك سويتش رح لمحلات قطع الغيار واطلبه حساس الفرامل ومكانه فوق دعاسة الفرامل و هو رخيص غيره بنفسك أو عند أي كهربائي وشف..

[شبل حرب]

حبايبي السياره ماهي على الضمان لانه ينتهي على 60 ألف.
والله محتار ياجماعه .

[شبل حرب]

اخوي علي هو معقول حساس الفرامل يسوي كذا؟

[أبورافع]

الضمان ينتهي بعد ثلاث سنوات او 100 الف كم وانا متاكد من الكلام هذا ودي السياره الوكاله يصلحونها لك على الضمان

[شبل حرب]

وديتها الوكاله قالوا 60 ألف كم والسياره خارج الضمان لانها ماشيه 98 ألف

[أبورافع]

لا يكذبون عليك الضمان الى 100 الف كم او ثلاث سنوات وانا قد وديت السياره وهي ماشيه 96 الف ودخلوها على الضمان

[مسير عليكم]

الضمان 100 الف ولا 3 سنوات واذا قال انها برا الضمان خليه يعطيك الي يثبت كلامه موترك 98 الف الحق قبل لا يغلق الميه وهنا يحجونك مافيه شي 60 الف ضمان

[مسير عليكم]

8001241616 هذا الرقم المجاني لوزاره التجاره طبعا الشباب شغالين صح ومعهم صلاحيات واذا لك حق بيطلعونه ان شاء الله